Уус Алдаҥҥа 8-с төгүлүн ыытыллаары турар Саха сирин норуоттарын спортивнай оонньууларыгар 3 успуорт эбийиэгин тутууга быһа холоон 400 мөл. солк. ирдэнэр. Бу туһунан Ил Дархан уонна бырабыыталыстыба пресс-сулууспата иһитиннэрэр.
Бэҕэһээ бу улахан тэрээһиннэргэ бэлэмнэнии үлэтин хаамыытын Айсен Николаев Бороҕоҥҥо тахса сылдьан билистэ. Санатар буоллахха, Саха сирин норуоттарын оонньуулара эһиил от ыйын 4-9 күннэригэр буолуохтаах. Онуоха анаан 3 улахан успуорт уораҕайа тутулла турар: 1 тыү. миэстэлээх стадион, элбэх функциялаах чэбидигирдэр-спортивнай комплекс уонна 32 миэстэлээх уопсайдаах күөн көрсүү спортивнай комплекса. Бу тутуулары тэтимирдэргэ уонна ситэрэргэ эбии 400 мөл. солк. наада буолбут. Ил Дархан бырабыыталыстыбаҕа от ыйыгар 285 мөл. солк. биэрэргэ сорудахтаабыт. Ол харчы дойду бырабыыталыстыбатыттан кэлбит. Хаалбыт 100 мөл. тахса сууманы сыл бүтүөр дылы бүддьүөт хос көрүүтүгэр тыырдарыахтара.
