Киһи барыта Дууһата Ырайга тахсыан баҕарар. Ол иһин аньыыны-хараны оҥорбокко, киһи сиэринэн олоро сатыыр. Ол гынан баран, үксүн билбэтиттэн сыыһа-халты туттан кыра-кыра аньыыны күн аайы кэриэтэ оҥорор. Ол мунньуллан иһэр.
Айыы Тойон Таҥара сүрдээх аһыныгас, ол иһин кыра аньыылары киһинэн бэйэтинэн үтүө дьыаланы оҥотторон боруостатар, атыннык эттэххэ сотторор. Ол гынан баран киһи бэйэтэ аньыытын этинэн ол аьыыларын уонна билбэккэ оҥорбут аньыыларын барытын сот диэн Айыы Тойон Таҥараҕа үҥэн көрдөһүөхтээх. Ол эрэн киһи көрдөһүүтүн Айбыт Таҥарабыт кыайан толорордоох, толорботтоох эбит.
Хайдах оннугуй? – диэн ыйытык үөскүүрэ өйдөнөр
Онно хоруйа маннык. Киһи уонна тыынар тыыннаах барыта этэ-сиинэ клеткалартан таҥыллан турар. Хас биирдии клетка ядротугар хромосомалардаах. Ити хромосомалар клетка үллэһиллэр кэмигэр үчүгэйдик көстөллөр уонна Айыы Тойон Таҥара Кириэһин майгынныыллар. Ол түгэҥҥэ хромосомалар Антенна буолан Айыы тойон Таҥараҕа хаһаайыннарын туһунан информацияны ыыталлар. Эккэ-сииҥҥэ клетка тохтоло суох үллэһиллэр, онон Айыы Тойон Таҥара хас биирдии тыынар-тыыннаах туругун, санаатын-оноотун туһунан хайа баҕарар кэмҥэ билэ олорор. Онон хайа да кэмҥэ биһиги Айбыт Таҥарабыт хараҕын далыттан тахсыбат эбиппит.
Дьэ ол гынан баран, диибит
Ити хромосома-Антенналарбыт информацияны төттөрү ылбат, ыытар эрэ эбиттэр. Ол иһин Айыы Тойон Таҥарабыт көмөтүн, дьаһалын кыайан ылбаппыт.
Айыы Тойон Таҥараттан көмө ылар туһугар Итэҕэллээх буолуохтаах эбиппит. Ол итэҕэлбит – Таҥараианство (Христианство диэн курдук ааттанар) – Айыы Тойон Таҥара итэҕэлэ. Оттон хас биирдии итэҕэллээх киһи Айбыт Таҥарабыт Кириэһин илдьэ сылдьыахтаах, ол кини Итэҕэллээҕин туоһулуур. Дьэ бу Кириэспит Айыы Таҥараттан, Айыылартан кэлэр информацияны хабар, киһиэхэ тириэрдэр Антенна буолар эбит. Өскөтүн Хромосома ыытар-биэрэр (передающая) Антенна буоллаҕына Айыы Тойон Таҥара кириэһэ Хабар-ылар приемнай Антенна эбит.
Киһи барахсан үтүөнү оҥорорун таһынан аньыыны-хараны да оҥороро элбэх буоллаҕа. Ол аньыыбыт-харабыт күнтэн-күн, сылтан-сыл мунньуллан дьапталанан иһэр. Ол түмүгэр өллөхпүтүнэ Дууһабыт аньыыбытыгар баттатан (хара ньэгиргэ эбэтэр хара энергияҕа) кыайан өрө көтөҕүллүбэккэ аллара ханнык эрэ халлааҥҥа хаалан хаалар эбит. Ол иһин саха дууһата Ырайга кыайан ыттыбат эбит диэн ыстатыйабын төбөлөөтүм.
Оччоҕо хайдах гынабытый?
Хас биирдиибит хайаан да Итэҕэллээх Буолуохтаах! Ол Итэҕэлэ – Айыы Тойон Таҥара Итэҕэлэ. Итэҕэйэрин бэлиэтин Айыы Тойон Таҥара Кириэһин кэтэ, эбэтэр бэйэтин кытары илдьэ сылдьыахтаах. Оччоҕо бэйэтэ билэр аньытын кэпсээн туран уонна билбэккэ оҥортообут аньыытын эмиэ боруостаа, сот – диэн Кириэс охсуна-охсуна Айыы Тойон Таҥараттан көрдөһһүөхтээх. Киһи ол оҥорбутун аньыытын Айыы Тойон Таҥара ылла да сотон кэбиспэт эбит. Кини Киһиэхэ Үтүө дьыаланы оҥотторон Үрүҥ ньэгири үөдүттэрэн аньыы Хара ньэгирин сотторор эбит. Киһи Таҥараҕа үҥэ, көрдөһө олорон, аньыытын сотторор туһугар Айыы Таҥарата туох сорудаҕы биэрбитин этинэн-хаанынан билэн, сотору кэминэн ону толорбутунан барар. Аньыыта боруостаннаҕына киһи санныттан ыарахан таһаҕаһы түһэрбит курдук чэпчиир, санаата көтөҕүллэр, үлэтэ-хамнаһа табыллан, олоҕо-дьаһаҕа тупсубутунан барар.
Дьэ итинник куруук Айыы Тойон Таҥараҕа үҥэн, аньыытын этэн, ыраастана сылдьар киһи дьоллоох олохтонон кэлин Дууһата Ырайга тахсар сырдык дьылҕаланар.
Киһи барыта Таҥараианство итэҕэлин ылынар кыахтаах
Киһи барыта Таҥараианство итэҕэлин ылынар, Айыы Тойон Таҥараны кытары быһа сибээстэһэр, аньыытын суурайар толору кыахтаах. Арай кыыл-сүөл, сүөһү эрэ Итэҕэли ылынар, Кириэс иилинэр кыахтара суох. Биһиги Таҥараианство итэҕэлин төрүттээччилэр дьон итэҕэллээх буолалларын туһугар Айыы Тойон Таҥара моойго кэтиллэр Кириэһин оҥордубут, букатын саҥа хайа да и тэҕэлгэ суох Кириэстэнии сиэрин-туомун ыр ытан тутта сылдьабыт. Баҕалаах киһиэхэ анал Быалаах кинигэҕэ суруйан туран, Хос аат (псевдоним) быһыытынан туттуллар сахалыы ааты иҥэрэбит. Сотору Сахалыы Итэҕэлинэн Эр-ойох буолууну кэрэһлиир сиэр-туом, дөкүмүөн оҥоруохпут. Бу Итэҕэл тугун-ханныгын быһааран, сахалыы тылынан «Таҥараианство» диэн бошюра бэчээттэтэн таһаарбыппыт Бичик кинигэтин маҕаһыыннарыгар атыыланар. “Кыым” хаһыат “Kyym.ru” Cайтыгар «Санаалар» диэн балаһаҕа 40-ча ыстатыйаны таһаартардыбыт.
Кыыл-сүөл, Сүөһү курдук буолумуохха!
Онон, толору кыахтаах эрээри кыыл-сүөл, сүөһү курдук Итэҕэлэ суох сылдьыа суохха, киһи сиэринэн аньыта-харата суох ыраастык, сырдытык олоруохха диэн бар дьоммун ыҥырбын.
