Войти

Войти

Сысолятина Анна Семеновна

Олоҕун сыллара: 1939-2020

Күндүтүк саныыр эдьиийбит, Саха сирин үөрэҕириитин туйгуна, Учууталлар учууталлара, Саха сирин үөрэҕириитин бочуоттаах бэтэрээнэ Сысолятина Анна Семёновна соһумардык олохтон туораата.

Оҕолоругар: Иван Ивановичка, Ирина Ивановнаҕа уонна сиэнэ Максимҥа дириҥ кутурҕаммытын биллэрэбит. Анна Семёновна курдук эйэҕэс дууһалаах, чиэһинэй, талбыт идэтин муҥура суох таптыыр, дириҥ билиилээх, улахан буукубаттан суруллар Учуутал, тапталлаах ийэ, эйэҕэс эбэ, аймах саамай тутаах киһитэ күн сириттэн күрэннэ. Анна Семёновна 1939 сыллаахха муус устар 9 күнүгэр Дьокуускай куорат Хатас нэһилиэгэр күн сирин көрбүтэ. Дьокуускай куорат 2-с нүөмэрдээх оскуолатын бүтэрэн, Иркутскайдааҕы педагогическай университекка киирэн ньиэмэс тылын салаатын ситиһиилээхтик бүтэрбитэ. Үөрэҕин бүтэрбит сылыгар Таатта улууһун Ытык Күөл оскуолатыгар ананан ньиэмэс тылын учууталынан үлэлээбитэ. Онно кини талааннаах байаанньыт Сысолятин Иван Кононовичтыын ыал буолан икки оҕону төрөппүттэрэ. Кэлин дойдутугар — Хатаска көһөн Хатас оскуолатыгар өр сылларга үлэлээбитэ, элбэх көлүөнэ үөрэнээччини таһаарбыта. Үөрэппит оҕолоро кэлиҥҥэ диэри учууталларын билсэ, ыалдьыттыы кэлэ сылдьаллара. Ол курдук учууталларын убаастыллар, сыаналыыллар, таптыыллар. Анна Семёновна сырдык, ыраас мөссүөнэ биһиги өйбүтүттэнсүрэхпититтэн хаһан да сүтүө суоҕа. Төрөөбүт буоруҥ эйиэхэ сымнаҕас сыттык, сылаас бэриинэ буоллун.

Бииргэ төрөөбүттэрэ, чугас аймахтара.

Добавить комментарий