Войти

Войти

Хаһаайкаларга аналлаах миннньигэс бүлүүдэлэр ырысыаптарын таһаарабыт.

Суши-туорт”

balyktaaxtort

Састааба:

  • кыhыл балык;
  • ириис 150 гр.(хайдах быһыылаах-таһаалаах оҥороргуттан көрөҕүн);
  • оҕурсу 1 устуука;
  • нори 1 лиис;
  • сыыр;
  • туус, саахар;
  • ириис уксууһа 20 мл.;
  • уу 350 мл.;
  • суойа соуһа 1 улахан нь.

Киэргэтиитэ:

- «Терияки» соус 2 улахан нь.;

- ыраастаммыт креветка;

- кыhыл (хара) искэх;

- кунжут буолуон сеп (бэйэҕит фантазияҕытынан).

Оҥоһуута:

1. Туустаах ууну оргутаҕын. Ирииһи ууга сууйаҕын уонна кыратык сытыара туhэҕин оччоҕуна арыый да сымныа уонна арахса сылдьыа суоҕа.

2. Буспут ириискэ уксууһу (ириис), саахары, суойа соуhун кутан булкуйабыт. Ириис уксууһа суох буоллаҕына, көннөрү 9 % уксууһунан 1 улахан нь. солбуйуохха сөп.

3. Нори лииhин бүк тутан баран, синньигэс гына кыптыый көмөтүнэн кырыйаҕын, аҥаарын ириис үрдүгэр кутаҕын уонна булкуйаҕын.

4. Пуорма үрдүгэр салапаан уураҕын. Муннуктара бары өттүнэн үчүгэйдик сабыллыахтаах.

5. Бастакы ууруу: балык- сыыр-нори- ириис.

6. Астаах пуормабыт үрдүгэр улахан тэриэлкэни (пуорманы сабары) умса уурабыт уонна таҥнарыт утабыт. Балыктаах бастакы араҥабытын сирэйинэн түһэрэбит.

7. Дьэ уонна бэйэбит баҕабытынан киэргэтэбит.

 Саамай минньигэс туорпут бэлэм буолла!

«Сыырдаах уонна сосискалаах трубочка»

sosiskalaaxtrybocka

Тиэстэтин билинээ курдук оҥоробут. Састаабыгар туттуллар бородуукталар:

- икки сымыыт;

- туус, саахар;

- разрыхлитель 1 кыра нь.;

- бурдук;

- үүт;

- сосиска;

- сыыр.

Тиэстэтин убаҕас гына охсон билинээлэри оҥоробут. Кытыытыгар бастаан сосисканы ол кэннэ үрдүгэр түөркэлэммит сыыры таммалатабыт. Салгыы үчүгэйдик кытыытын сабан эргитэбит. Сыыра ууллан тохтубатын курдук буолуохтаах. Кыра арыыга хобордооххо хас да өттүттэн эргиччи ыhаарылыыбыт. Саhархай буолуор диэри буһарабыт.

Манан бүттэ! Олус түргэн уонна астык буолар!

 Оҕуруот астаах, сүмэһиннээх, эттээх “Сылаас фунчоза”

salaat4

туттуллар бородуукталар:

- өстүөкүлэ лапса (фунчоза);

- эт (куурусса эбэтэр ынах этэ);

- сибиэһэй оҕурсу 2-3 устуука;

- помудуор 2-3 устуука;

- моркуоп 2 устуука;

  • луук, укуруоп, чосунуок икки өлүүскэ;
  • минньигэс биэрэс 1 уст.;
  • олива арыыта (мас арыыта да барсар);

Соуһугар:

  • "Терияки" соус (миэнэ минньигэс уонна аһыы);
  • кунжут 3-4 улахан нь.;

Эти чосунуолгу уонна луугу кытта “Терияки” соуска буhарабыт. Буhа турдаҕына кунжуттуубут. Сүмэһиннээх соустаах олус минньигэс буолар. Ити эт үрдүгэр минньигэс биэрэһи буhарабыт. Туспа моркуобу ыhаарылыыбыт, олива арыыга терияки соустуубут. Онтон өстүөкүлэ лапсаны оргуйа турар ууга 3 мүн. Уган ылабыт. Үчүгэйдик сиидэлиибит уонна тымныы ууга кыратык сытыаран ылабыт, оччоҕо отой үчүгэй буолан тахсар. Саамай бүтэһигэр соуhу кытта сибиэhэй помудуору, оҕурсуну кутабыт. Барытын эрдэттэн соломолуу быhан бэлэмниибит.

Бүттэ! Биир бүлүүдэ бэлэм.

Саамай сымнаҕас, таһаарыыта суох бэрэски

berecki

  • 1 ыстакаан сылаас оргуйбут уу (итии буолбатах);
  • 1 ыстакаан үүт (тымныы буолбат, дьиэ сылааһынан);
  • 1 сымыыт;
  • саахар;
  • туус;
  • 5 улахан нь. мас арыыта.
  • Бурдук төһөнү ыларынан (олус элбэҕи куттахха, кытаанах буолар, онон сөбүн табыахха наада)

Бу ырысыабынан 30 тахса бэрэски тахсар. Кыраамынан көрөн, аҕыйатан бириэххэ сөп.

Бэрэски иhигэр бэйэҕит сөбүлүүргүтүнэн начыыҥкалыыгыт. Холобур, эт, сымыыт, хортуоска, тэллэй, о.д.а буолуон сөп. Өссө минньигэс карамеллаах уулла сылдьар сакалааттаах бэрэскилэр буолуохтарын эмиэ сөп.

Сып-сымнаҕас бэрэски бэлэм буолла.

“Сакалаат-ваниль” кекс

kekss

Састааба:

  • ынах арыыта 100 гр.;
  • саахар 160 гр.;
  • сымыыт 5 устуука;
  • ванилин;
  • ванилиннаах саахар;
  • какао 3 ост. нь.;
  • Бурдук 160 гр.

Бискибиит тиэстэтин курдук оҥоробут. Бурдугун ньуосканан булкуйабыт уонна бүтэһигэр тиэстэтин икки гына үллэрэбит. Бииригэр какао кутабыт. Духуопка иһигэр бастаан ванильнайтан 3 улахан нь. кутабыт, ол кэннэ 2 сакалаат улахан нь. кутабыт. Тиэстэ бүтүөр диэри инник уочаратынан кутан баран палочканан оһуор буоларын курдук, сэрэнэн булкуйабыт.

Күндү ааҕааччыларбыт, минньигэстик аһааҥ!

 Хаарчаана Угапьева ырысыаптарын kyym.ru Инстаграмыттан туһанныбыт. Минньигэс бүлүүдэлэр ырысыаптарын kyym.ru “Инстаграмҥа” сирэйиттэн #кыымныынастыыбыт, #ХаарчаанаУгапьева хэштегинэн киирэн көрүөххүтүн сөп.

 Екатерина АФАНАСЬЕВА.

Тарҕат:

Добавить комментарий