Итиэннэ, өрөспүүбүлүкэ сүүмэрдэммит хамаандатын иһинэн блочнай ох саанан ытыы көрүҥэр – үрүҥ көмүс хаһаайкалара буоллулар.
Крым өрөспүүбүлүкэтигэр, Алушта куоракка буолан ааспыт Арассыыйа оҕунан ытыы чемпионатыгар, охчут саха кыргыттара бэйэлэрин уһулуччу чаҕылхай өртүттэн көрдөрдүлэр, диэн иһитиннэрэр «Спорт Якутии».
Классика көрүҥүнэн 70 миэтэрэ ыраахха оҕунан ытыыга, Кристина Устинова, Рената Курчатова уонна Валентина Евдокимова хамаандалара эрэллээхтик инники күөҥҥэ тахсан күрэхтэһии финалыгар таҕыста.
«Кыһыл көмүс мэтээл иһин киирсиигэ, саха охчут кыргыттара Рязанскай уобаластан сылдьар бэйэлэрин утарсаччыларыттан бэргэн этилэр(233:228). Бэлиэтииргэ тоҕоостоох, бу ситиһии биһиги хамаандабытыгар сүдү суолталаах, бөлөҕүнэн кытыыга – бастакы кыайыыбыт! » - диэн суруйар спортивнай таһаарыы. Арассыыйа оҕунан ытыы чемпионатыгар Саха сириттэн сылдьар охчуттар хамаанданан кыайыылара өрөспүүбүлүкэ успуордун устуоруйатыгар чахчы бастакы кыайыы буолан - соччонон үөрүүлээх, чаҕылхай түгэн!
Үрдүк таһымнаах сатабылы - саха охчут кыргыттарын хамаандата блочнай ох саанан ытыыга көрдөрдө. Хамаанданан ытыыга бастааһын иһин, өрөспүүбүлүкэ үс бастыҥ охчуттара – Степанида Артахинова, Даяна Винокурова уонна Юлия Маркова ситиһиилээхтик кыттаннар, үрүҥ көмүс мэтээл хаһаайкалара буоллулар, кыл мүччү Псковскай эрэ уобалас хамаандатын илин түһэрэн.
Тус бэйэ ытыыга – бастыҥ түмүгү Рената Курчатова көрдөрдө. Юниордар ортолоругар классика көрүҥүнэн ытыыга эдэр спортсменка эрэллээхтик үһүс миэстэҕэ таҕыста, Забайкальскай кыраай охчуттарын кытта кэккэлэһэн.
Сэҥээриилэр
The account aided me a applicable deal. I
had been tiny bit acquainted of this your broadcast offered brilliant clear concept
my web site cialis with dapoxetine: https://buycialikonline.com/