Календарнай Кэрдииһинньик быһыытынан Хотугу полушарияҕа ахсынньы 1 күнүттэн кыһын саҕаланар.
Саха сиригэр кыһын саҕаланыытын "Зима начинается с Якутии” диэн улахан фестивалынан бэлиэтиир буолбуттара 9-с сылыгар барда. Быйыл Ковид-2019 ыарыынан сибээстээн, Куйаар ситимин нөҥүө да буоллар, син биир ыытылынна – "кыһын кэллэ!" диэн Дьокуускайга, улуустар кииннэригэр уонна сорох дэриэбинэлргэ эмиэ Елка уотун уматтылар. Бэл сорох ыалларга эмиэ...
Елка былыр былыргыттан Саҥа сылга уматыллар этэ. Ону эрдэлээн уматаллара соччото суох курдук – холобур, Саҥа сылы көрсүүбүтүгэр Елка уматарбыт урукку курдук улахан үөрүүлээх, сонун, аптаах буолбатах. Урут кэтиллэ сылдьыбыт таҥас курдук...
Мин санаабар, ити фестивальга Елканы буолбакка, атын туох эрэ анал символы толкуйдуохха баар этэ.
АХСЫННЬЫ - БИЛГЭ ХААН УОННА МОҺОЛ ТОЙОН ЫЙА ҮҮММҮТҮНЭН ИСТИҤ ЭҔЭРДЭ!
Таҥараианство эбэтэр Саха Айыы Тойон Таҥаратын итэҕэлэ этэринэн Сылларбытын уонна Ыйдарбытын Үөһээ Айыылар уонна Сирдээҕи Айыылар эбэтэр Иччилэр кыттыһан салайаллар.Үөһээ Айыы Сыл, Ый сүрүн тосхолун биэрэр, оттон онно олоҕуран Орто Дойду олоҕун Иччилэрбит бэйэлэрэ дьаһайаллар. Онон Иччилэрбит биһиги олохпутугар сүҥкэн суолталаахтар.Ахсынньы ый тосхолун Билгэ Хаан оҥорор. Онно олоҕуран Моһол Тойон - Суол-иис иччитэ биһиги олохпутун дьаһайар. Бу кэмҥэ Суол-иис туран, айан, кэлии- барыы элбиир. Онон айаммыт этэҥҥэ буоларыгар айан суолугар баар бэлиэ сирдэргэ Моһол Тойоҥҥо бэлэх биэрэрбитин, көрдөһөрбүтүн умнуо суохтаахпыт.
Бу ыйга Саҥа сыл үүнэрин бары кэтэһэбит. Хайдах сыл кэлэрин билгэлиибит. Үүнэр сылга баҕа санаабыт туоларын ыраланабыт. Билгэ Хаан билгэлэнэри уонна үчүгэйи, кэскиллээҕи ыраланары олус сөбүлүүр.
БУ КҮННЭРГЭ ТАҤАРААНСТВО ЭБЭТЭР САХА АЙЫЫ ТОЙОН ТАҤАРАТЫН ИТЭҔЭЛЭ 2021 СЫЛ - ТАҤХА УОННА КЫДАЙ БАХСЫ СЫЛЫН КЭРДИИҺИННЬИГИН ТАҺААРДА.
Бу Кэрдииһинньик уратытынан биһиги олорор Сылбытын уонна Ыйбытын Үөһээҥи Айыылар Сирдээҕи Айыылары кытары кыттыһан салайалларын - Ханнык Сылы (кэлэр 3 сыл) уонна Ханнык 12 ыйы Хайа Айыылар уонна Иччилэр салайалларын-дьаһайалларын Кэрдииһинньигэ оҥоһуллубута буолар.
Итини сэргэ 4 Кут ойууламмыт Саха Таҥаратын Кириэһэ Харысхал быһыытынан ойууламмыт.
Дьаһамыр - 49 см х 34 см кээмэйдээх, билиҥҥи куорат да тыа да ыалларын истиэнэтигэр кыра миэстэни ылаҕа.
Кэрдииһинньик сотору кэминэн» « Бичик» кинигэ кыһатын маҕаһыыннарыгар - Бэчээт дьиэтигэр уонна Курашов уууссатыгар урукку Профсоюзтар дьиэлэрин аллараа этээһигэр атыыланыаҕа.
Кууһунан чэпчэтиллибит сыанаҕа атыылыыбыт. Ким наадыйар манна миэхэ суруйуоххутун сөп.
