Киирии

Киирии

Бэрдьигэстээххэ оҕо библиотекатын дьиэтигэр үөрэнээччилэргэ “Кэскили түстээ”  диэн  I улуустааҕы  ааҕыы ыытылынна. СӨ бастакы бэрэсидьиэнэ М.Е.Николаев үлэтигэр уонна буолаары турар Өрөспүүбүлүкэ күнүгэр ананна. Улуустааҕы үөрэх управлениетын кытта оҕо библиотеката көҕүлээн тэрийдилэр.

Горнай улууһугар ыытыллыбыт тэрээһин сүрүн соругунан оҕолорго Михаил Ефимович  өрөспүүбүлүкэбит сайдыытыгар, бигэ туруктаныытыгар, норуот быһыытынан атын омук билиниитин ылыныыга о.д.а. оҥорбут өҥөтүн билиһиннэрии, сыаналааһын, киэн тутталларын ситиһии. Ону таһынан, кэнэҕэски ыччат духуобунай сайдыылаах, киэҥ билиилээх, чөл туруктаах, дойдуга бэринилээх буола улааталларыгар олук уурсуу.

Улуустааҕы гимназияттан, А.Н. Осипов аатынан Бэрдьигэстээх орто оскуолатыттан, С.И. Тимофеев аатынан Маҥаны орто оскуолатыттан, Л.Н. Харитонов аатынан Маҕарас орто оскуолатыттан уопсайа 13 үөрэнээччи кытынна.

Кыттааччылар дакылааттарын сүрүннээн Михаил Ефимович ыыппыт үлэтигэр бэлэмнээбиттэр. Чуолаан,  “Саха тыла баарын тухары, норуот баар”, “Саха оҕолоро хайаан да үөрэхтээх дьон буоларга дьулуһуҥ”, “Азия оҕолоро” спортивнай оонньуулар саха оҕолорун үрдүк чыпчаалга таһаардылар, “Үлэ киһини киэргэтэр”, “Чөл туруктаах эрэ киһи — сайдыылаах” диэн тиэмэлэргэ тохтоон, аһаҕастык санааларын эттилэр.

Кыайыылаахтарынан ааттаннылар: I истиэпэннээх диплом Күннэй Кононова (улуустааҕы гимназия), II истиэпэннээх диплом Сардаана Безносова (Маҕарас орто оскуолата),  III Борис Текеянов (Маҥаны орто оскуолата). Муҥутуур кыайыылааҕынан Бэрдьигэстээх гимназиятын X  кылааһын үөрэнээччитэ Иван Васильев буолла уонна быйылгы улуус баһылыга бастыҥ үөрэнээччилэри түмэр Харыйатыгар сылдьар путевканан наҕараадаланна. Иван салгыы өрөспүүбүлүкэтээҕи ааҕыыга бэлэмнэнэр.

Тэрийээччилэр “Кэскили түстээ” ааҕыыны  хаҥаластар курдук сылын аайы ыытарга сүбэлэстилэр. Эһиилги ааҕыыларга улуус бары оскуолалара кыттыахтара диэн эрэнэллэр.

 Күннэй Алексеева, ulusmedia

Тарҕат:

Комментарии

Russel
0 Russel 01.07.2019 07:05
Hey very interesting blog!

Also visit my blog; download
Ответить
Gaston
0 Gaston 03.07.2019 23:43
Hello there! This is my first visit to your blog!

We are a team of volunteers and starting a new project in a community in the same niche.
Your blog provided us valuable information to work on. You have done a wonderful job!


my blog post :: download
Ответить

Защитный код Обновить