Хой
Тус олоххор уларыйыыны киллэрэргэ ыксаама. Иннигин-кэннигин үчүгэйдик толкуйдан. Үлэ өттүгэр эмиэ оннук. Саҥа дьыаланы ылса сатыыгыт да, туох да таһаарыы суох курдук. Бу нэдиэлэҕэ саамай табыгастаах күнүҥ чэппиэр буолуо. Күҥҥүн успуорт саалатыттан саҕалаа.
Оҕус
Эйигин тулууруҥ-дьулууруҥ өрүү абырыыр. Оптуорунньукка кэллиэгэлэргин кытта аахсыма, күлүккэ сырыт. Оттон сэрэдэҕэ өр кэтэспит үөрүүлээх сонуну истиэҕиҥ. Бу нэдиэлэҕэ дьиэ-уот боппуруостарын быһаарар суолталаах күннэр буолуохтара. Тус интэриэскин көмүскээ. Эн тапталлааҕыҥ сыыһа-халты туттарын түргэнник бырастыы гынар буолаҕын, улахан иирсээн тахсар чинчитэ суох.
Игирэлэр
Тыл-өс мааныта киһигин. Тулалыыр дьоҥҥо эрэ буолбакка, тус бэйэҕэр эрэннэрэриҥ элбэх. Ол гынан баран, дьыалатыгар киирдэххэ, ситиһии сэмэй соҕус. Бу күннэргэ чугас дьүөгэҥ эйигин ордук саныырын бэлиэтиэҕиҥ. Уопсайынан, тулалыыр дьоҥҥор сэрэхтээх буол. Оннооҕор тапталлааҕыҥ албыннык быһыыланыан сөп. Бу күннэргэ успуордунан дьарыктаныма.
Араак
Эйиэхэ дьиэ-уот, дьиэ кэргэн бастакы миэстэҕэ турар. Кыбартыыраҕын өрөмүөннэн, түмүгэ олус таһаарыылаах буолуоҕа. Бэйэҥ сүргэн көтөҕүллүө. Үгүс Араак бу нэдиэлэҕэ уоппуска ылыаҕа. Чугас киһигин кытта бээтинсэҕэ аһаҕастык кэпсэтэргин умнума. Кини тугу эрэ иһигэр толкуйдуу сылдьар. Өрөбүллэргэ үөрүү-көтүү, доҕоттору кытта көрсүһүү күүтэр.
Хахай
Болҕомто үөһүгэр сылдьаҕын. Нэдиэлэ устата ханнык баҕарар кэлэктиипкэ лиидэрдиэххин сөп. Сотору кэминэн хармааныҥ хаҥыыр буолбут. Үп-харчы кыһалҕатын билбэккин. Нэдиэлэ иккис аҥаарыгар сибидээнньийэҕэ ыҥырыахтара. Онуоха толкуйга түспэккэ, хайаан да сөбүлэһээр. Өрөбүллэргэ маҕаһыыҥҥа сылдьан, баҕалаах тэрилгин барыстаахтык атыылаһыаҥ.
Кыыс
Хаһааҥҥытааҕар да үчүгэйгэ, кэрэҕэ эрэнэҕин. Сүрүн болҕомтоҕун тус сыһыаҥҥа уураҕын. Сүрэҕиҥ аҥаарын кытта сыһыан тупсан эрэр. Бу нэдиэлэҕэ кафеҕа, тыйаатырга уонна киинэҕэ сылдьыаххыт. Тус көстүүгүн көрүн, халыҥнык таҥна сырыт. Тымныйыаххын сөп. Үлэ чааһа этэҥҥэ, бу тэтиминэн салгыы эрэллээхтик инниҥ диэки айаннаан ис!
Ыйааһын
Өйгүн-санааҕын түмүөххүн наада. Наһаа ыһыллан-тоҕуллан сылдьаҕын. Ылсыбыт дьыалаҕын тиһэҕэр тиэрдэргин умнума. Оттон кыаллыбат буоллаҕына, кэллиэгэлэриҥ өйөбүллэригэр эрэн. Бу күннэргэ эйигин саҥа билсии-көрсүү күүтэр. Онон сэрэнэ-сэрбэнэ сырыт. Өрөбүллэргэ дьиэҕэр ас астанан, чугас дьоҥҥун кытта бириэмэҕин атаарыаҥ.
Скорпион
Доруобуйаҥ кэбирээбитэ биллиэҕэ. Онон таһырдьа уһуннук хаамымаҥ, успуорт саалатыгар барымаҥ. Оптуорунньукка уоппускаҕын былааннаа, чэпчэки сыаналаах билиэт көһүннэҕинэ, сынньана да барыаххын сөп. Тоҕо эрэ сынньалаҥы соҕотоҕун атаарарга былаанныыгын. Өрөбүллэргэ хаһан да сылдьыбатах миэстэҕэр сылдьыаҥ.
Охчут
Тохтоон турбут дьыалаҕа хамсааһын тахсыах курдук. Үлэҥ ситиһиилээх, оннооҕор дуоһунаһыҥ үрдүүр чинчилээх. Чэппиэргэ тус олоххун уларытар кэпсэтии буолуоҕа, барыта табыллыннаҕына, таптал чааһыгар эмиэ ситиһии күүтэр. Өрөбүллэргэ күннээҕи дьиэ-уот кыһалҕаларын быһаар, ким да көмөтүгэр эрэнимэ.
Чубуку
Тугу баҕараргын билбэккин. Ол иһин санааҕа-онооҕо ылларарыҥ элбээбит. Үлэҕэ наһаа охтума, сынньана сатаа. Истириэскэ кииримэ, эрэнэн дьоҥҥун кытта элбэхтик алтыс. Бу нэдиэлэҕэ урукку дьүөгэҕэр эбэтэр табаарыскар сурук суруйуоҥ, урукку сыһыаны сөргүтэр баҕа баар. Эйиэхэ бу нэдиэлэ саамай табыгастаах күнэ баскыһыанньа буолуоҕа.
Күрүлгэн
Уоттаах-төлөннөөх таптал бөҕө. Кэргэннии Күрүлгэннэргэ сыһыан тупсар, онтон соторутааҕыта булсубут тапталлаахтар сыһыаннара олус истиҥ, ыраас. Оттон үлэ чааһыгар ситиһии бэлиэтэммэт. Чэппиэргэ ньиэрбинэйдиэҥ, ыгылыйыаҥ. Саамай сүрүнэ, чугас дьоҥҥун кэлэтимэ, хомотума. Өрөбүллэргэ атыы-эргиэн кииннэрин кэрийэр, солуоҥҥа сылдьан бэйэ бодотун көрүнэр суолталаах.
Балыктар
Иллэҥ кэмҥин кинигэ ааҕыытыгар аныыгын. Бэйэҥ-бэйэҕэр аргыый наллаан сылдьаҕын. Аһара бэйэҕэр бүгэн хаалыма. Өрөбүллэргэ доҕотторгун кытта көрүс, дуоһуйа сынньан. Үлэҕэр биир кэллиэгэҥ эйигин уган биэрэ сатыа да, туга да табыллыбат. Эн аһара үлэһит уонна чиэһинэй киһигин. Олоххор туох эмэ саҥаны киллэрэр кэм кэлбит.