Греко-римскэй тустуу спортивнай саалатын Роман Дмитриев аатынан Олимпийскай эрэллэр училищетыгар арыйдылар.
Саала үөрүүлээх аһыллыытыгар үс төгүллээх олимпийскэй чөмпүйүөн, Госдума дьокутаата Александр Карелин кытынна.
“Дмитрий Ущницкай манна маннык саала баар буолуоҕун баҕарарын туһунан этиитин өйөөн, олоххо киллэрсибит дьоҥҥо барҕа махталбын тиэрдэбин. Сотору кэминэн бу саалаттан чөмпүйүөннэр уһаарыллан тахсыахтара диэн эрэнэбин”, - диэн Александр Карелин бэлиэтээтэ.
Александр Карелин өрөспүүбүлүкэҕэ греко-римскэй тустуу сайдар саҕахтарын туһунан төгүрүк остуолга кыттыаҕа. Маны таһынан, кини Саха сирин уонна Новосибирскай уобалас спортивнай тустуу федерацияларын кытары греко-пимскэй тустуу эйгэтигэр бииргэ үлэлэһэр туһунан сөбүлэҥи түһэрсиигэ кыттыаҕа.
