Киирии

Киирии

Массыанньыктар сыл аайы саҥаттан саҥа ньыманан дьону албынныыллар. Ордук саастаах, биэнсийэлээх дьону араас пуондалартан социальнай төлөбүр, ситэ бэриллибэтэх биэнсийэ, компенсация уо.д.а. ылар туһунан этэллэр. Сымыйа департаменнар ссылкаларын социальнай ситим нөҥүө эбэтэр бассаапка ыыталлар.

Бастаан утаа көрдөххө, массыанньыктар саайтара дьиҥнээх курдук. Ол курдук, саайтка киирдэххэ  робот буолбатаххын бэрэбиэркэлиир. Онтон бу киһи IP-нан талыллан, хас эрэ суума харчыны ылыахтааҕа тахсан кэлэр. Ол кэнниттэн, бу харчыны ыларга счет арыллыахтааҕа ыйыллар. Оччоҕо эрэ бу харчы онно түһэр. Аны ону ыларга госпошлина төлүүгүн. Ол төлөммүт харчы, биллэн турар, массыанньыктарга барар.

Албыннааһын сибикитэ:

Сымыйа Департамент. Өйдөөҥ, Арассыыйаҕа социальнай хааччыйыы Департамена диэн суох. Бу биэдэмистибэни массыанньыктар айбыттар.

Сымыйа харчы. Саайт нөҥүө массыанньыктар киһи өйүгэр баппат сууманы  эрэннэрэллэр. Бу сымыйа, биир да хаппыайканы ылбаккын.

Сымыйа төлөпүөн нүөмэрэ уонна дьон санаата. Сымыйа Департамент үлэһиттэрин кытта төлөпүөнүнэн да, электроннай почтанан да  кэпсэтэр кыаллыа суоҕа. Офистара да суох, дьон санаатын массыанньыктар бэйэлэрэ суруйалар.

 Массыанньыктарга киирэн биэримэҥ, болҕомтолоох буолуҥ! Бу туһунан ИДьМ Саха сиринээҕи салалтатын пресс-сулууспата иһитиннэрэр.

sakhalife.ru

Тарҕат:

Комментарии

Защитный код Обновить