Хой

Өйгүн-санааҕын сааһыланан, саҥа хардыыны оҥоруоххун сөп. Маныаха, күн ахсын алтыһан ааһар дьоҥҥун үчүгэйдик көрө-билэ, үөрэтэ сырыт. Интэриэһинэй кэпсэтиилэр атах тэпсэн олорор эрэ буолбакка, Интэриниэт ситиминэн эмиэ буолуохтара. Саҥа дьоннуун алтыһыы, билсии-көрсүү күүһү-күдэҕи эбиэҕэ. Инники олоҕу-дьаһаҕы тапталлаххын кытта былааннаатаххына, аһаҕастык кэпсэттэххинэ, сыһыан өссө тупсуоҕа. Кинини кытта суолталаах быһаарыыны бииргэ ылыныыһыгыт.

Оҕус

Бу күннэргэ болҕомто киинигэр сылдьыаҕыҥ. Хас биирдии хамнаныыгын манааччы-кэтээччи элбэх. Онон тугу да бүөмнээн ордук-хос үлэлээмэ, баары баарынан сырыт. Сорохтор тус олохторугар ыарахаттары көрсүөхтэрэ. Майгын-сигилин туһунан чуумпуга олорон соҕотоҕун ыраһалаан көр. Туохха барытыгар суолталаах быһаарыыны ылынарга ыксаама. Ол эрээри, саҥа үүммүт сыл эйиэхэ доруобуйаны бөҕөргөтүү дьылынан буолуоҕа. Быйыл эн олоххор успуорт элбэх буолуоҕа.

Игирэлэр

Ис кыаххын хаҥатаргар, билии-көрүү эбинэргэр олус таһаарыылаах күннэр үүммүтттэр. Оскуола үөрэнээччилэрэ, устудьуоннар үөрэххэ умса түһүөхтэрэ, бииртэн биир ситиһии кэлиэҕэ. Оттон үлэһит норуот, аҕам саастаах дьон эбии үөрэх кууруһун ааһаргыт суолталаах. Тус олоххтор оҥосто илик сулумахтарга болҕомто бөҕө ууруллар эрээри, наадалааҕынан аахпаккын. Билсэ-көрсө сатааччылары тэйитимэ, олох уһун алтыһан ааһар түгэн элбэх буолуо. Нэдиэлэ устата доруобуйаҕытын көрүнэ сылдьыҥ.

Араак

Дьиэ-уот үлэтин кыайа-хото тут. Дьиэ иһэ ыраас, сырдык, сынньанарга табыгастаах буоларын ситиһэ сатаабытын ыраатта. Үп-харчы кыаллар буоллаҕына, кыра өрөмүөн үлэтин тэрийиэххэ сөп. Туруннаххына -- харчы да көстүөҕэ. Дьиэлээхтэрин эн былааҥҥын өйүөхтэрэ, көмөлөһүөхтэрэ. Сыһыан туһунан эттэххэ, уустуктар бааллар. Түүҥҥү олох чааһыгар үчүгэйдик кыһалларын эрэйиллэр. Үлэҕэ көххүн улаатыннара таарыйа, саҥа куурустарга, эбии үөрэхтэргэ суруттаран сырыт.

Хахай

Бу күннэргэ көхтөөхтүк дьону кытта алтыһыҥ. Элбэҕи билэрин-көрөрүн барыстаахтык сыалгын-соруккун ситиһэргэ көмөлөһүөҕэ. Туох эрэ эппиэтинэстээх дьыалаҕа көннөрү билэр киһин улаханнык абырыаҕа. Маны таһынан, баайы-дуолу хаҥатарга табыгастаах кэм. Төһө даҕаны бириэмэ ыгым буолбутун иһин, дьиэ кэргэҥҥэр болҕомто уурары умнума. Эн сүбэҥ төрөппүттэргэр, оҕолоргор, чугас аймахтаргар наһаа туһалаах. Сокуону кытта үлэлиир исписэлиистэри үрдүк ситиһии күүтэр.

Кыыс

Доруобуйаҥ олус үчүгэй. Эти-хааны эрчийээччилэри, успуорду өрөгөйдөөччүлэри үчүгэй нэдиэлэ күүтэр. Ол гынан баран, наһаа хамнанар буолаҥҥын, элбэҕи аһыыр буолбуккун. Онон аскын көрүммэтэххинэ, уойан хаалар чинчи баар. Аҕа саастаахтар дабылыанньаҕытын, ис туруккутун кэтии сылдьыҥ. Төбө ыарыыта баар буоллаҕына, сытан сынньанаргыт булгуччулаах. Уруккуттан холобур оҥостор киһигин илэ хараххынан көрөн, илии тутуһан олус дьоллонуоҕун. Бары өттүнэн ситиһиилээх нэдиэлэ буолуоҕа.

Ыйааһын

Бэйэҕэ эрэлин өссө үрдээбит курдук. Хайдах курдук үлэҕэр эппиэтинэстээхтик сыһыаннаһаргын кэлэктиибиҥ бэлиэтиир. Ол онтон сүргэн олус көтөҕүллэн сылдьар. Саныыр санааҕын искэр тута сылдьыбакка, арыый да аһаҕас буол. Кэтэх санаата суох сырыттаххына, бэйэҕэр чэпчэки буолуоҕа. Күннээҕи аһылыгын болҕомтону уонна хонтуруолу эрэйэр. Уопсастыбаннай сирдэргэ мээнэ аһаама, дьиэ аһа ордук иҥэмтиэлээҕин өйдөө. Наһаа тиэтэйбэккэ, ыһыллыбакка-тоҕуллубакка сырыт. Сыаналаах малгын эбэтэр харчыгын сүтэриэххин сөп.

Скорпион

Бэйэҥ итэҕэскин-быһаҕаскын дьоҥҥо кэпсээмэ. Уопсастыбаҕа хайдах тутта-хапта сылдьаргыттан улахан тутулуктаах. Нэдиэлэ устата үгүстүк соҕотохсуйуоҥ. Онно санааҕын сааһылан, үчүгэй ис хоһоонноох кинигэни аах, аудио-кинигэни иһит. Кэрэ аҥаардар солуоҥҥа сылдьан сынньаныҥ. Отто эр дьон доҕоттору кытта көрсүһүүттэн улахан дуоһуйууну ылыаххыт. Слайыы-элэйии, истириэс баар курдук. Онон ис туруккун истэ үөрэн, кини сирдээн биэриэҕэ.

Охчут

Сыл саҥа саҕаламмыт буолан, үлэлиир турук кэлэ илик. Наһаа сүрэҕэлдьиигин, күнү юыһа утуйа сылдьаҕын. Өрөбүллэри чугас доҕотторгун кытары бэһиэлэйдик атаарарын наада. Сынньалаҥҥын бииргэ атаарар хампаанньаҕа лиидэргин. Доҕотторуҥ эйигин үтүө холобур оҥостоллор, онон бэйэҕин түһэн биэримэ. Төрөппүттэриҥ кыһалҕаларын быһаарарга көмө-тирэх буол. Дьиэҕэр саҥа мал-сал, туһалаах тиэхиньикэ атыылаһан, санааҥ чэпчиэ. Доруобуйаҕын көрүнэ сырыт.

Чубуку

Үлэ чааһыгар эппиэтинэстээх киһигин. Кэнэҕэс саҥа бырайыактар күүтэллэр. Онон карьера чааһа этэҥҥэ. Арай, тус олоҕун мөккүөрдээх. Тапталлааххын аһара уларыта сатыыгын, кини хас биирдии хардыытын кэтиигин-маныыгын, иҥнэҕин. Аһаҕастык олорон кэпсэтии эрэйиллэр. Оттон сулумахтарга саҥа билсии үөскүө этэ да, хаппырыыскыт, сирэргит-таларгыт бэрт. Чэ, буоллун... Бу күннэргэ Чубукулар инники олохторун тупсарар улахан хардыыны оҥороро сылдьаллар.

Күрүлгэн

Үлэҕэр кыһалҕа баар, салалта кириитикэлиэҕэ. Онтон санааҥ түһэн, элбэҕи толкуйдуур буола сылдьаҕын. Дьиҥэр, сыыһа-халты туттуу эйигиттэн эрэ тахсыбат. Онон бэйэҕин наһаа буруйданыма. Бу күннэри үлэҕэр эрэ атаарар чинчилээххин. Туох баар дьиэ кыһалҕатын, тус сыһыаны умнан туран үлэҕэ умса түспүккүн. Төһө да ыарахан буоллар, эйигин таптыыр, эн тускар ыалдьар дьон бааллар. Онон иннин хоту баран ис, ситиһии хайаан да кэлиэҕэ.

Балыктар

Эн олоххор экстрим тиийбэт. Ханна эрэ кэлиэххин-барыаххын баҕараҕын. Ол баҕа санааҥ сотору кэминэн туолуоҕа.Бүгүҥҥү күҥҥэ үп-харчы кырыымчык соҕус. Онон үрүт-үрдүгэр таҥас-сап, мал-сал атыыласпатыҥ буоллар. Кофенан наһаа үлүһүйүмэ, доруобуйаҕар охсуулаах буолуон сөп. Дьиэ салгына истиҥ, ыраас. Өрөбүллэри дьоҥҥун кытары атаар, минньигэс бүлүүдэлэринэн күндүлээ. Эн барыны-бары сатыыр олус дьаһаллаах киһигин.