Хой
Дьиэҕин умнан да туран үлэҕэр умса түһэн сылдьаҕын. Ол эрээри олус түллэн, кыһаллан-мүһэллэн үлэлиири сулустар бобо сатыыллар. Быстан хаалбат туһугар сөпкө аһаан, кэмигэр утуйан сырыт. Элбэхтик хаамп. Урукку атаскыттан үөрүүлээх сураҕы истиэҥ. Төһөнөн оттомноох буолаҕын, соччонон араас кыһалҕаны мүччү-хаччы түһэн иһиэҥ.
Оҕус
Таптал туонатыгар долгуйуу, кэлии-барыы баар. Харчыны ыларга, виза оҥорторорго, атын да докумуоҥҥа араас уустук түгэн баар. Уоппускаланан эрэр буоллаххына, хас биирдии күҥҥүн торумнаа. Туох саҥа кылам гынар, онно туох бааргынан дьулуһан ис. Массыынаҥ алдьанан улахана өрөмүөнү ирдиэ.
Игирэлэр
Былааннаабатах ороскуотуҥ хара баһаам буолуо. Дьолуҥ-соргуҥ туһугар кыраҕы харах, ууту суох харабыл буолуохтааххын. Эдэр-сэнэх буолар араас ньыма баарын туһана сатаа. Ол эрээри киһи билбэт буолуор диэри эдэримсийимэ. Субуотаҕа ыраах айан көҥүллэммэт, ыраахтан кэлэр дьону көрсө сатыыр эмиэ наадата суох.
Араак
Дьэ, тиһэх туочукалары туруорар кэм кэлбит. Кыайыылаах тахсар туһугар атын дьону истэ сатаама. Харчы элбэх. Балысхан барыс күүтэр. Сөмөлүөт, омук дойдута баар. Элбэх мунньах. Күннээҕи эрэсиимҥин сааһылан. Ньиэрбинэйдииргин аччат. Судургу буол.
Хахай
Олох бары эйгэтигэр ситиһии баар. Карьераҕын быһаарынар кэм кэлбит. Хахайдыы майгыгын, тыҥыраххын кистээ, кумун. Дьылҕаҕын уларытар быһыы-майгы холоруга сөрөөн илдьэ бара туруо. Урукку утум-ситим быстыа. Ааһан эрэр кэмтэн кэскиллээҕи күүтүмэ. Ыраах айан, тус биисинэскэ харчы угуу барыта сатанан иһиэ. Биллэн турар, барытын бэйэҥ эрэ оҥоруоҥ.
Кыыс
Тыл этэриҥ табыллыа, дьоҕургун көрдөрөрүҥ сатаныа. Бырааһынньык элбэх. Харчым суох диэн ытыы сыппат туһугар чопчу былаан наада. Урууну-аймаҕы кытта сыһыаҥҥа быһа-бааччы буолума. Кыынньыма. Аар айылҕаны кытта ыкса алтыһар тоҕоос көстүө.
Ыйааһын
Сынньанарга саамай табыгастаах нэдиэлэ. Ыраах айан былааҥҥар баар буоллаҕына олус үчүгэй. Кими да көрүөххүн, истиэххин баҕарбат буолуоххар диэри сылайбыккын. Таптал эйгэтигэр тургутуу баар. Олус күүркэтимэ. Туора дьон көмөтүттэн батыныма.
Скорпион
Сэрэйэн көрбөтөх, урут туһамматах ньымаҕынан соһуччу ситиһии баар буолуо. Тус олоххор да тугу эрэ уларытарыҥ барыта бэйэҥ эрэ илиигэр. Маассабай тэрээһини ыытарга, эти-сиини чэбдигирдэргэ, норуот ньыматынан эмтэнэргэ табыгастаах нэдиэлэ. Ыраах айаны тохтот. Дьиҥ кырдьыгы олус хасыһыма, дьоҥҥо эспэримиэннээмэ.
Охчут
Үлэлээ да үлэлээ буолуоҥ. Ытаама-соҥоомо. Сытыары-сымнаҕас буол. Түүл битэ-билгэтэ бу күннэргэ ала-чуо буолуо. Аһымал аахсыйаларга кытын. Тас көрүҥҥүнэн дьону соһут. Биир кэм эргийэн-урбайан олоруоҥ. Барыта кэрэ.
Чубуку
Араас улахан уларыта тутууга, былааһы утары барарга да сөптөөх нэдиэлэ. Докумуоҥҥа сыһыаннаах дьыалаҕа утуйар уугун умнуоххун наада. Таптал дьыалатыгар күрэстэһээччилэргин сууһарыахтааххын. Быыбар ана талҕата эйигин да таарыйыа. Элбэх дьон үбүн-харчытын быһаарарга күһэллиэҥ.
Күрүлгэн
Хапытаалгын быыһыыр туһугар тугу эрэ толук ууруоххун наада. Тас дойдуга айан былаана дьэ туолуо. Үлэ нэдиэлэтэ уруй-айхал аргыстаах ааһыа. Сэрийээли үтүктэн дьиэҥ иһинээҕилэргин аймаама. Дьиэ, тутуу, нэһилиэстибэ кыһалҕата баар буолуо. Үрдүк үктэллээх дьыалаттан барыстанар кыах баар.
Балыктар
Салыҥнаах буолаҥҥын маннааҕар буолуоҕу туораабытыҥ. Тугу барытын тулуйуоҥ. Дьиссипилиинэ барытын быһаарыа. Салалтаны кытта иирсимэ, күөттээмэ. Үлэни уларытарга, саҥа дьиэҕэ көһөргө олус табыгастаах нэдиэлэ. Барытын ымпыктаан былааннаатаххына сыыһаны оҥоруоҥ суоҕа. Дьиэҕэр туора дьон элбиэх курдук. Харчыгын кэмчилээ.
