Киир

Киир

БЭС ЫЙА - КАЛЕНДАРНАЙ САЙЫН САҔАЛАНАР ЫЙА ҮҮННЭ. САХАЛАРГА ЫТЫК ЫҺЫАХ ЫЙА.

БЭС ЫЙЫН УСТАТА ОРТО ДОЙДУ ОЛОҔУН ҮӨҺЭЭҤҤИ АЙЫЫ - ИЭЙИЭХСИТ ХОТУН УОННА КИНИ ОРТО ДОЙДУГА ОЛОХТООХ КӨМӨЛӨҺӨӨЧЧҮТЭ ТИЭРГЭН ИЧЧИТЭ - ТИЭРГЭНЭЙ БАХСЫ ИИЛЭЭН-САҔАЛААН САЛАЙАЛЛАР.

ИЭЙИЭХСИТ 2-С ХЛЛААҤҤА ОЛОРОР.

ИЭЙИЭХСИТ ҮҮНЭР АЙЫЛҔА АЙЫЫТА. ОТТОР-МАСТАР, КЫЫЛЛАР-КӨТӨРДӨР БАРЫ КИНИ БЫЙАҤА БУОЛАЛЛАР.

ИЛГЭ, БЫЙАҤ, УЙГУ, ӨҤ ДЬЫЛ ДИЭН ӨЙДӨБҮЛЛЭР ИЭЙИЭХСИТ АЙЫЫНЫ КЫТАРЫ СИБЭЭСТЭЭХТЭР.

коровы

БЭС ЫЙА АЙЫЛҔА СИЛИГИЛЭЭН СИТЭР, УЙГУ-БЫЙАҤ ТӨРҮТТЭНЭР ЫЙА. КИҺИЭХЭ ИЭЙИИ, ТАПТАЛ ТЫЫНА КИИРЭР. ОЛ ИҺИН ХААҤҤА ЭЛБЭХ ГОРМОН ҮӨСКҮҮР. ЭТЭРГЭ ДЫЛЫ, КЫЫС БАРЫТА ОЛУС КЭРЭ, УОЛ БАРЫТА ЧУЛУУ БУОЛАН КӨСТӨР.

ОНОН БЭС ЫЙЫНААҔЫ ТАПТАЛ БАРЫТА ДЬИҤНЭЭХ ТАПТАЛГА КУБУЛУЙБАТ, ИТИНИ БИЛЭН ӨБҮГЭЛЭРБИТ СААСКЫ-САЙЫҤҤЫ КЭМҤЭ ЫАЛ БУОЛБУТ ЭДЭР ДЬОН ТАПТАЛЛАРА БАҔАР ҮЙЭТЭ СУОХ БУОЛУО ДИЭН СЭРЭХЭЧИЙЭН,   УРУУНУ ТЭРИЙБЭТ ЭТИЛЭР.

лошади

ТИЭРГЭНЭЙ БАХСЫ ТИЭРГЭҤҤЭ БААР БАРЫ ТУТУУ, ДЬИЭ-УОТ, ХОТОН-ХАҺАА БӨҔӨ-ТАҔА ТУРУКТААХ БУОЛАЛЛАРЫН,УОННА МАННА ОЛОХТООХ ДЬОН ЭТЭҤҤЭ ОЛОРОЛЛОРУН ХААЧЧЫЙАР. ОҔУРУОТ ӨЛГӨМ ҮҮНҮҮНҮ БИЭРЭРИН СИТИҺЭР.

ТИЭРГЭНЭЙ БАХСЫНЫ КҮНДҮЛЭЭҺИН САЙЫЛЫККА КӨҺҮҮ, ДААЧАҔА ТАХСЫЫ КЭМИГЭР ОҤОҺУЛЛАР. БУ ТУОМ УРАТЫТЫНАН КҮНДҮЛҮҮР АСКЫН, ОЛ АРЫЫЛААХ АЛААДЬЫ БУОЛАР, УОТ ОТТОН БУОЛБАККА, ТҮПТЭ УМАТАН БАРАН ОННО БЭРИЛЛЭР. ҮӨР-КӨТ, ҮЧҮГЭЙ ХАРАХХЫНАН КӨР, БИҺИГИНИ, ТИЭРГЭММИТИН, СҮӨҺҮБҮТҮН-АСПЫТЫН КӨРӨ-ИСТЭ, АРАҤАЧЧЫЛЫЫ ОЛОР, - ДИЭН КӨРДӨҺӨЛЛӨР.

БЭС ЫЙЫГАР ОҔУРУОТ ОЛОРДУУТА БҮТЭР. БУ ЫЙГА ДЬИЭ-УОТ, КҮРҮӨ-ХАҺАА ТУТТАР ҮЧҮГЭЙ.НОРУОТ КЭРДИИҺИННЬИГИН БЫҺЫЫТЫНАН БЭС ЫЙЫН 6 -10-с КҮННЭРИН ЫККАРДЫГАР ЧУУСКУН БАРААХ КЭЛЭР СӨРҮҮНЭ ТҮҺЭР ИДЭЛЭЭХ. ХААРДААН ЫЛЫАН, ХАҺЫҤНЫАН ДА СӨП.БЫЙЫЛ ХАЛЛААН ТЫМНЫЙБЫТЫНАН СЫЛЫКТАТТАХХА ХАҺЫҤ ТҮҺЭР КУТТАЛА БААР КУРДУК.

ыһыах

ОНОН РАССААДАҔЫТЫН ТАҺЫРДЬА ТАҺААРАН ОЛОРДОРТОН ТУТТУНУО ЭТИГИТ.

МИН БЭЙЭМ ТЫМНЫЫНЫ ТУЛУЙБАТ ОҔУРУОТ АҺЫН РАССААДАТЫН БЭС ЫЙЫН 12-тин КЭННЭ ОЛОРДООЧЧУБУН.ИЭЙИЭХСИТ ХОТУН ИЭЙИИТЭ-ТАПТАЛЛА БЭЛЭХТЭЭТИН, УЙГУНУ-БЫЙАҤЫ ОЛОХТООТУН!

ТИЭРГЭНЭЙ БАХСЫ БЭЙЭБИТИН, ДЬИЭБИТИН-УОППУТУН, СҮӨҺҮБҮТҮН-АПСЫТЫН АРАҤАЧЧЫЛААТЫН!

ТУСКУО!

 

Тарҕат:

Санааҕын суруй