Киирии

Киирии

Саҥа дьыл бырааһынньыга чугаһаата. Бу күннэргэ хаһаайкалар тугу астыылларын толкуйдуу сылдьар буолуохтаахтар. Итии бүлүүдэлэр таһынан олус судургу уонна минньигэс бурдук ас арааһын астыахха сөп.

Отонноох кекс

keks

Үс сымыыкка 150 г саахар,1 ч нь ванилин саахар кутан күгэн буолуор диэри ытый. Онтон 150 мл суораты, 100 мл ынах арыытын кутан булкуй уонна 180 г бурдук, 1 ч нь доруоһа кутан үчүгэйдик мэһий. Халыыбы арыынан сыбаан баран тиэстэҕин кут, тэҥнээн биэр. Үрдүн отонунан киэргэт.  Духуопкаҕа орто температураҕа 30-40 мүнүүтэ буһар.

Сыырдаах лэппиэскэ

lepehka

500 мл суораты дириҥ иһиккэ кут уонна туус, суода эбэн баран биэс мүнүүтэ “сынньат”. Онтон түөрт ыстакаан бурдук кутан мэһий уонна 15 мүнүүтэ туруора түс. Ол кэмҥэ начыыҥкаҕын бэлэмнээ. Теркаламмыт сыыры күөх туманы кытта холбоо. Тиэстэ илиигэ сыстыбат сымнаҕас буолуохтаах. Орто, тэҥ өлүүскэлэргэ араар. Төкүнүтэн баран илиигинэн хаптат уонна ортотугар начыыҥкаҕын уур. Бэрэски курдук бүрүйэн баран бөлүөҕүнэн сэрэнэн тэнит. Кураанах хобордооххо эргитэ сылдьан ыһаарылаа. Итиилии сииргэ олус минньигэс.

Крекер бэчиэнньэ

kreker

125 г тоҥ ынах арыытын 210-230 г бурдугу кытта холбоо. Онтон 140 г теркаламмыт сыыры, түөрт сымыыт уоһаҕын кут. Булкуйан баран төкүнүт уонна салапааҥҥа суулаан тымныы сиргэ 30 мүнүүтэ туруор. Ол кэннэ өссө биирдэ мэһий уонна икки тэҥ өлүүгэ араар. Араас быһыылаах гына быһыталаан баран дьөлөҕөстөрү оҥор. 180 кыраадыс итийбит духуопкаҕа 10 мүнүүтэ буһар.

Кейк-попс

pops

Биир бааҥка сгущенкаҕа үс сымыыты, 1 ч нь суода уонна бурдук кутан тиэстэ оҥор. Ону төкүнүтэ-төкүнүтэ арыыга ыһаарылаа. Онтон уу паарыгар туох да эбилигэ суох билииккэ сакалааты ууллар. Уонна буспут төкүнүктэргин ууллубут сакалаакка уган ыл. Бытарыйбыт хампыатынан киэргэтиэххэ эмиэ сөп.

Банааннаах бөрүөк

banan

Биэс сымыыты биир ыстакаан саахары кытта ытый. Үс банааны кыра гына кырбаа, билииккэ сакалаат аҥаарын уонна грецкэй эриэхэни бытарытан баран кут. 1 ч нь доруоһаны, биир ыстакаан сиидэлэммит бурдугу кыралаан кут. Түгэҕиттэн ылан аргыый булкуй. 180 кыраадыс сылыйбыт духуопкаҕа буһар. Бөрүөк үрдүгэр ууллубут сакалааты кутан киэргэт.

Дьаабылакалаах бискибиит

biskvit

Түөрт сымыыты 3 ост нь саахары кытта ытый уонна кымаах ванилинна эп. Ытыйа туран 500 г иэдьэгэй уонна 4 ост нь бурдугу кут. Яблоканы кыра гына кырбаан баран халыып түгэҕэр тэлгэт. Тиэстэҕин кутан баран үрдүгэр эмиэ яблокалары тэлэгэтэн уурталаа. 200 кыраадыс сылыйбыт оһоххо 30 мүнүүтэ буһар.

Тарҕат:

Комментарии

Защитный код Обновить

Бүтэһик сонуннар