Хой
Ыраах айан, үөрэх нэдиэлэтэ. Тэрилтэҥ баайын-дуолун кытта ситимнээх бөрүкүтэ суох быһыы-майгы буолуо. Былыргыны, ааспыты, аны кэлэн көммөтү кытта ыы муннугунан анньыллыаҥ. Чэппиэр, бээтинсэ уһун айан кутталлаах буолуон сөп. эйигин кытта айанныыр дьоҥҥо эмиэ. Өрөбүллэргин дьиэ кэргэҥҥэр бүүс бүтүннүү анаа. Бу нэдиэлэ эн кэлэр карьераҥ төрдө-төбөтө буоларын умнума.
Оҕус
Айылҕа уордаах дьайыыта эбэтэр кыттыгастаргыттан кыһарыллыы баар. Салалта көмөлөһүө суоҕа. Сынньана сылдьан эбэтэр сэрэдэҕэ тоҥуу-хатыы, эчэйии содула улахан буолуон сөп. Уруу-аймах кыһалҕатыттан, көрдөстөхтөрүнэ батан кэбиһимэ. Кыраныысса таһыгар тахсыы баар буолуон сөп. Уустук айан буолууһу...
Игирэлэр
Былаан-той күдэҥҥэ көтүө. Аат-суол алдьаныан, барыан сөп. Өйгүн-санааҕын, тугу итэҕэйэргин төрдүттэн уларытар кэмиҥ кэлбит. Оптуорунньукка, сэрэдэҕэ ыраах айаҥҥа барыма. Эн тирэҕиҥ – кэргэниҥ, оҕолоруҥ. Баскыһыанньаҕа оҕо-уруу, аймах буолан хомунан сынньалаҥ олус табыллыа.
Араак
Уларыйыы нэдиэлэтэ. Оптуорунньукка алларааҥҥы үөһэ, үөһээҥҥи аллара буолуохтара. Үлэҕэр долгуйуу, күөн көрсүү баар. Тастан киирбит киһини кыыһыра көрсүмэ. Оптуобус моһуогуруо. Хойутуоҥ. Салалта эн дьыалаҕар сыыла сылдьан сыарҕа быһарын билиэҥ. Ботуччу үп көстөр. Хара көлөһүнүҥ түмүгэ. Биир бырайыактаах дьоҥҥун өссө төгүл тургутан, чуҥнаан көр.
Хахай
Уруккуну-хойуккуну кытта ситимнээх иирсээн баар. Үлэһиттэриҥ хамнастарын мыыналлара күн-түүн улаатан иһэр. Онтукаларын тыастаахтык биллэриэхтэрэ. Бэрт ыраахтан “аймах” көстөн кэлиэ. Үөрэххэ, репетитордаан, араас кэпсэтиини ыытан, айаҥҥа барсан харчы бөҕөтүн өлөрүөххүн сөп.
Кыыс
Успуорт эчэйиилээх буолуон сөп. Сэрэдэтээҕи ыстараап дьиэтээҕи бүддьүөккүн дьоҕуһатыа. Харчыны ыһа-тоҕо туттар эбиккин. Дьиэ кыылын үчүгэйдик көрө сырыт. Кистэлэҥи билэн баран атыылыаххын сөп. Чугас эргин бара охсон кэлии баар. Эмтэнэргэр, чэбдигирэргэр соһуччу ньымалары туттума.
Ыйааһын
Үөрэх-той салҕанан барыа. Уһуннук. Оҕону, тапталы, замсаныылаах сынньалаҥы кытта ситимнээх кыһалҕа баар. Атын дьоҥҥо баайгын-дуолгун, малгын-салгын эрэнимэ. Чэппиэр улахан ороскуоттаах буолуон сөп. Отутуска доҕотторуҥ эн болҕомтоҕун эрэйиэхтэрэ. Оҕону иитии боппуруоһугар тиийэн иҥниэҥ. Интэриниэти кытта доҕордоһон дохуоттанар суолу көрдөөн бар.
Скорпион
Оптуорунньукка эккэр-сииҥҥэр туох эрэ уларыйбытын соһуйа бэлиэтиэҥ. Дьэ, олохтоохтук оҥостор сиргин булан эрэҕин. Өрөмүөҥҥэ умньаныма. Чэппиэр, бээтинсэ – үлүгэр суумаҕа тиксиэҥ. Ону булар ньымаҥ суолтата суох. Субуота – маҕаһыын, ырыынак. Баскыһыанньаҕа айылҕа кэтэһэр. Кимиэхэ да эппэккэ соҕотоҕун бараар. Ыарыйдаххына норуот ньыматынан эмтэнимэ.
Охчут
Олоҕуҥ сүрүн дьураатын хайысхата уларыйыа. Уларыйыы, түһүү-тахсыы сыанан аҕаабат. Өр барыа. Урууну-аймаҕы кытта сыһыаҥҥын быртахтаама. Элбэх киһилээх сынньалаҥ ороскуота улахан буолуо. Түмсүү суолтатын дьэ өйдүөҥ. Ыаллыыларгыттан, билсэр дьоҥҥуттан эбэтэр аймахтаргыттан соһуччу көмө кэлиэ.
Чубуку
Улуу кистэлэҥи билэҥҥин ол көрө, оонньуута саҕаланыа. Ол эрээри дохуот суох, биисинэһиҥ умуллуохча. Иэс-күүс аппата кэҥээтэр кэҥээн иһэр. Ыарыы көбөн тахсыа – сис, атах, куртах. Күүскэ эмтэн. Уустук түгэҥҥэ эн бэйэҥ эрэ билииҥ-көрүүҥ быыһыа. Ханна да хойутаама.
Күрүлгэн
Баай-дуол туонатыгар улахан хамсааһын саҕаланан эрэр. Урут сылдьыбыт сиргэр тиийэ сылдьыаҥ. Барбатаҕыҥ ордук буолуо этэ. Туох эрэ улахан суолталаах докумуонтан босхолоно сатыыгын. Суолтан уонна үөрэх эйгэтиттэн бытархай кыһалҕа күөрэйиэ. Бу нэдиэлэҕэ уруккуну төбөҕүттэн бырахтаххына эрэ ат үрдүгэр буолуоҥ.
Балыктар
Кыыһыраргын, абааһы көрөргүн хам баттыы, кистии сатыыгын. Урукку хараҥа дьыалаҥ оборчото баарын биллэриэ. Омук дойдуларын кытта үлэ уустуктаах, ол эрээри командировка табыллыа.. Бу кэрдиис кэм ылбат-биэрбэт курдук. Били холкутук сундулуйар өрүһүҥ сүнньүн уларыппыт, оттон эн ону билбэккэ хаалбыккын. Өрөбүллэргэр оҕо-уруу буолан тыаҕа таҕыс. Баскыһыанньаҕа үөйбэтэх өттүгүттэн туох эрэ буолуо. Кэтэс.
