Войти

Войти

Сүрэхпитигэр өрүү тыыннаах

Олоҕун сыллара: 1949-2020

Филиппов Борис Николаевич

1949 сыллаахха Ньурба оройуонугар төрөөбүтэ. Муома оройуонугар киэһээҥҥи оскуоланы бүтэрэн баран, Дьокуускайдааҕы судаарыстыбаннай университет медицинскэй факультетыгар туттарсан үөрэнэ киибитэ. Борис Николаевич быраас идэтинэн үлэтин Булуҥ оройуонугар, учаскыабай балыыһаҕа сэбиэдиссэйинэн саҕалаабыта. Тыа сирин ыарахан усулуобуйатыгар идэ уустуктарын билбит, эчэйии арааһын эт илиитинэн тутан-хабан эмтээбит киһи, 1977 сыллаахха хирург идэтигэр идэтийиини ааһан, Горнай оройуонугар хирург бырааһынан уонна анестезиологынан ананан, үлэлээн барбыта.

Биһиги Аммабыт улууһугар 1988 сыллаахха хирург бырааһынан ананан үлэтин салҕаабыта. Борис Николаевич туруорсуутунан, Амма киин балыыһатыгар 1992 сыллаахха реанимация уонна интенсивнэй терапия балаатата арыллыбыта. Бу сылтан кини анестезиолог-реаниматолог бырааһынан үлэлээн барбыта.

Борис Николаевич ирдэбиллээх, туохтан да толлон турбат, идэтин толору баһылаабыт, ыллыннарыылаах тыллаах, тэрийэр дьоҕурдаах исписэлиис киһи быһыытынан олус сэмэй, судургу, көнө майгылаах буолан, кэлэктиип тутаах киһитэ этэ.

Борис Николаевич үтүө суобастаах, өр сыллаах үлэтэ, улуус, өрөспүүбүлүкэ доруобуйаҕа харыстабылыгар киллэрбит кылаата сыаналанан “Саха сирин доруобуйаҕа харыстабылын туйгуна” уонна “Арассыыйа бочуоттаах дуонара”. «Гордость Амги» бэлиэлэринэн, Саха Өрөспүүбүлүкэтин Доруобуйа харыстабылын министиэристибэтин уонна киин балыыһа администрациятын аатыттан элбэх ахсааннаах Бочуотунай кырааматаларынан наҕараадаламмыта, Махтал суруктарынан бэлиэтэммитэ.

Борис Николаевич сырдык мөссүөнэ, олорон ааспыт олоҕо биһиги сүрэхпитигэр өрүү тыыннаах буолуо, умнуллубат үтүө өйдөбүл буолан хаалыаҕа.

Ытыктыыр киһибит Борис Николаевич олохтон туораабытынан, дириҥ кутурҕаммытын кэргэнигэр, оҕолоругар, бары аймахтарыгар, чугас дьонугар тиэрдэбит.

Амма киин балыыһатын кылаабынай бырааһа Архипов М.А., киин балыыһа кэлэктиибэ, профкома, доруобуйа харыстабылын

бэтэрээннэрэ:

Аргунов Е.П., Стручкова К.И., Никитина Л.Т., Никитин А.Т., акушерскай, хирургическай, терапевтическай, детскэй, реанимация-анестезиология уонна интенсивнэй терапия отделениелара.

Добавить комментарий