Войти

Войти

Дьокуускайга 2021 сыл муус устар 5-11 күннэригэр кикбоксиҥҥа дойду чемпионатын ыытаары гыналлар. Бу туһунан “Спорт Якутии” саайт иһитиннэрэр.

Бырабыыталыстыба бэрэссэдээтэлин бастакы солбуйааччыта Алексей Колодезников тэрээһин боппуруостарыгар сыһыаннаах мунньаҕы ыыппыт. “Кикбоксиҥҥа дойду чемпионата норуоттар икки ардыларынааҕы ылыллыбыт стандарт К-1 түһүмэҕинэн ыытыллыаҕа. Турнир бочуоттаах ыалдьыттарынан аан дойду уонна Европа билиҥҥи чемпионнара буолуохтара”, - диэн иһитиннэриигэ суруллар.

Маны таһынан, билигин саха спортсменнарыгар өрөспүүбүлүкэ тас өттүгэр дьарыктары тэрийии боппуруостарын быһаараллар. Кикбоксиҥҥа Саха сирин Федерациятын бэрэсидьиэнэ, “ЛОРП” генеральнай дириэктэрэ Сергей Ларионов наҕараада уопсай стилистикатын толкуйдуурга эппит. “Наҕараадаҕа национальнай колорит баар буолуохтаах, тустууга дойду чемпионатын мэтээлигэр оннук оҥорбуттара”, - диэн эппит.

Тарҕат:

Добавить комментарий

Бүтэһик сонуннар