Войти

Войти

Орто Халыма куоратыгар тутулла турар саҥа элбэх функциялаах спорт комплексын быйыл 4-с кыбаарталга дылы үлэҕэ киллэриэхтэрэ.

Икки этээстээх таас тутууну социальнай сайдыы былаанын иитинэн федеральнай үптэн ылан туталлар. Тутуу 295,6 мөл. солк. сыаналаах. Бастакы этээскэ спорт саалата, тэриллэри уурар анал саала, сыгынньахтанар сир, суунар сир, эмчит хоһо, кэтэһэр хос, тириэньэр кэбиниэтэ, эрчиллэр саала баар. Оттон иккис этээскэ – тустуу саалата.

“Бу баараҕай эбийиэк болдьомут кэмигэр хайаан да үлэҕэ киириэҕэ. Оччотугар Орто Халыма олохтоохторо успуордунан дьарыктаналларыгар бары усулубуойа баар буолуоҕа”, — диэн Айсен Николаев миэстэтигэр тутуу хаамыытын билсэ сылдьан эттэ.

Тарҕат:

Добавить комментарий