Хой
Тылгын-өскүн кыана туттуоххутун наада. Үлэ кистэлэҥин арыйан биэрэр куттал баар. Саҥарыа суохтааххын саҥаран кэбиһиэххин сөп. Ону таһынан, аскар-үөлгэр болҕомтолоох буол. Туризм уонна реклама салаатыгар үлэлиир дьону ситиһии күүтэр. Аны туран, аҕа саастаах чугас киһигин, аймаххын көрөргө-истэргэ бириэмэни ыытыаҕын. Солоҥ суох буолан, таптааллааххар кыыһырарын элбээбит.
Оҕус
Сылаалаах күннэр. Туруоруммут сыалгын ситиһэргэр мэһэйдэр үөскүөхтэрэ. Үлэҕэр туттарыллыахтаах бырайыагы эбэтэр чугас киһигэр эрэннэрбиккин болдьоҕор толорбот кутталлааххын. Уоппускаттан саҥа тахсыбыт буоллаххына, ыһыллыы-тоҕулуу баар. Доруобуйа чааһыгар тиискэр, атаҕыҥ иэччэхтэригэр болҕомтолоох буол. Эмискэ доруобуйаҕын эчэтиэххин сөп. Ыксаабакка хаама сырыт. Сулумахтары саҥа билсии күүтэр.
Игирэлэр
Доруобуйа чааһа мөлтөһүөр буолбут. Бэйэ эмтиэкэтинэн үлүһүйүмэ. Эн эппит тылгар турар уонна дьон кистэлэҥин харыстыыр ураты дьоҕурдааххын. Саамай сүрүнэ – туора дьон кыһалҕатыгар бэйэҥ умсума. Кэргэҥҥэр холус буолбуккун, тымныы салгын илгийэр. Төрүөтүн бэйэҥ эрэ билэн эрдэҕин. Бу нэдиэлэттэн саҕалаан саҥа дьарыгы олоххо киллэрэргэ дьулус. Бэйэҕин сайыннар.
Араак
Чугас дьоҥҥуттан көмө эрэйэр буолбуккун. Харчынан буолбакка, санаа атастаһыытынан, аһаҕас кэпсэтиинэн. Буккулларын-тэккиллэрин элбээбит. Олоххун уларытар түгэн тосхойдоҕуна, куттаныма. Үлэҕэр дьыала-куолу өттүгэр табыллыы баар. Тус олоххор улахан уларыйыылар буолар чинчилээхтэр эрээри, ол бэйэҕиттэн тутулуктаах. Эн урут мэлдьи дьоҥҥо эрэли бэлэхтиир, көмөлөһөр буоллаххына, билигин бэйэҥ ис туруккун бөҕөргөтөргө үлэлэс.
Хахай
Тулалыыр дьоҥҥор өрүү лиидэр буоллаххына, бу күннэргэ халбанныаххын сөп. Бу сырыыга эн эппиккинэн буолбакка, атын киһи ыйыытынан уларыйыылар буолуохтара. Тугу эрэ атыылаһаргар харчыҥ тиийбэт буолаҕына, иэскэ кииримэ. Салгыы харчыгын мунньан ис. Нэдиэлэ бүтүүтэ олус чуҥкук уонна чуумпу буолуоҕа. Санааҕын түһэримэ, иннигэр киириилээх-тахсыылаах күннэр күүтэллэр. Бириэмэ булан хараххын уонна тымырдаргын бырааска көрдөрүнэриҥ ордук буолуо этэ.
Кыыс
Үгүс кыргыттар харчы кыһалҕатын быһаарыахтара. Арааһа, үрдүк хамнастаах үлэҕэ көспүккүн эбэтэр дуоһунаһыҥ үрдүүр чинчилээх. Дьиэ кэргэҥҥэ сыһыан этэҥҥэ. Кэлэктиипкэ бэйэҕин сатабыллаах үлэһит курдук көрдөр кыах тосхойбут. Түгэни мүччү тутума. Сүрүн үлэҥ таһынан, биир санаалаах, аныгы толкуйдаах дьону кытта алтыһыаҥ. Кинилэр эйигин саҥа саҕахтары дабайаргар кынаттыахтара. Таптал чааһыгар уларыйыы суох.
Ыйааһын
Үлэлиир дьоҕуруҥ мөлтөөбүт. Ол аата сынньанар кэм кэлбит. Оттон сынньанан тахсааччылар үлэ “долгунугар” сыыйа-баайа киирэн иһиэхтэрин наада. Сарсыардаттан үчүгэй настарыанньалаах уһуктар туһуттан сэрээккэлээн, тыыллаҥнаан биэр. Дьиэ кэргэн бырайыагын сайыннарарга төбөҕүн сынньан ис. Сүрэҕэлдьээмэ, эппиэтинэстэн куотума. Эйигин өйүүр дьон аттыгар бааллар.
Скорпион
Эйигинниин ситиһии сиэттиспит, нэдиэлэ дьоруойа буолбуккун. Наһаа суолталаах дьыалаҕа илии баттаһыыта буолуоҕа. Ол кэннэ хармаан халыҥыаҕа. Аны туран, тапталлааҕын баҕалаах малгын атыылаһан күндүлүөҕэ. Сулумахтары “поклонниктар” хаамтарбаттар. Уопсайынан, үөрүү-көтүү күннэрэ күүтэллэр. Кытаатан аһыы утаҕы мээнэ иһимэ, үчүгэйдик уугун ханан сырыт.
Охчут
Соһуччу үөрүү күүтэр. Ханна эмэ барыаххын-кэлиэххин эбэтэр дьиэ кэргэниҥ кэккэтэ халыҥыан сөп. Доҕотторгун кытта көрсүһүү дэлэй буолуо. Аҕа саастаах охчуттар күүскэ үлэлээмэҥ, дабылыанньаҕытын көрүнэ сылдьыҥ. Маны таһынан, үтүө үтүөнэн төннөр дииллэригэр күүскэ итэҕэйиэҥ. Хаһан эрэ абырааабыт киһиҥ ыксаллаах кэмҥэр улахханнык абырыа.
Чубуку
Улахан кыһалҕаны көрсүбэккэ нэдиэлэни атаарар кыахтааххын. Үлэни уонна сынньалаҥы бииргэ дьүөрэлээ. Күннэтэ алтыһан ааһар дьоҥҥуттан ньиэрбэҕин бараама. Сороҕор ыгар-түүрэр түгэннэрэ баар буолуо. Хаһан эрэ хомоппут киһигин кытта өйдөһүөххүт. Дьиэ кэргэҥҥэ сыһыан истиҥ. Төһө кыалларынан оҕолоргутун кытта бириэмэни бииргэ атаарыҥ. Саҥа үөрэх дьылыгар үрдүк дабайыылар күүтэллэр. Тумуулаатаххына тута эмтэн, ыарыыны олохсутума.
Күрүлгэн
“Бумеранг” сокуонугар итэҕэйиэҥ. Санаан улаханнык түһүөн сөп. Ол эрээри бэринимэ. Бу уустук күннэри этэҥҥэ ааһыаҕын. Тус олоххор кыһалҕа үөскээбит буоллаҕына, иллиэҥ бириэмэни көрсүбэккэ үлэҕэ умса түс. Оттон үлэттэн кыһалҕаламмыт буоллаххына, бириэмэҕин тапаталлааххын кытта атаар. Санааҕын чэпчэтэн сөбүлүүр миэстэлэргэр сырыт, имиджкын уларытарга туруулас.
Балыктар
Чопчу былаан суох буоллаҕына, олоххун уларытарга ыксаама. Ордук карьера уонна успуорт чааһыгар. Дьиэ кэргэн аҕа саастаах дьонуттан көмө көрүдүүртэн кыбыстыма. Ыал балыктар илин-арҕаа барар туһунан сананымаҥ. Кыра мөккүөр аайыттан дьиэ кэргэн сыһыанын алдьатар сатаммат. Сулумахтары суолтата суох кэпсэтиилэр күүтэллэр. Бу күннэргэ үүт бородуукталарынан аһаатаххына, доруобуйаҥ биллэ тупсуоҕа.
