Ил Дархан бэҕэһээ Амма олохтоохторун кытары көрсүһүү кэмигэр Саха сирин норуоттарын Оонньууларын эһиил көһөрөргө этии киллэрдэ. Санатар буоллахха, Оонньуулар бу сыл атырдьах ыйын саҥатыгар буолуохтаах этилэр.
“Тахсыбыт балаһыанньаны учуоттаан туран, Оонньууларга көрүллүбүт үбү-харчыны халаан содулун туоратыыга көһөрөр ордук. Бу этиибин ыраҥалаан толкуйдааҥ, ол кэннэ биллэрээриҥ”, - диэтэ Ил Дархан. Мунньахха баар дьон Ил Дархан этиитин өйүүллэрин биллэрдилэр.
