Войти

Войти

Кылыяров Николай Дмитриевич

Олоҕун сыллара: 27.01.1962 - 2019

Тапталлаах кэргэним, аҕабыт, убайбыт, бырааппыт, сылаастык ахтар күндү киһибит ыараханнык ыалдьан 57 сааһыгар биһиги кэккэбититтэн туораабыта төгүрүк биир сылын туолла.

Коля 1962 сыллаахха тохсунньу 27 күнүгэр Үөһээ Бүлүү Хоро нэһилиэгэр элбэх оҕолоох Кылыяровтар дьиэ кэргэҥҥэ үһүс оҕонон күн сирин көрбүтэ. Хоро орто оскуолатыгар үөрэнэ сылдьан, 8-с кылаас кэнниттэн, Ньурба Маарыгар СПТУ-га киирэн устудьуоннаабыта. Үөрэҕин бүтэрэн, суоппар идэтин баһылаат, 1982 сыллаахха Хабаровскай кыраай Бикин куоратыгар аармыйаҕа сулууспалыы барбыта. Этэҥҥэ ытык иэһин төлөөн, төрөөбүт дойдутугар кэлэн сопхуос араас үлэлэриттэн толлон турбакка,

үтүө суобастаахтык, өрө күүрүүлээхтик үлэлээбитэ. Кини идэтинэн суоппардыыра, тутууга да уран уус буолара.

Киһи сиргэ кэлбит аналын толорон, кэргэннэнэн, уол уонна кыыс оҕолонон олорбута. Бииргэ төрөөбүттэригэр күүс-көмө, мэлдьи сүбэ-ама, өйөбүл буолара. Дьиэ-уот туттан, хаһаайыстыба тэринэн, ньир бааччы оннун булан иһэн, эмискэ ыалдьан хаалан, барыбытын аймаабыта.. Уһун унньуктаах ыарыы кэбирэтэн, иннин ылан илдьэ барбытын билигин да итэҕэйбэппит. Субу ааны аһан киирэн кэлэрин күүтэр курдукпут...

Күндү киһибит Куола үтүө аатын ааттатар оҕолоро, бырааттара, балтылара элбэхтэр. Кини ыра санаатын ымыы оҥостон толорорго дьулуһуохпут.. Тапталлаах кэргэним, аҕабыт, убайбыт, бырааппыт сырдык мөссүөнэ биһиги өйбүтүгэр мэлдьи тыыннаах буолуо.

Комментарии

Защитный код Обновить