Войти

Войти

Васильев Алексей Николаевич

Олоҕун сыллара: 02.12.1964 - 04.01.2020

Таптыыр-ахтар кэргэним, аҕабыт, эһэбит

күн сириттэн күрэммитэ олунньу 13 күнүгэр 40 хонуга буолла. Алексей Николаевич Үөһээ Бүлүү оройуонугар 1964 сыллаахха ахсынньы 2 күнүгэр төрөөбүтэ. Үөһээ Бүлүүтээҕи Исидор Барахов аатынан орто оскуоланы 1982 сыллаахха бүтэрбитэ. Оскуоланы бүтэрээт, Красноярскай кыраай Дивногорскай куоратыгар Тыа хаһаайыстыбатын техникумугар үөрэнэ киирэр. 1984 сылга Сэбиэскэй аармыйа кэккэтигэр ыҥырыллан, Москуба уонна Воркута куораттарга сулууспалыыр. Ытык иэһин толорон 1986 сыллаахха дойдутугар Үөһээ Бүлүүгэ дьиэ-уот туттан, ыал буолан олохсуйар. Онно олорон икки оҕото күн сирин көрөллөр. «Сельхозхимия» уонна МСО тэрилтэлэргэ суоппарынан үлэлии киирэр. 1989 сылтан Үөһээ Бүлүү ыстаансыйатыгар дисэлииһинэн үлэҕэ киирэр уонна онно ситиһиилээхтик үлэлиир. 1997 сыллаахха дьиэ кэргэнин кытта Дьокуускай куоракка көһөн кэлэн олохсуйаллар. Манна кини «Водоканал» тэрилтэҕэ үлэҕэ киирэр. Үлэлии сылдьан, тэрилтэ уопсастыбаннай тэрээһиннэригэр, араас күрэхтэһиигэ кыттан элбэх хайҕал суругунан бэлиэтэммитэ. 2006, 2010 сылларга сиэннэрэ төрөөн, эһэ буолар. Ол кэмтэн ыла сиэн көрүүтэ-истиитэ, бостууктааһына саҕаланар. Күн сириттэн күрэниэр диэри тапталлаах сиэннэрин кытта бодьуустаспыта. Саамай дьикти, сэмэй, тапталлаах эһэ аатын сүкпүтэ. Күн киһибитин сүтэрбит ыарахан күннэрбитигэр, сүүрэн-көтөн, күүс-көмө буолбут аймахтарбытыгар, эдьиийбитигэр Андреева Л.К., күтүөбүтүгэр Кузьмин А.Э., бииргэ оскуолаҕа, Красноярскайга үөрэммит оҕолорбутугар, табаарыстарбытыгар барҕа махталбытын тиэрдэбит. Күндү киһибит сырдык мөссүөнүн тыыннаахпыт тухары умнуохпут суоҕа.

Комментарии

Защитный код Обновить