Войти

Войти

Тэгил дойдуттан

Тэҥнээхтэр мустан,

Хол дойдуттан

Холлоохтор холбоһон,

Сүүс биис ууһа

Сүүдүтэн уһаарбыт,

Туруук таастыы

Дуулаҕа Боотурдара,

Чочуйан оҥорбут

Чоруун тустууктара

Бэртэрин биллэрэ,

Күөн көрсө,

Күрэс былдьаһа,

Хары харбаһа,

Дьоллоох табаҕайдарынан

Таҥнарыта дайбаһа,

Күр муустуу күрдьүһэ,

Умса отонноһо,

Тура туруйалаһа,

Иэччэхтэһэн эргитэ,

Түөстээҕи түҥсэрсэ

Дуолан бэртэрэ

Туруннахтарыан,

Дугардаар!

Олимп аартыгын

Арыйыах

Аан дойду күрэҕэр

Тустуубут ыратын

Эриэн ыкка элээрдэн

Саха сааппат,

Ыт харбат

Дэттэхпит

Салаҥын.

Алгыс аалы көтөҕүө,–

Алы гынан

Алҕаатахпыт буоллун:

Күөн көрсөргө көхтөнүҥ,

Аҕыс ааһар албаһы

Көрүөх түгэн көччүтүҥ,

Уоттаах харахтан

Умсары көрүллэҥ,

Хоччоххойдорун сымнатан

Хотуулаах тахсыҥ,

Уон араас омугу

Умсарыта ууруҥ,

Тэллийэ курдук

Тиэритэ тэлгээҥ,

Үҥкүрүтэн-күөлэһитэн

Өҥүргэһинэн көрдөрүҥ.

Түһүлгэ түөрэҕэ

Эһиэхэ түстүн,

Солбонуйар буолаайаҕыт

Соргулаах буолуҥ,

Олоҥхоҕо курдук

Охторон-өһөрөн

Адьарай уолун

Анныгар баттааҥ!

 

Валерий Михайлов, интэриниэт хаартыската

Тарҕат:

Комментарии

Защитный код Обновить