Хой
Тугу эрэ ситэ оҥорботум диэн санаа аалыыта оҥостубат курдук сылдьа сатаа. Ыра санааны айаххын атан баран сырса сырыттаххына туолуо суоҕа. Быыбар дьыалатыгар холоруктуу сөрүөхтэрэ. Бэйэҕин олус билиммиккин оннугун буллараллара буолуо. Көр-нар өрөбүлэ күннэргэ эрэ буолара буолуо. Нэдиэлэ бүтүүтүгэр ыраах айан минньигэс амтаннаах буолуо.
Оҕус
Атын дьон кыһалҕатынан дьарыктанан тахсыаҥ. Харчыгын сааһыланыаххын наада. Үп-харчы дьыалатыгар бу нэдиэлэ кутталлаах буолуон сөп. Бэйэҥ сөбүлүүр дьарыккар күүскэ ылсыахтааххын. Айан, маҕаһыыны кэрийии, айылҕаҕа тахсыы олус үчүгэйдик ааһыахтара.
Игирэлэр
Биир кэм салгымтыалаах үлэ күүтэр. Ыраах айаҥҥа бэлэмнэнии түбүгэ улахан. Харчы ааҕыыта кытаанах буолуохтаах. Балаһыанньаны уустугурдума. Барыта судургутук ааһыахтаах. Массыына саахалыгар түбэһэр куттал баар. Саҥа дьону кытта билсиһэртэн куттаныма. Аан дойдуга аһаҕас буол.
Араак
Бу нэдиэлэҕэ куорат устун иирбит курдук сылдьыаҥ, сүүрүөҥ-көтүөҥ. Харчыга харам буолума. Биир солкуобайы биэрдэххинэ, мөһөөх төннүө. Доҕоттору көрсөр, кутаа аттыгар олорор, оонньуур-көрүлүүр күннэр. Истиҥник саныыр киһиҥ дьиэтигэр ыҥыран соһутуо. Соһуччу көһүү эбэтэр барыс баар буолуо.
Хахай
Олоҕуҥ тэтимнээхтик баран иһэр, оннун булан эрэр. Талааннаах эбиппин диэн хорсуннук сананар кэмиҥ кэлбит. Кумааҕы барытын быһаарыа. Суоппар хахайдар суолга сэрэхтээх буолуҥ. Ыстараап, саахал баар курдук. Өрөбүллэргэ айылҕа эйигин күүтэр.
Кыыс
Хайаны сүргэйиэҥ, байҕалы туоруоҥ. Олоҕо суох уолҕамчы эрэ буолума. Ыраах айан олус табыллыа. Эмискэ баҕайы баай кэлэн түһүө. Успуорка, үөрэххэ туттарсарга табыгастаах кэм. Олоххун-тойгун оҥостор улуу былааҥҥын соҕотоҕун эрэ оҥостума. Уруу-аймах, төрөппүт кыһалҕатын эмиэ учуоттаа.
Ыйааһын
Салалтаттан да, чугас дьоҥҥуттан да кырыы хараҕынан кынчарыллыбат туһугар ньуолбардык сылдьа сатаа. Кэпсэтии эйэ-дэмнээх буолуохтаах. Сылайыы-элэйии, тумуу баарю дьиэтээҕи үлэ күүһү-күдэҕи эһиэ. Социальнай кыһалҕаны таарыйар тэрээһиннэр олус үчүгэйдик ааһыахтара. Сүбэ-ама, көмө көрдүүргэ сөптөөх нэдиэлэ.
Скорпион
Ааһан иһэн да тыл бырахсыы улахан суолталаах буолуо. Rыраныысса таһыгар да тахсан олоруу баар буолуох курдук. Оҕолооххун умнума. Саҥа сонуну билиэххин баҕарар буоллаххына, интэриниэтинэн эрэ муҥурданыма. Кинигэ ааҕар кэм кэлбит. Баскыһыанньатааҕы түгэн кэлэр нэдиэлэни барытын быһааран кэбиһиэ.
Охчут
Сүпсүлгэннээх, улахан да улахан ороскуоттаах нэдиэлэ үүммүт. Ырыаҕа-тойукка, искусство атын көрүҥнэригэр да, урбааҥҥа эмиэ талааҥҥын көрдөр. Ыраах айан туһунан сананама даҕаны. Дьиэ-уот өрөмүөнүн ыраах анньан кэбиһимэ. Уоппускалаахтар бэркэ сынньана сылдьаҕыт.
Чубуку
Кыһалҕаҕын барытын атын дьон быһааран кэбиһиэхтэрэ. Онуоха, биллэн турар, көрдөһөрүҥ оҕото сыттаҕа. Таптыыр киһигин кытта сыһыаҥҥыт хаттаан тиллиэ, тупсуо. Үлэҕэр чаҕылхай күннэр үүммүттэр. Саҥа дуоһунаска аныахтара. Тас көрүҥҥүн көрүн, оҥоһун. Ыал буолар аан тэлэччи аһыллан турар.
Күрүлгэн
Харчылаһар туһугар түбүгүрэ түһэриҥ буолуо ээ. Айан, билсиһии, урукку кыһалҕа – нэдиэлэтээҕи былааҥҥын уларытарга күһэйиэхтэрэ. Ыксаллаах түгэҥҥэ сэрэйэн көрөр дьоҕургун холбоо. Үлэҕиттэн, дьонтон биллэрдик сылайбыккын. Чөл олоҕу өрө тутар тэрээһиннэр туһалаахтык ааһыахтара.
Балыктар
Үлэҥ элбэх да буоллар, уоттаах таптал моуратыгар, оҕо-уруу кыһалҕатыгар тимириэҥ. Дьиэ уонна үлэ ыккардыгар кирбиини чопчулуур кэм кэлбит. Харчы дьыалатыгар соһуччу хардыылары оҥорума. Улаханы сүтэрэр куттал баар. Биисинэскэ доҕор-атас көмөлөһөн абырыа. Иистэнэргин, сибэкки үүннэрэргин сөбүлүүр буоллаххына, онно улахан болҕомтоҕун уур. Дьарыгыҥ араас хараҥа санааларгыттан босхолуо.
