Хой
Сэттиэлэ саҕаланыытыгар иэйии-куойуу, долгуйуу-тыҥааһын бөҕө буолар чинчилээх. Ол эйиэхэ балай эмэ өр дьайа сылдьыа. Киэби-хаабы, улахамсыйыыны кыана туттуохха наада. Сэттиэлэ ортотугар урукку алҕастары көннөрөр, улахан сабыдыаллаах-дьайыылаах дьон өйөбүллэрин ылар кыах көстүө. Сэттиэлэ бүтүүтүгэр үлэҕэ дуу, үпкэ-харчыга дуу сыһыаннаах үөрүүлээх сурах күүтэр.
Оҕус
Кэллиэгэлэриҥ иннигэр үлэҕин-хамнаскын кыайаргын көрдөрө сатаа. Саҥаттан саҥа идиэйэлэри, уустук быһаарыылары тобул. Сэттиэлэ ортотугар доруобуйаҕын, аскын-үөлгүн көрүн. Үлэ чааһын кэннэ доҕотторгун кытта көрсөр бириэмэни бул. Чугас дьону кытта сыһыаҥҥа тулуурдаах, киэҥ-холку буол, иирсээн көбөн тахсыан сөп. Өрөбүллэргэ дьиэ кэргэҥҥэр эбэтэр урукку доҕотторгор сыһыаннаах үөрүүлээх сюрприз күүтэр.
Игирэлэр
Сэттиэлэ бастакы аҥаара элбэх түбүктээх, түргэн хамсаныыны эрэйэр сонуннаах-нуомастаах буолуо. Үлэҕэр урукку былааҥҥын уларытар интэриэһинэй этиилэр киириэхтэрэ. Тус олоххор дууһаҕын арыйар аһаҕас кэпсэтиилэр кэмнэрэ кэлбит, чугас киһигэр аһара долгуйбакка-ороһуйбакка эрэ дууһаҕын “арыйарга” бэлэм буол. Улахан суумалаах харчыны саамылыырга-дьаһайарга болҕомтолоох буол.
Араак
Бэйэҥ баҕаҥ хоту соҕотоҕун хаалан уоскуйар-намырыыр кыах көстүө эрээри, үлэҕэр эмиэ күүстээх хамсаныы ирдэнэр. Орто-чэбэр күннэргэ улахан суолталаах, кэлэр өттүгэр күүстээх дьайыыны оҥорор кэпсэтии күүтэр. Болҕомтолоох уонна истиҥ-эйэҕэс буоллаххына, иэйиигэ-тапталга сыһыаннаах дьыала табыллыа... Дьикти дьону кытта туһалаах билсиһии күүтэр.
Өрөбүллэргэ дьиэҕэр-уоккар үлэлээ.
Хахай
Төһө да эрдэттэн былааннамматаҕыҥ иһин, бу сэттиэлэҕэ баһылыыр-көһүлүүр лиидэр оруолун ылынарыҥ наада. Сэттиэлэ ортотугар кэпсэтии-ипсэтии, дуогабар дьыалата ситиһиилээх буолуо. Настарыанньаҥ олус халбаҥныыр, онтон аһара аймаммакка ортотун тутуһан баран ис. Тапталга сыһыаннаах үөрүүлээх түгэннэр баар буолуохтара. Өрөбүллэргэ үчүгэйдик сынньаныаҥ, ырааҕы-киэҥи анааран толкуйдуоҥ.
Кыыс
Үлэҕэр-хамнаскар олус кыһамньылаах, болҕомтолоох сыһыан ирдэнэр эрээри, эн ханнык баҕарар уустуктары кыайар кыахтааххын. Үлэҕэр кэллиэгэлэргин, дьиэҕэр чугас дьоҥҥун кытта мөккүөргэ-иирсээҥҥэ киирэн биэримэ. Тулуйа сатаа, киэҥ көҕүстэн. Тус олоххор сонун көрсүһүүлэр, саҥа билсиһиилэр баар буолан үөрдүөхтэрэ.
Өрөбүллэргэ чуумпуга олорон дуоһуйа сынньанар кыах көстүө.
Ыйааһын
Айар үлэҕэр саҥаттан саҥа суоллары боруобалаан, эспэримиэннээн көр. Харчыгын ааҕан-суоттаан туһаннаххына, ол боппуруос барыта этэҥҥэ буолуо. Сэттиэлэ ортотугар дьылҕаҕын уларытар көрсүһүүлэр буолуохтарын сөп. Туох эрэ туһалаахха уһуйар-үөрэтэр кыахтаах дьону эрэ кытта билсэ сатаа, куһаҕан дьонтон дьалты сырыт. Өрөбүлгэ чугастык саныыр дьоҥҥун кытта ирэ-хоро алтыһан манньыйыаҥ, уоскуйуоҥ.
Скорпион
Өтө көрөр, эрдэттэн сылыктыыр дьоҕуруҥ көмөтүнэн элбэх сыыһаттан-алҕастан мүччү туттарыаҥ. Ол иһигэр, үлэҕэр-хамнаскар араас уустук түгэннэр күөрэйэллэрин барытын үмүрүтэн, кыайан иһиэҥ. Кими эрэ кытта бэрт истиҥник, кырдьыктаахтык кэпсэтэҥҥин, уруккуттан көөнньө сылдьыбыт мөкү сыһыаны тохтотуоҥ. Чугас киһигиттэн бэлэх тутуоххун сөп. Өрөбүллэргэ бэйэҕин көрүн, күүскүн чөлүгэр түһэр.
Охчут
Сэттиэлэ саҕаланыытыгар туох эрэ сырдык идиэйэни олоххо киллэриэххин баҕараҕын эрээри, аһара тиэтэйэр наадата суох. Сэттиэлэ ортото – барарга-кэлэргэ, айаҥҥа табыгастаах кэм. Тулуурдаах уонна болҕомтолоох буоллаххына, тулалыыр дьоҥҥун кытта сыһыаҥҥын тупсарыаҥ. Элбэх дьонноох сиргэ сылдьа сатаама, ыарыыттан сэрэн. Сэттиэлэ бүтүүтүгэр үп-харчы балаһыанньата биллэ тупсуо.
Чубуку
Тугу барытын саарбахтыыгын, бэйэҥ кыаххар итэҕэйбэккин. Онон аһара “актыыбынайдаабатыҥ” ордук. Инники күөҥҥэ дьыалабыай боппуруостар тахсыахтара, онно болҕомтолоохтук сыһыаннас. Сэттиэлэ ортотугар карьера үүнүүтүн кытта сибээстээх этии киириэ. Онно мөлтөөн биэримэ. Тус олоххор: бэйэҥ бэйэҕэр бүгэн хаалыма, дьону кытта сыһыаҥҥа аһаҕас, эйэҕэс-сайаҕас буол.
Күрүлгэн
Сэттиэлэ саҕаланыытыгар бэрт соһуччу хамсааһыннар баар буолуохтара эрээри, олор эйиэхэ туһаны эрэ аҕалыахтара. Үлэҕэр-хамнаскар имигэс, тобуллаҕас, креативтаах буолуу эрэйиллэр, ол эн салалтаны кытта сыһыаҥҥын тупсарыа. Түргэн-тарҕан, олоххун соһуччу уларытартан куттаммат хорсун буоллаххына, таптал-иэйии боппуруоһугар сыһыаннаах сэргэхсийии баар буолуон сөп.
Балыктар
Үлэҕэ сыһыаннаах боппуруостарга – интуицияҕын эрэн. Ол эрээри наһаа сылайа-элэйэ үлэлээмэ, ноҕуруускаланыма. Күннээҕи уустуктары аһара чугастык ылыныма, ол эйиэхэ наадата суох. Сэттиэлэ ортотугар саҥа, сырдык саҕахтары арыйар көрсүһүү баар буолуон сөп. Романтика, “былыкка уйдарыы” кэмин туһанан, сүрэҕиҥ аҥаарын кытта сыһыаҥҥын тупсар. Өрөбүллэргэ “духуобунай” сынньалаҥ тоҕоостоох буолуо.
