Киирии

Киирии

Бу кыра сүбэ оҕотун билиэм иннинэ, элбэх сверло төбөтүн “уматан” туһата суох оҥортообут киһибин. Билиҥҥи сверло сороҕо урукку сойуус саҕанааҕыга тиийбэт. Ол иһин барбах төбөтүн уматтыҥ да, эбиитин сатаан сытыылаабат буоллаххына, туттуллубат буола охсон хаалаллар.

“Бэрт кыраттан да иҥнэн сылдьыбыт эбиппин ээ” диэх айылаах судургу сүбэ.

Бастаан (1) ханан үүттүөхтээхпитин бэлиэтиибит. Тимиргэ сурааһын хаалларарга харандаас нобуоругар үрүҥ өҥнөөх баар буолааччы. Үксүгэр “үрүҥ лиискэ үрүҥүнэн” суруйан көстүбэтин иһин туттуллубат адьынаттаах. Оннук баар буоллаҕына бу түгэҥҥэ абырыыр. Суруйан баран “кернер” - сахалыыта үттэ диэн уһуктаах кытаанах, хатан үстүрүмүөнүнэн чопчу ханан үүттэниллиэхтээҕин күүскэ соҕус охсон кыра ханааба оҕотун хаалларыллар. Оччоҕо сверло тимир устун “күүлэйдээбэт”.

1

1-кы хаартыска

Перфораторга олордуллар (2) бу курдук “насадка” диэн баар буолар. Бу нөҥүө үүттэниэхтээх тимир халыҥ эбиитин элбэх буоллаҕына, улахан дириэл-перфораторынан, дириэлигэр туруоран баран, туттубут ордук эбит. Биһиги үүттүөхтээх тимирбит (6) халыҥа 1 см.

2

2-с хаартыска

Тимири үүттүүргэ бэрт кыра суптугур тумустаах (миэнэ бу мурун сайҕанар эмп иһитэ) иһиккэ (3) ортотун кыайбат гына оборторуллубут мотуор арыыта наада буолар. Тоҕо хабарҕатыгар дылы кутуллубат диир буоллахха - үүттэнэр хайаҕаска хааппыланан эрэ кутуллар. Онтон элбэх арыы наадата суох. Ол иһин арыы бөҕөнү кутан ньамахтанан, бырдаҥалаппат курдук биирдии хааппыланы түргэнник кута охсор пипетка курдук толкуйдуохха сөп.

3

3-с хаартыска

Үүттүөх иннинэ үктэнэн бэлиэтэммит сиргэ хааппыла арыы куппут ордук. Оччоҕо сверло хара маҥнайгыттан итийбэт. Бу курдук 1 см халыҥнаах тимири 1 см кэтиттээх сверлонан үүттүүргэ (5) ортотунан 6-7 хаапыла арыы наада буолар эбит. Тимир тимиргэ аалсан “часчыйан” барда да тохтуу түһэн арыылаан биэрдэххэ сверло төбөтө олох итийбэккэ (7) бэрт уһун көөбүлүнэн ыһыахтаныаҕа.

4

5

5-с хаартыска

6

6-с хаартыска

7

7-с хаартыска

Дириэли аһара түргэтиппэккэ орто түргэнинэн, сороҕор бытааран-түргэтээн ыла-ыла да үүттүөххэ сөп. “Сытыы сверло көөбүлэ уһун буолар” диэн баар. Бу (8) 48 үүтү сверлону сытыылааһына, уларытыыта суох үүттэннэ. Туһалаах буолаарай, киһиэхэ кыыбаҕа да саҕа наада буолааччы.

8

8-с хаартыска

Тарҕат:

Ырытыыгын суруй

Защитный код
Обновить