Мас тардыһыытын норуоттар икки ардыларынааҕы федерациятын бэрэсидьиэнин Александр Акимов дьаһалынан, Пакистаҥҥа “Mas-Film Studio” диэн устар бөлөх үлэлиир. Бу туһунан федерация пресс-сулууспата иһитиннэрэр.
Ахсынньы 7,8 күннэригэр Пакистаҥҥа, мас тардыһыытын III национальнай чемпионата ыытыллыбыт. Күрэхтэһиигэ Пакистан 20 штатыттан 300 спортсмен кыттыбыт.
Манна устар бөлөх бу дойдуга мас тардыһыыта хайдах сайдыбытын туһунан документальнай киинэ устар. Киинэ аангылыйа тылынан тахсыаҕа, нууччалыы тылбаастаах буолуоҕа.
