«Демография» национальнай бырайыак иитинэн, Аллараа Бэстээххэ бу дьыл ахсынньытыгар саҥа спортивнай комплекс үлэҕэ киириэҕэ. Бу туһунан успуорт министиэристибэтин пресс-сулууспата иһитиннэрэр.
«Эбийиэк 83% бэлэм буолла. Билигин ис бараанын оҥороллор», – диэн успуорт миниистирэ Иннокентий Григорьев кэпсээбит.
Бастакы этээскэ 503 олорор сирдээх спортивнай саала, оҕолорго уонна улахан дьоҥҥо аналлаах бассейн, сауна, мэдэссиинэ кабиниэтэ, сыгынньахтанар сир, касса, регистратура баар буолуоҕа. Аэробика, остуол тенниһин саалалара, буфет - иккис этээскэ оҥоһуллуохтара
Комплекска күҥҥэ 1 456 киһи сылдьыан сөп. Ону тэҥэ «Демография» национальнай бырайыак чэрчитинэн Горнай Бэрдьигэстээҕэр эмиэ спортивнай комплекс тутулла турар, ону бу сыл бүтүөр диэри түмүктүөхтэрэ.
