Нэдиэлэтээҕи гороскоп (ахсынньы 23-29 күннэрэ)

Хой

Бииргэ үлэлиир кэллиэгэлэриҥ эн көрдөһүүгэр аккаастыахтара. Онон күннэтэ алтыһар дьоҥҥун кытта сыһыан мөлтөөбүт. Сыл устата туох ситиһиилээххиний? Ону ырыҥалаан көр. Нэдиэлэ бүтүүтэ үөрүүлээх бырааһынньыкка ыҥырыллыаҕыҥ. Онно олус бэһиэлэй буолуоҕа. Таптал чааһыгар өйдөспөт түгэн, кыыһырсыы, күнүүлэһии үөскүүр чинчилээх. Үчүгэйдик билбэт дьоҥҥун доҕор-атас оҥостума, эрдэтинэ эрэнимэ. Бу күннэргэ үчүгэйдик уугун ханан сылдьыаххын наада.

Оҕус

Бу нэдиэлэҕэ арамаантыкалаах эбэтэр дьыалабыай көрсүһүү күүтэр. Бу көрсүһүү кэнэҕэски олоххор суолталаах буолуон сөп. Аны туран, урут истиҥник алтыһа сылдьыбыт киһигин кытта сибээс саҥаттан үөскээри гыммыт. Туох эмэ кыһалҕа үөскүүр түгэнигэр бэйэҥ күүскэр эрэн, кимтэн да көмө көрдөөмө. Ол эрээри илиитин утары уунааччы элбэх буолуоҕа. Аҕа саастаах Оҕустар элбэхтик сатыы хаамыахтарын наада. Бу күннэргэ хайаан да доруобуйаҕа болҕомто ууруохха наада. Тэтимнээх үлэ түмүгэ доруобуйаҕа охсуон сөп.

Игирэлэр

Саҥа эбээһинэс сүктэриллибит, дьыала-куолу элбээбит. Санааҕын үллэстэр киһиҥ аттыгар суох буоллаҕына, ону аһыы утахха көрдөөмө.   Иллэҥ бириэмэҕин оҕолоргун, аймах-билэ дьоҥҥун кытта атаар. Бу нэдиэлэҕэ айар үлэҕэ уонна тапталга табыллыы баар. Тапталлааххын кытта сыһыаны тургутан көрүөххүн сөп. Тус олоҕу уонна доҕоттору биир кэлим тута сатаама.

Араак

Сыралаах үлэҥ түмүгэ көстүөҕэ. Биисинэстээх дьон, олорон хаалымаҥ, киирэн-тахсан, кэпсэтиһэн иһиҥ. Дохуот курулаччы киирэригэр өйү-санааны түмүөххэ наада. Тас көстүүгүнэн дьон болҕомтотун олус тардаҕын. Эйиэхэ харахтарын хатааччлар бааллар. Бу нэдиэлэни үлэни уонна үөрэҕи дьүөрэлээн ситиһиилээхтик атаарыаҕыҥ. Чугас дьоҥҥун кытта аһаҕастык кэпсэт, доҕотторгун кытта алтыс. Бэйэҕэр бүк түһэн сылдьыма.

Хахай

Билигин туох баар күүһү үлэҕэ аныырын ордук. Үп-харчы кэккэтин хаҥатыахха наада. Салайааччыҥ эн аадырыскар суолталаах тылы-өһү этэн санааҥ көтөҕүллүөҕэ. Арамаантыка чааһыгар болҕомто уурар наада. Сулумахтары интэриниэтинэн билсиһии күүтэр. Үчүгэйдик билбэт дьоҥҥор, тута арыллан, олоххун ыһа-тоҕо кэпсээмэ. Бу күннэргэ элбэх төлөпүөнүнэн кэпсэтиилэр, көрсүһүүлэр буолуохтара. Сулустар күүһү-уоҕу баҕараллар.

Кыыс

Эмискэ инники былааҥҥын эргиччи уларытан кэбиһиэххин сөп. Үлэҕэр саҥа кэллиэгэлэммиккин, киниэхэ интэриэс үөскээбит курдук. Үпкүн былаанныы үөрэн. Мээнэ ыһа-тоҕо туттума. Настарыанньа этэҥҥэ кэлэргэ-барарга туруммуккун. Чугас дьоҥҥор үөрүүнү бэлэхтиир туһуттан соһуччу бэлэҕи оҥоруоххун сөп. Санааҕын аһаҕастык этэ үөрэн, соччото суох санааны киэр кыйдаа.

Ыйааһын

Биир санаалаах, толкуйдаах дьон тоҕуоруһа мустубуккут. Олоҕуҥ саҥа үктэлгэ тахсыбыт. Уларыйыы-тэлэрийии бөҕө. Өрөбүллэргэ чугас доҕотторгун кытта алтыс, аймахтаргар ыалдьыттаа, дьиэ кэргэҥҥин кытта бииргэ буол. Төһө да үлэ үөһэ буоллар, сынньалаҥ туһунан толкуйдуохха наада. Тапталлааххар наһаа ирдэбиллээх буолума. Мөккүөр тахсыан сөп. Дьиэни-уоту хомунан, санааны сааһылаан саҥа сылы этэҥҥэ көрүс.

Скорпион

Кыра оҕо курдук хаппырыыстанаҥ бүтүҥ. Дьиэ кэргэн тутаах киһитэ буоларгын умнума. Дьахталлар, эр дьон болҕомтотун тардар туһуттан бэйэ бодотун көрүнэ сылдьыаххытын наада. Өр кэмҥэ соҕотохсуйумаҥ, санааҕа-онооҕо ылларыаххытын сөп. Эдэрдэр, түүҥҥү кулуупка сэрэнэн сылдьыҥ, бэрээдэккитин көрүнүҥ. Устудьуоннар эксээмэннэрин, сочуоттарын этэҥҥэ туттарыахтара.

Охчут

Дьиэҕэ уонна үлэҕэ лиидэргин. Ол эрэн наһаа бардамнаама. Тапталлааҕыҥ сылаппат буоллаҕына, сыһыаҥҥа саҥа сүүрээн киирэригэр бириэмэ уолдьаспыт. Үп чааһыгар табыгастаах кэмнэр. Онон ыра санаа оҥостубут малгын-салгын атыылаһаргар кыах бөҕө баар. Холобур, күннээҕи олоххо туһалаах сыаналаах тэрили атыылаһыахха сөп. Успуорт эн олоххор наһаа суолталаах, дьарыккын быраҕыма.

Чубуку

Өр кэмҥэ ылсан үлэлээбит дьыалаҥ силигин ситиэҕэ. Маны таһынан, бырастыы көрдөһөр түгэн баар буолуо. Чугас киһигин кытта өйдөһүөххүт. Кими да кытта этиспэккэ сылдьыҥ. Саҥа билсии-көрсүү олохтуурга үчүгэй кэмнэр. Кытаатан доруобуйаҕар болҕомто уура, сылаастык таҥна-симэнэ сырыт. Билиини-көрүүнү дириҥэтэн кинигэтэ аах, култуурунайдык сынньан.

Күрүлгэн

Наһаа бэйэмсэх буолума. Тулалыыр дьоҥҥор эппиэтинэстээхтик сыһыаннас. Саҥа малы-салы атыылаһарга ситиһии күүтэр. Үлэттэн сылайбытыҥ биллэр. Саҥа олоҕу саҕалааччылар, арыый да дуоспуруннаах буолуоххутун наада. Олоххо ээл-дээл сыһыаннаах буолумаҥ. Күннээҕи аһылыккытыгар болҕомто ууруҥ.

Балыктар

Сымыйа сураҕы-садьыгы итэҕэйимэ. Интэриниэт ситиминэн аһара үлүһүйүмэ. Бу күннэри сынньалаҥ соҕустук атаарарыҥ наада. Сөбүлүүр идэҕинэн дьарыктан, истиҥ доҕотторгун кытта алтыс. Үҥкүүгэ соһуччу дьоҕуруҥ уһуктуон сөп. Салайааччылар, үлэһиттэргитигэр арыый да сымнаҕас сыһыаннаах буоларгыт эбитэ буоллар.