Хой
Омук тылын үөрэтэргэ тоҕоостоох кэм. Сырыы-айан бөҕөтө баар. Билии-көрүү хомунар нэдиэлэтэ. Үлэҕэр быыкааттан да сылтаан тутуспутунан барыахтара. Таптыыр киһигэр сүрэҕиҥ тугу этэрин толору арыйыахтааххын. Оҕуруот, саад үлэтэ элбэх. Холкутуйуу күннэрэ.
Оҕус
Бырааһынньык түбүгэ. Уруһуйдаа, ыллаа, хоһоонно ай. Сыанаҕын түһэримэ – тэпсэн кэбиһиэхтэрэ. Уруу-аймах кэккэтигэр аатыҥ-суолун атыыр оҕустуу айаатыан наада. Ыарыы тумнан ааһыа. Хаһааҥҥытааҕар да өһөскүн уонна тулуурдааххын. Кимнээҕэр да дьүккүөрдээххин.
Игирэлэр
Ханна эрэ букатын көһөрдүү санаммыккын. Эбэтэр туох эрэ улахан уларыйыыга үктэммиккин. Үлэҕэр биир эриллэ-эриллибит, эһиллэҥнээбит дьахтар сүгүн олордуо суох. Сынньалаҥҥын умнума. Ыраахтан аймахтарыҥ ааҥныахтара. Кэпсэтии, тылга киллэрии этэҥҥэ барыа. Барытыгар холку буол, отой ыксаама. Ыарыыҥ хаттаан уһуктар кутталлаах.
Араак
Элбэх киһилээх, тыастаах-уустаах сиргэ сылдьа сатаама, тумун. Үлэҕэр чопчу соруктар бааллар. Аймаҕы кытта сыһыан харах уулаах буолуон сөп. Өйдөөх дьону кытта кэпсэтэ сатаа. Харчыгын кэмчилээ, мээнэ туттума. Таптал эйгэтигэр Дьылҕа Хаан тугу баҕараргын барытын “дук” гыныа. Төһө да бириэмэтэ суох буолларгын, сибидээнньэттэн аккаастаныма.
Хахай
Саамай табыллар, дьоллоох нэдиэлэҥ! Эйигин бары өйүүллэр, ыра санааҥ туоларыгар көмөлөһөллөр. Хас биирдии күҥҥүн олорон былааннаа, оччоҕо барыта сатаныа. Иэһи-күүһү төлөөн кэбис. Карьераҕар өрө көтөн эрэҕин. Хоптон-сиптэн хаппахчылан. Хардарсыма.
Кыыс
Олус элбэх үлэ баар. Атын дьонтон өйөбүл наада. Тус олоҕуҥ туһунан кимиэхэ да кэпсээмэ. Үлэҕэр туох эмэ саҥаны киллэрэри² уолдьаспыт. Уруккулуу хамсаныы аны хаалан турар. Дьиҥнээх доҕор кимин билээхин баҕарар буоллаххына, оҕолуу дьээбэлэнэн ыл. Куорат дьоно, айылҕаҕа тахсаргытын умнумаҥ.
Ыйааһын
Ыйааһын хараҕар суобас уонна сүрэх сытыахтара. Ситиһии суолун хайдаххына, баарт баар буолуо. Доруобуйаҕын көрүн. Арыгыттан аккаастан. Успуордунан олус түллэн дьарыктаныма. Массаас, йога олус туһалаах буолуохтара. Улахан сылтаҕа суох мээнэ атыылаһа сылдьыма.
Скорпион
Үп-харчы дьыалатын сааһылаа. Санааҥ оонньоотоҕун, кыыһырдаҕыҥ аайы араас быһымах хардыыны оҥорума. Уопсастыбаҕа бааргын биллэриэхтээххин. Бириэмийэ биэриэхтэрэ. Атын дьон кыһалҕатыгар олус иҥэн-тоҥон кииримэ. Сайын тиһэх күннэрин куоттарыма. Күнү таптаа!
Охчут
Олус сыаналааҕы атыылаһаргын тохтото түс. Тыын ыла түһэр нэдиэлэ. Дьиэҕэр буол. Дьоҥҥун кытта үөр-көт, дьаарбай. Ыраах айан муҥурданыыга тиэрдиэ. Сатаан саҥарбат да буолуоххар диэри. Эти-сиини чэбдигирдэр албастары туһан – суун, илбийиигэ сырыт, сибидээнньэҕэ сүүр.
Чубуку
Киһи барыта эйигиттэн эрэ иҥнэр курдук быһыыта-майгыта үөскүө. Харса суох хардатын биэрэн ис, куоттартаа. Ыраах айан, үөрэх, дьыала-куолу көрсүһүүлэрэ бэртээхэйдик ааһыахтара. Ыра сатааччылар сүүрэн-көтөн син ситиһиилэниэхтэрэ. Сөтүө ордук көмөлөһүө. Сискин көрүн.
Күрүлгэн
Харчы тиийбэт кыһалҕата кыпчыйар. Туох төлүүрдээххин барытын төлөөн кэбис. Кэппиэйкэтигэр диэри ааҕан-суоттаан сырыттаххына, кэлэр хамнаска тиийиэххин сөп. Ыраах айан табыллыа. Бэйэ киһитин көрсөр, тапталгын булар тоҕоос көстүө. Дьылҕа Хаан бэлэҕэр махтан уонна ытыскар түһэрэн ыл. Хаан баттааһына ойуоккалыа, сиһиҥ, атаҕыҥ араахымарыа. Баҕар.
Балыктар
Дьону кытта эйэҕэс буол, мичээрдии сырыт. Төһөнөн сырдыккын, үөрэ сылдьаҕын да, соччонон барыта этэҥҥэ буолуо. Дьыаланы сонно быһааран ис. Ускуустубаҕа, педагогикаҕа, мэдиссиинэҕэ чугас дьоҥҥо олус ураты күннэр. Саҥа бырайыактар, соһуччу идиэйэлэр элбэх ааны аһан биэриэхтэрэ. Толкуйдуоххун эрэ наада.
