Хой
Лиидэр хаачыстыбаҥ баһыйбыт. Нэдиэлэ олус таһаарыылаах. Үлэҕэ арыый да тулуурдаах буоларыҥ ирдэнэр. Наһаа ньиэрбинэйдээн, ыһыытаама-хаһыытаама. Туһата суох. Ыам ыйыгар кэлии-барыы, командировка элбэх. Дьиэ кэргэниҥ эйигин ахтыбыт, өрөбүллэри бииргэ атаарар былааннаах. Нэдиэлэ иккис аҥаарыгар наадалаах малгын сүтэриэххин сөп, ыһыллан-тоҕуллан бүт.
Оҕус
Туруоруммут сыалгын ситиһэргэ бэлэмҥин. Үлэттэн дьолломмут киһи диэн, дьэ, эн буолаҕын. Дьиҥэр, үлэни кытта сынньалаҥы дьүөрэлиэххэ баар этэ. Бэйэҥ курдук интэриэстээх дьону кытта элбэхтик алтыс, туох эрэ саҥаны арыйарга дьулус, кэрэҕэ тардыс. Бу күннэргэ доруобуйаҕар болҕомтолоох буол, эмискэ, ыарыы буулуон сөп. Аскын-үөлгүн көрүн, аһыы утахтан аккаастан, табахтаама.
Игирэлэр
Силигин ситэ илик үлэ-хамнас элбэх. Барытын бэйэҥ үмүрүтэр кыаҕыҥ суох, ол иһин кэллиэгэлэриҥ көмөлөһүөхтэрэ. Дьыалаҕа-куолуга көҕүҥ уостубут, олус сүрэҕэлдьиир буолбуккун. Урут үлэнэн эрэ олорор буоллаххына, билигин таптал чааһыгар сананыахча буолбуккун. Эйигин сэҥээрэр, сөбүлүү көрөр киһиҥ баарын биллэриэҕэ. Кэрэ аҥаар нэдиэлэ иккис аҥаарыгар кырасыабай сибэкки дьөрбөтүҥ тутуоҥ.
Араак
Ис уоргаҥҥын көрүнүөххүн наада. Арааһа, этиҥ-хааныҥ сынньалаҥы эрэйэр эрээри, уоппускаҕа барарыҥ ыраах. Онон күүскүн-уоххун туһалаахха, наадалаахха эрэ ыыта сатааҥ. Эйигин түһэн биэрбит, албыннаабыт дьоҥҥо көмөлөһүмэ. Маны таһынан, туох да улахан ситиһиитэ суох дьон күдээринэ сүбэлэрин истимэ. Тус олоххор болҕомто наада бөҕө. Чугас дьоҥҥун кытта өйдөспөт буолуу, этиһии тахсар чинчилээх. Күүстээх санаалаах буол.
Хахай
Хахайдар үгүстэрэ бу нэдиэлэни ээл-дээл атаарыахтара. Уопсайынан, бу күннэргэ туохха да болҕомтоҕун ууруоҥ суоҕа. Иллэҥ кэмҥин интэриниэккэ аныаҥ, “виртуальнай” эйгэҕэ киирэн хаалыаҥ. Дьиҥэр, өссө күүскэ түллэн үлэлиэх этиҥ. Кураанах куолуттан, уу-хаар кэпсээннээх дьонтон ыраах сырыт. Сүрэҕэлдьээмэ, санааҕын сааһылаа. Чугас киһигин сыаналаа, сүтэрэн баран, ытыы сылдьыбат курдук...
Кыыс
Бииргэ үлэлиир кэллиэгэҕин кытта тыл-тылга киирсимиэххитин сөп. Тугу эмэ саҥарыаҥ иннинэ, кини оннугар бэйэҕин оҥорон көр. Харчы харыыта суох киирэр, элбэх харчы киһини буортулуур дииллэринии, майгыҥ тосту уларыйаары гыммыт. Дьоҥҥо аһара бардамнык сыһыаннаһар буолбуккун. Тус бэрээдэккин хонтуруоллаа, бас-баттах тыллаһыма. Наһаа чараастык таҥныма, үрдэрэн кэбиһиэҥ.
Ыйааһын
Уопсастыбаннай үлэҕэ умса түһэр эбиккин. Эйигин интэриэһинэй кэпсэтиилэр, дьикти көрсүһүүлэр күүтэллэр. Сулумахтар, аналгытын көрсөр түгэн тосхойуо. Ыал буоларга сиппит-хоппут эбиккин. Оттон таптыыр киһиҥ баар буоллаҕына, кистээмэ, дьоҥҥор хайаатар да көрдөр, билиһиннэр. Маныаха, ньүдьү-балай, өрүү этиһэр, эҥин арааска барытыгар буруйдуу сатыыр дьону кытта аахсыма, киэҥ көҕүстээх буол.
Скорпион
Эстэн хаалбыккын. Арааһа, сынньана барар кэмиҥ кэлбит. Кылгас кэмҥэ айылҕаҕа тахсан санааҕын сааһылаа, төлөпүөҥҥүн арааран баран чуумпуга сынньан. Барыта биир кэмҥэ түмүллэн хаалан, наһаа санааҕа баттатан сылдьар кэмиҥ. Хаһан да санааҕын түһэримэ, ардах кэннэ хайаатар да күн тыгарын умнума. Бэйэ дьыалатын тэринэр туһунан толкуйдан, эбии үп киллэринэргэ санаалар үөскүөхтэрэ.
Охчут
Нэдиэлэ эриэ-дэхситик ааһыа. Саҥа соругу туруорунартан толлума. Дьон эйигин өрө тутар, таптыыр. Тас көрүҥҥэр тугу эмэ уларытарга саамай тоҕоостоох бириэмэ. Успуордунан дьарыктан, интэриэһинэй ис хоһоонноох кинигэтэ аах, доҕотторгун кытта күүлэйдээ. Бу күннэргэ улахан ороскуот баар буолуон сөп. Онтон хомойума – барыта төттөрү эргиллэн кэлиэ. Харчыгын наһаа ааҕыма, кэччэйимэ.
Чубуку
Карьера чааһыгар соһуччу уларыйыы тахсыаҕа. Саҥа сыал-сорук баар буолуо. Харчы дьыалатыгар табыллыаҥ, хармааныҥ халыҥыа. Чугас киһиҥ баҕатын толорон, дьиэҕэ-уокка туттуллар сыаналаах малы атыылаһыаххын сөп. Оҕолоруҥ доруобуйаларыгар болҕомтолоох буол. Өрөбүллэри айылҕаҕа үөрэ-көтө атаарыаҥ, дьиэ ис-тас үлэтэ үмүрүйүө.
Күрүлгэн
Олус таһаарыылаах күннэр үүмүттэр. Саамай сүрүнэ, хамнаныаххын наада. Кыһалҕаны барытын ыараханнык ылыныма. Барыта чэпчэкитик ааһыа. Киһи кыраттан да үөрүөхтээх, онон үөрэргэ-көтөргө төрүөт көрдөө. Нэдиэлэ ортото суолталаах сайабылыанньа суруйуоҥ, дьыалаҥ табыллыа. Саҥа билсии-көрсүү, кэлии-барыы күүтэр. Тус олоххор -- барыта этэҥҥэ, санаа хоту. Тапталлааххар күнүүлээмэ.
Балыктар
Кэлэктиипкэр аптарытыатыҥ үрдүө. Наһаа суолталаах дьыаланы ситиспиккин. Маладьыас. Үлэҕиҥ олус сөбүлүүрүҥ, дууһаҕын уурарыҥ биллэр. Ол эрээри, мэһэй, туорай өрүү баар буолуо. Онон боччумнаах уонна тулуурдаах буол. Сороҕор оруо маһы ортотунан да туттуу наада курдук. Таптал чааһыгар -- былыргынан олорума. Былыргыны былыт саппыта, олоҕу саҥалыы оҥосторго күнэ-дьыла уолдьаспыт.
