Дмитрий Коркин аатынан норуоттар икки ардыларынааҕы XII турнир бирииһин пуондата билиннэ.
Кыайыылаахтар кубок, диплом таһынан харчынан бириэмийэ ылыахтара. Ол курдук, 57, 61, 65, 70, 74, 79, 86, 92, 97 уонна 125 кг ыйааһыҥҥа бириис пуондата 130 000 $ тэҥнэһиэ. Бастакы миэстэни ылбыт спортсмен 5 000$, иккис буолбут – 3 000$, оттон үһүс – 2 000$ ылыахтара. Кыайыылаахтар тренердэрэ 1 000$ наҕараадаланыахтара.
Санатар буоллахха, 2012-2015 сылларга чемпионнар уонна призердар 3 000, 2 000, 1 000 $ ылбыттара. 2016-2017 сылларга бириис пуондата аччыы сылдьыбыта. Ол курдук, чемпионнар – 2 000, призердар 1 500 уонна 1 000 $ наҕараадаламмыттара. Оттон ааспыт сыллаахха 7 000, 5 000 уонна 3 000 $ этэ.
Sportyakutia.ru
