Хой
Барытыгар өрө тахсыылаах күннэр үүммүттэр. Кэлэр кэскил акылаата түһэр кэмэ. Сынньанаргын умнума, ыарыы аттыгар сылдьар. Үп-харчы өттүнэн көмө наада буолсу. Бас туллар иэһигэр кииримэ. Сөбүлүүр дьарыккын умнума. Чугас эргин айан баар. Тус олоҕуҥ саҥалыы күлүмүрдүө.
Оҕус
Карьера үрдүк долгунун арҕаһыгар биирдэ баар буола түһүөҥ. Үп-харчы, баай-дуол муоһатын тутуохтааххын. Таптал кынаттыыр даҕаны, кэлэтэр даҕаны. Атын дьон сыыһатыгар эппиэтинэһи сүкпэт баҕайыта. Таптыыр да киһиҥ буоллун. Сөбүлүүр дьарыккар биир санаалаахтары көрдөө.
Игирэлэр
Чуҥкук уонна сылаалаах нэдиэлэ үүммүт. Саһа сатыыгын. Дьиҥинэн, бу нэдиэлэ эйиэхэ улахан харчыны тэбэн биэриэн сөп. Тус олоххор буолар быһыыны-майгыны трагедияҕа кубулутума. Саҥа суолгун солоон эрэҕин. Айаҥҥа өрөбүллэргэ турунуоххун сөп.
Араак
Туох эрэ олус улахан, киэҥ, балысхан саҕаланан эрэр. Чинэриҥниир тү´үмэҕи ааспыккын. Харчыны таба тутан, үчүгэйдик уурунуоххун сөп. Кэргэниҥ олохсуйбут үгэскитин тоһута сатаан киириэ-тахсыа. Мээнэ тыл быраҕыма, ыйыма-кэрдимэ. Кыайыы-хотуу чаҕылыттан уоскуйа оҕус. Күүстээх хамсаныылаах успуордунан дьарыктанаргар сүбэлииллэр.
Хахай
Уруу-аймах көмөтө баар. Харчы дьыалатыгар хорсун хардыыны оҥороруҥ бу кэлбит. Баай да дьоннор ордугургуохтарыгар диэри табыллыыһыгын. Сынньана түһэргэ, саҥа сири көрөргө бу нэдиэлэ саамай табыгастаах. Ат арҕаһыгар курдук сананаҥҥын үөр-көт, сынньан.
Кыыс
Ыра санааҕар да суох ыраах айаҥҥа соһуччу баран хаалыыһыгын. Эмиэ соһуччу уоттаах таптал кутаата күүдэпчилэнэ түһүө. Дьиҥинэн, ол киһини уруккуттан да биллэргин. Олоххор хараҥаны түүйэр араас туора дьайтан араҥаччылана сатаа. Буоларга-буолбакка күүскүн бараама.
Ыйааһын
Үлэҕин сынньалаҥы кытта дьүөрэлээтэххинэ, бу нэдиэлэ үөрүү-көтүү доҕуһуоллаах ааһыа. Ыйдаах түүн дьаарбайаргыттан аккаастаныма. Дьону кытта кэпсэтэргэр, айаҥҥа болҕомтолоох буол. Омук дойдутугар айаҥҥа, дуогабар түһэрсэргэ саамай тоҕоостоох күннэр. Ситиһиилээх доҕотторуҥ эйиэхэ аан арыйан биэриэхтэрэ. Суолтата суох үлэҕэ күүскүн бараама.
Скорпион
Араас барыта баар буолуо. Күннээҕи түбүгүҥ мунньуллубут. Өрөмүөн, тутуу, даача – уталыйбат үлэ күүтэр. Харчы дьыалатын бу нэдиэлэҕэ ситиэҥ суох. Олус элбэҕи баҕараҕын, хараҕыҥ туохха да туолбат. Мөлүйүөнү хараххар кыбытан тохтууруҥ ордук буолаарай? Ол оннугар айылҕаҕа тахсан сынньан.
Охчут
Дьиэтээҕи бырааһынньык, оҕо төрөөһүнэ, атыы-тутуу, аймахтар кэлиилэрэ – барыта биир кэм эргийэн олоруо. Үлэҕин умнубатаргын ханнык. Ханна эрэ сынньана барар туһунан санаа. Харбаа, эккин-сииҥҥин эрчий, чэбдигирт, битэмииннэ ис.
Чубуку
Баарт илэ бэйэтинэн эн ааҥҥын тоҥсуйуо – утуйан оҥторо сытаайа±ын. Ыбыс-ыарахан күлүүс ыйанан турбут карьера аанын аһан биэриэхтэрэ. Тумуу, эчэйии баар. Успуорка сыһыаннаах дьон, ураты болҕомтолоох буолуҥ. Эбии үлэ көрдүү барыыһыгын дуу...
Күрүлгэн
Уопуттаах кэллиэгэлэриҥ сүбэлэринэн эргим-ургум көрүн. Саҥаттан саҥа сорудах халыҥ хаар курдук түһэ туруо. Кирэдьиит туһунан умун. Бу нэдиэлэ саарбах хардыыларга анамматах. Таптал төлөнө улам-улам күөдьүйэн, өрт уотугар кубулуйууһу. Туох эрэ саҥа албаска, сатабылга үөрэнэ сатаа. Тиэхиньикэни кытта доҕордос.
Балыктар
Баҕарбытыҥ барыта туолла. Уларыйыы бөҕөтө буолла. Бииртэн биир түгэн хотоҕостуу субуллан иһэр. Олус үлэлээн, ону өйдөөн көрбөккө да сылдьыбыккын. Ыраах айан, эксээмэни “биэскэ” туттарыы баар. Таптал эйгэтигэр умнуллубут, быраҕыллыбыт курдук сананаҕын. Эйэлэһии баар. Сүрэххин ас, иэйиигин кистээмэ.
