Хой
Бу нэдиэлэ өрө көтөҕүллүүлээх ааһыа. Бииртэн биир балысхан бырайыакка ылсан иһиэҥ. Сороҕун сиидэлээр – туһата суох буолан хаалыан эмиэ сөп. Уруу-аймах сыһыана хаһааҥҥытааҕар да истиҥ, сылаас. Нэһилиэстибэ боппуруоһун быһаарыаҥ. Сибидээнньэҕэ харчы уонна бэлиитикэ туһунан кэпсэтимэ. Доруобуйаҕын эмиэ көрүнэриҥ буолуо.
Оҕус
Туох баар ис уоргаҥҥын көрдөрүнүүһүккүн. УЗИ, МРТ наада буолбут. Иэһи-күүһү саба сатаа. Кэргэнниилэр сыһыаннара тупсуо. Утарсыы аны суох. Бу нэдиэлэҕэ ыал буоллаххына өр да өр олоруоххут. Этиһиигэ, тылынан быһаарсыыга кыттыспатыҥ ордук. Таптыыр киһигэр улахан болҕомто наада буолуо.
Игирэлэр
Күүскэ үлэлииргэ бэлэмҥин. Наҕараадата да ботуччу буолуо. Уһун болдьохтоох эмтэнии күүтэр. Бу нэдиэлэҕэ ырар диетаны саҕалаатаххына – түмүгэ чаҕылхай буолуо. Ыал дьон туора хаамаргыт содула олус улахан буолуон сөп. Сулумахтар кими кытта билсибиккитин кэпсээтэххитинэ ордугургуохтарын сөп.
Араак
Үлэҕэ ыҥырдахтарына өр толкуйдаа. Уһун кэмнээх айар бырайыагы саҕалыырга тоҕоостоох кэм кэлбит. Саҥа дьыл иннинэ олус элбэҕи, туһата суоҕу атыылаһан кэбиһимэ. Дьыаланы-куолуну быһаарса араас тэрилтэни кэрийэргэ сөптөөх нэдиэлэ. Таптал эйгэтигэр олус элбэҕи эрэннэримэ.
Хахай
Ыраахтан кэлбит киһини кытта быстах имэҥ, мүччүргэннээх сырыы баар. Кинини кытта билсээри айаҥҥа да турунарга бэлэм курдуккун. Эмиэ ыраахтан урууҥ кэлэн түбүккэ түһэриэ. Мээнэ дьонтон сүбэ көрдөөмө, төлөпүөннээмэ. Өрөбүллэргэр сауна, СПА-салон наада буолуо.
Кыыс
Дьиэҕэ-уокка туттуллар тэрили атыылаһарга табыгастаах кэм. Өр сулууспалыа. Нэдиэлэ ортотуттан дьыалаҕа да, тус олоххор да саҥа билсиһии, сыһыаны олохтооһун көдьүүһэ улахан буолуо. Үөрэх кэмэ саҕаламмыт. Араас тэрээһиҥҥэ ыҥырыы бөҕөтүн тутуоҥ уонна онно ытык ыалдьыт буолан сылдьаргыттан астыныаҥ.
Ыйааһын
Кэрэхсэбиллээх айан, кэпсэтии баар. Устудьуоннар үөрэхтэригэр ситиһиилэниэхтэрэ. Барыны бары билэ-көрө сылдьаҕын. Карьераҕын оҥосторго эн “сулустаах чааһыҥ” дьэ кэлбит. Саҥа үлэни көрдүүргэ эмиэ сөптөөх кэм. Харчы баар, киирэ турар. Эбии сорудаҕы ыла сатаама. Таптал эйгэтигэр бырастыы гынары сатаа.
Скорпион
Тус сайдыыҥ бытаараары гыммыт. Наһаа биир хайысханан эрэ сылдьаҕын. Үөрэниэххэ наада. Саҥа билии, саҥа эйгэ ыҥырар-угуйар. Сураҕы-садьыгы тарҕатар киһиттэн дьалты сырыт. Дьиэҕин-уоккун оҥосто сатыыгын. Бэлэх бөҕөтүн атыылаһан эрэҕин. Чуумпуну, соҕотохсуйууну көрдүүгүн.
Охчут
Айар-тутар кыаҕыҥ улаатан турар. Биир кэм эргичийэн, кэлэн-баран сүрдээххин. Харчы эйгэтигэр олус табыллыаҥ. Уйулҕа үөрэҕин баһылыырга тоҕоостоох нэдиэлэ. Успуорт, бассейн эйигин күүтэн тураллар. Таптаабытыҥ, билсибитиҥ туһунан ырыталларын сөбүлээбэт буоллаххына тоҕо киһи аайы кэпсиигин?
Чубуку
Силиэдэбэтэл курдук буолбуккун. Тиҥсирийэҕин. Булаҕын. Билэҕин. Уоппускаҕын былааннаа. Сайын ханна сынньана бараргын торумнаа. Олоҕуҥ аргыһын кытта ый симик уотугар дьаарбай. Доҕотторгор көмөлөһүөх эн эрэ баар эбиккин. Түүн эрийдэхтэринэ соһуйаайаххын.
Күрүлгэн
Көр-нар элбэх буолуо. Доҕор-атас онно-манна ыҥырыа. Дьиэҕэр үлэҕин илдьэ барыма. Уруһуйдуоххун, муусукаҕа сыстыаххын, уус-уран литэрэтиирэҕэ эргиллиэххин баҕарталыыгын. Сөпкө баран иһэҕин. Соҕотох күрүлгэннэр түһээн эрэ көрөр олохторун аргыһын искусствоны кытта ситимнээх тэрээһиҥҥэ көрсүөхтэрэ.
Балыктар
Харчы харыыта суох киирэ турар. Хайдах, хантан – ол эйиэхэ суолтата суох. Сөбүлүүр дьарыккын быраҕыма, айар-тутар, туох эмит саҥа сатабылга үөрэнэр баҕаҕын ыһыктыма. Тапталлааҕыҥ ыраах баар буоллаҕына онно да көтөн тиийэр кыахтааххын. Таптал дьыалатыгар кэтэх санаата суох буоларыҥ ордук. Өрөбүллэргин өрөбүллэр курдук атаараар.
