Быйыл сайын Токиоҕа буолуохтаах олимпиада коронавирус ыарыыта туран, биир эбэтэр икки сылга көһөр кутталлаах. Бу туһунан “Wall Street Journal” Харуюки Такахаши диэн тэрийэр кэмитиэт чилиэнигэр сигэнэн суруйар.
Кини этэринэн, күрэхтэһиини биир сылга көһөрөр уустуктардаах. Тоҕо диэтэххэ, оонньуулар атын сүрүн күрэхтэһиилэри кытта тэҥҥэ ыытыллыахтарын сөп. Ол иһин икки сылга көһөрөр ордук. Кэлэр сылга буолар күрэхтэһиилэр бигэргэнэн тураллар.
