Муус устар 6-7 күннэригэр Аллараа Халымаҕа, “Arctic Skills” диэн эдэр табаһыттар норуоттар икки ардыларынааҕы күрэхтэрэ буолар. Манна Арассыыйаттан, Норвегияттан кыттыыны ылыахтара.
Ол курдук Каутокейно (Норвегия) диэн сиртэн табаны иитиигэ уһуйар кэллиэс устудьуоннара, экспертэрэ кэлэллэрэ күүтүллэр. Күрэхтэһии “Табаһыт”, “Табаһыт-механизатор”, “Ураһа хаһаайката”, “Чауту өрүү”, “Хоту сиргэ олорор дьиэ бырайыагын оҥоруу” бөлөхтөргө арахсан ыытыллыа. Оттон кыргыттар уоту уматыыга, балыгы ыраастааһыҥҥа, балык миинин өрүүгэ, чаанньыгы оргутууга күрэхтэһиэхтэрэ. Ону таһынан, хоту сир усулуобуйатыгар бастакы көмөнү оҥорууга тургутууна ааһыахтара. Бу куоҥкуруска дьахталлар уонна эр дьон кыттыахтара. Эр дьоҥҥо хаарынан айанныыр снегоходу оҥорууга сорудах баар буолуоҕа.
