Хой

Бириэмэни халтайга ыытыма, сөпкө туһан. Дьиэ үлэтиттэн сүрэҕэлдьиир буолбуккун. Кэлэриҥ-барарыҥ элбээбит. Дьиҥэр, бу туох да куһаҕана суох эрээри, ыһыллыы баар. Тус сыһыаҥҥа өйгүн-санааҕын түмүөххүн наада. Туох эрэ саҥа сүүрээн тиийбэт курдук. Кэллиэгэлэриҥ ортолоругар аптарытыатыҥ үрдүк. Кинилэр эрэллэрин түһэн биэрбэт курдук сырыт. Бу күннэргэ куһаҕан дьаллыктан кыккыраччы аккаастанар наада. Сэрэхтээх.

Оҕус

Нэдиэлэ бастакы күннэригэр тапталлааххын кытта сыһыан биллэ тупсубутун бэлиэтиэҥ.Таптыыр киһиҥ эйиэхэ эппиэтинэстээх уонна харыстабыллаах сыһыаннааҕын өйдүөҥ. Ыаллар, дьиэҕэ ким туохха эппиэттээҕин быһаарсаргыт оруоллаах буолуоҕа. Саҥа билсии-көрсүү элбэх, доҕотторуҥ кэккэтэ кэҥиир чинчилээх. Бу нэдиэлэҕэ барыта санаа-хоту табыллан иһиэҕэ. Арай харчыга дьалаҕай сыһыаҥҥыттан эрэйи көрүөххүн сөп.

Игирэлэр

Куһаҕан дьаллыктаах буоллаххына, ону быраҕаргар табыгастаах күннэр. Сыалгын-соруккун ситиһэргэр туох тиийбэтин үчүгэйдик ырыҥалаан көр. Бу нэдиэлэҕэ аскын-үөлгүн көрүнэн, үчүгэйдик утуйан сырыт. Сэниэтэ суох буоллаххына, быраас сүбэтинэн битэмиин анатан иһиэххин сөп. Сулумахтар, туохха да ыксаабакка, албын сыһыаҥҥа киирэн биэрбэккэ сылдьыҥ. Өрөбүллэри доҕотторго, бэһиэлэй хампаанньаҕа атаарар былаан баар эбит.

Араак

Икки таптаһар сүрэхтэр саҥа таһымҥа тахсалларыгар саҥа сүүрээн бөҕө баар. Холобур, өр бииргэ буолбут пааралар докумуоҥҥа олоҕуран, ыал буоларга саҥа хардыыны оҥоруохтарын сөп. Маны таһынан, саҥа билсиини-көрсүүнү иҥэринэргэ, успуордунан дьарыктанарга үчүгэй күннэр. Аҕа саастаах Араактар сөбүлүүр дьарыктаах буолбуттар, иллэҥ бириэмэлэрин интэриэһинэйдик атаараллар. Сулустар нэдиэлэтээҕи сүрүн сүбэлэрэ дьиэҕэр эргэ малы-салы мунньума, илдьирийбит таҥаһы-сабы бырах диэн сүбэлииллэр.

Хахай

Тас көрүҥҥүн тупсарарга күүскэ санаммыккын. Саамай бастакынан, ыйааһын түһэрии кыһалҕатын көрсүбүккүн. Күннээҕи аһылыккын хонтуруоллан, аччыктыы-аччыктыы элбэҕи аһаама. Аны кирэдьииккэ да киирэн туран, баҕалаах малгын атыылаһарга туруммуккун. Өрөбүллэри успуорт саалатыгар атаарыаҥ. Бу күннэр үлэҕэ да, тус олоххо да улахан уларыйыыны аҕалыахтара суоҕа. Ол эрээри түһүү эмиэ суох. Бу курдук үчүгэй настарыанньалаах үөрэ-көтө сырыт.

Кыыс

Эйигин элбэх үөрүүлээх түгэн күүтэр. Хараххынан хайгыы көрбүт киһиҥ тапталга билинэн соһутуо. Уопсайынан, тапталлаахтарга сулустар туох баар кэрэни бэлэхтииллэр. Нэдиэлэ чэпчэкитик уонна истиҥник ааһыаҕа.Маны таһынан, дьиэ кэргэн кырачаан чилиэннэрин кытта сыһыаны өссө минньитэн биэрэргэ үчүгэй күннэр. Үлэҕэр туох эрэ кыһалҕа үөскээтэҕинэ, санааҕын түһэримэ. Карьера чааһыгар тулуур уонна дьулуур наада.

Ыйааһын

Дьиэни-уоту тупсарарга сыраны-сылбаны барыыһыгын. Өскөтүн дьиэ өрөмүөнүн эбэтэр кыбартыыраҕа уларыйыыны киллэрэргэ санаммыт буоллаххына, түһүнэн кэбис. Барыта табыллыаҕа. Бу күннэргэ дьиэлээхтэриҥ харчыны сөпкө туһанар дьоҕургун сыаналыахтара. Эргиэн эйгэтин үлэһиттэрин ситиһии күүтэр. Кытаатан доруобуйаҕын үчүгэйдик көрүнэ сырыт. Иһиҥ ыалдьар буоллаҕына, тута бырааска тиийэриҥ наада.

Скорпион

Тулалыыр дьоҥҥун кытта сыһыаны тупсарарга ситиһиилээх күннэр. Дьоҥҥо үтүө сыһыаныҥ элбэх үөрүүнү-көтүүнү түстүөҕэ. Бу нэдиэлэҕэ доҕоттордуун көрсүһүү, дьиэ кэргэн бырааһынньыга дэлэй буолуоҕа. Саамай чугас дьоҥҥун кытта бириэмэни үчүгэйдик атаарыаҥ. Эн олоххор биир наһаа киитэрэй кэллиэгэ баар эбит. Тоҕо эрэ хара үлэтигэр эн, оттон хайҕанааччы, бириэмийэ ылааччы кини буолан тахсар. Онон бу киһиэхэ сыһыаны уларытар, арыый да кытаанах майгыны биллэрэр кэм кэлбит.

Охчут

Мээнэ туора-маара барбатыҥ ордук. Бу ордук тус олоххор сыһыаннаах. Тапталлааххын албыннаан тугу да ситиһиэҥ суоҕа. Киһи эрэллээх буолуохтааҕын өйгөр-санааҕар хатыы сырыт. Бу нэдиэлэҕэ атын туора дьон туһугар диэн буолбакка, чугас дьонуҥ туһугар элбэҕи ситиһиэххин наада. Тапталлаах дьоҥҥун сирэй-харах анньартан туттун. Этиһии буолар түгэнигэр саҥаҕын-иҥэҕин хонтуруоллан. Сылаалаах соҕус күннэр буолуохтара.

Чубуку

Тас көрүҥҥүн көрүнэ сырыт. Хайдах эрэ ыһыллыы-тоҕуллуу барбыт эбит. Ыарыыны ыраланыма, эми мээнэ иһимэ. Имиджкин тупсарар туһунан толкуйдар бааллар. Эн сүбэҕэр наадыйар дьон наһаа элбэх. Төһө кыалларынан көмөлөһө сатаа. Кэргэҥҥэр, төрөппүттэргэр наһаа суҥхарыма, туох эрэ кыаллыбатаҕын, табыллыбатаҕын кэпсээмэ. Ханнык да күҥҥэ син биир кыайыылаах эн буолуоҥ. Өрөбүллэри үлэҕэ буолбакка, айылҕаҕа тахсан сынньаныыга аныахха наада.

Күрүлгэн

Соҕотох сылдьаргын сөбүлүүгүн. Санааҕын сааһыланан, чэпчээн сылдьыаххын саныыгын да... Арааһа, кимтэн эрэ хомойбуккун, кэлэйбиккин быһыылаах. Олоххо араас дьон баар буолаллар, онон буола турар уларыйыылары наһаа чугастык ылыныма. Аттыгар өйдүүр киһиҥ суох буоллаҕына, психологка сүбэлэтиэххин наада. Бу нэдиэлэҕэ үлэҕэр улахан ситиһии күүтэр. Туох эрэ суолталаах бырайыакка илии баттыахтара, үп-харчы кутуллуо.

Балыктар

Наһаа дириҥ суолталаах сонуну истиэҥ. Ол эн инники былааҥҥар уларыйыыны киллэрэр чинчилээх. Туруоруммут сыалгын ситиһэргэр баҕа эрэ наада. Чугас дьонуҥ туһугар эккинэн-хааҥҥынан ыалдьаҕын. Ол эрээри сорох түгэҥҥэ бэйэҥ тускунан саныырыҥ ордук. Сулумахтар тус олоххутун оҥостуоххутун наада. Таптал туһунан наһаа толкуйдуур буолбуккун. Саҥа билсибит-көрсүбүт дьоҥҥор болҕомтолоох буол. Атаҕыҥ таҥаһын көрүнэ сырыт, халтарыйымтыа атах таҥаһыттан сэрэхтээх буол.