"Триумф" успуорт киинигэр тохсунньу 13-17 күннэригэр оҕунан ытыыга өрөспүүбүлүкэ чемптоната ыытыллыаҕа. Бу туһунан "Спорт Якутии" саайт суруйар.
Күрэх 18 м дистанцияҕа (30+30 ытыы) дьахталларга, эр дьоҥҥо уонна бэтэрээннэргэ ыытыллыаҕа. Кыайыылаахтары классическэй оххо, блочнай уонна спортивнай үгэс буолбут оххо быһаарыахтара. Маны таһынан хамаанданан (3-түү спортсмен кыттар) уонна микска (2-лии спортсмен) күүсттэхтэри быһаарыахтара. Уопсайа 100-тэн тахса оҕунан ытааччы илин-кэлин түсүһүөҕэ. Күрэх хамсыгынан сибээстээн сабыылаах ыытыллыаҕа. Чемпионат түмүгүнэн тохсунньу 24-олунньу 5 күннэригэр Орел куоракка Арассыыйа Кубогар кытта барарга Саха сирин сүүмэрдэммит хамаандатын быһаарыахтара.
