Войти

Войти

Саҥа Дьыл буолуо аҕыйах хонук иннинэ, ХИФУ Мииринэйдээҕи политехническэй институтун уоланнарын “Мистер МПТИ-2019” күрэhэ буолан ааста.

МПТИ устудьуоннарыттан 12 уолан “күөн көрүстэ”. Тэрийээччилэр күрэс урукку сыллартан ураты, кэрэхсэбиллээх буоларыгар кыhаннылар. Күөн күрэскэ бастакы түhүмэҕинэн, ыччат быыппастар былчыҥнарын кыаҕын тургутуу МПТИ успуордун саалатыгар буолбута. Уолаттар сүүрүүгэ, тардыныыга, уо.д.а көрүҥнэргэ күрэхтэстилэр. Манна Сунтаар Бордоҥун уола Юрий Иванов тэҥнээҕин булбата.

«Алмаас» култуура дыбарыаhыгар күрэс сүрүн чааhа буолла. Манна устудьуоннар 1959 сыллаахха уһуллубут «В даже только девушки»(АХШ) киинэ матыыбынан туруорууларын көрдөрдүлэр.   Саха ньургун уолаттара маннык хабааннаах тэрээhиннэргэ толлубакка, симиттибэккэ кытталлара сэргэх көстүү. Онон күрэс суолтата үрдүк. Финалга тахсыбыт уолаттар туттардыын-хаптардыын дьоһуннара саалаҕа олорбут кэрэ аҥаардар сүрэхтэрин бэркэ диэн манньыппыт буолуохтаахтар. Бу күрэскэ үҥкүү, муода көрдөрүү, артыыстааhын, мындыр өй, уус-уран талаан сыаналаннылар. Онон күрэс саалаҕа мустубут көрөөччүлэргэ, бэртээхэй бэлэҕинэн буолла. Уолаттар бары да күрэhи бэркэ түмүктээтилэр. Бүтэр уhугар кыайыылаахтар билиннилэр.

Ол курдук, МПТИ иккис вице-мистера– Игорь Захаров, бастакы вице-мистер – Дьулустаан Захаров. Оттон «Мистер МПТИ-2019» албан аатын Чурапчы Төлөйүн уола Ньургун Челбердиров ылла. Ньургун “Хайа массыыналара” салааҕа бэһис кууруска үөрэнэр. Сотору үөрэҕин бүтэрэн шаахтаҕа үлэлии барарга бэлэмнэнэр.                  

 

Станислав Алексеев, Мииринэй куората.

Тарҕат:

Комментарии

МПТИ
+11 МПТИ 25.12.2019 20:27
Шахтер
Ответить
Мирнэй
+9 Мирнэй 25.12.2019 20:38
Үөрэхтэрэ да олус ыарахан.
Ответить
Мирнэй
+6 Мирнэй 27.12.2019 10:55
Молодец
Ответить

Защитный код Обновить

kuumprint2

Бүтэһик сонуннар