Хой

Күннээҕи олоххор уларытыы-тэлэритии киллэриэххин саныыгын. Үлэттэн ураты өссө туох эрэ дьарыктаах буолар ыралааххын. Бу күннэргэ дьиэлээхтэргин кытта илэ-хоро сэһэргэстэххинэ, санааҕын арыйдаххына, кэнэҕэс ситиһиилээх хардыыны оҥоруоххун сөп. Хамнас өттүгэр барыстаах этии киириэҕэ, онно тутатына сөбүлэһэр кэрэгэй курдук. Онон үлэҕин-хамнаскын үчүгэйдик былааннанан сылдьарыҥ ордук буолуоҕа.

Оҕус

Үчүгэй таһаарыылаах нэдиэлэ күүтэр. Туруоруммут сыалгын хайа баҕарар балаһыанньаҕа ситиһэр кыахтааххын. Үлэҕэ суолталаах уларыйыылар күүтэллэр, онно бэлэм буоларыҥ наада. Айар куттаах Оҕустар иэйиилэрэ уһуктан, түүн аанньа утуйбат буолбуттар. Тапталы харыстааҥ. Толкуйдаабакка, мээнэ тыллаһан, быстахха былдьанар кутталлааххыт. Үлэҕэ да, тус олоххо да сөпкө бириэмэни анаатаххытына, барыта үчүгэй буолуоҕа.

Игирэлэр

Нэдиэлэ бастакы аҥаара дьыалабыай көрсүһүүтэ элбэх буолуоҕа. Бу күннэргэ үлэҥ хайысхатын ончу уларытан кэбиһэриҥ табыгаһа суох. Аһара тиэтэйимэ. Бэйэ дьыалатын тэринээччилэр, үпкүтүн үчүгэйдик былаанныыргыт наада. Өрөбүллэри үгүстэр култуурунайдык атаарыахтара. Ол сынньалаҥтан дуоһуйуохтара. Холобур, кэлин көрбүт киинэҕит элбэҕи толкуйдатыаҕа. Чугас аймахтаргар, өрүү да буоларын курдук, көмө-тирэх буола сылдьарыҥ үчүгэй.

Араак

Киириилээх-тахсыылаах, барыылаах-кэлиилээх олохтон сылайбыт курдуккун. Ол иһин бу күннэри чуумпутук атаарыаҥ. Өрөбүллэргэ дьиэҕин-уоккун хомунуоҥ, кэппэт таҥаскын-сапкын бөххө быраҕан, санааҥ чэпчиэ. Маны таһынан төрөппүттэргин, бииргэ төрөөбүттэргин, чугас дьоҥҥун кытта көрсүбэтэҕиҥ ырааппыт эбит. Онон дьиэ кэргэҥҥэ көрсүһүү киэһэтин тэрийиэххин сөп, эбэтэр төлөпүөнүнэн илэ-хоро кэпсэт.

Хахай

Уурунуу харчыгын халтайга барыыр куттал тирээбит. Сыаналаах малы, таҥаһы-сабы, о.д.а. саарбах интэриниэт саайтыттан сакаастыыр сэрэхтээх. Онон оттомноох буол. Үлэҕэ туох да уларыйыы суох. Нэдиэлэ бүтүүтэ чугас эргин айанныаҥ. Успуордунан дьарыктанааччылар, наһаа күүскэ түһүммэккит ордук, бэйэ кыаҕын көрүнэн сылдьыҥ. Өрөбүллэргэ доҕоттору кытта көрсүһүү күүтэр. Онно тус олоххун ырытыма, наһаа аһаҕас буолума.

Кыыс

Олус кыахтааххын. Хайа да уустук түгэҥҥэ ылсыбыт дьыалаҕын тиһэҕэр тиэрдэр дьоҕурдааххын. Бу күннэргэ ол сатабылгын тулалыыр дьоҥҥор өссө биирдэ көрдөрүөҥ. Саҥа бырайыак силигин ситиэҕэ, салалтаҕыттан махтал тылларын истиэҥ. Тус олох эмиэ үчүгэй. Ыаллар кэккэлэрин хаҥатарга туруммуттар. Бу күннэргэ доруобуйа эмискэ мөлтөөһүнэ күчүмэҕэйдэри үөскэтиэн сөп. Онон түргэнник бырааска барар наада.

Ыйааһын

Үгүс Ыйааһыҥҥа сынньанарга уонна сири-дойдуну көрө айанныырга табыгастаах күннэр. Бу, биллэн турар, уоппускаҕа сылдьааччыларга сыһыаннаах. Сулустар эйиэхэ дьиэ кэргэҥҥин кытта бииргэ атаар диэн элбэх бириэмэни сүбэлииллэр. Маны таһынан бириэмэни халтайга ыыппакка, сөбүлүүр дьарыккын сайыннардаххына, өссө чэпчэкитик сылдьыаҥ. Өскө, туох эмэ курус санааҕа ыллардаххына, санааны-онооону олус дириҥэтэ сатаама, соҕотохсуйума.

Скорпион

Аҕам саастаах дьон доруобуйалара биллэ тупсубут. Үлэттэн ураты өссө атын интэриэс үөскээбит. Ол хайаатар да, эбии дохуот киллэрэр дьарык буолбатах. Үгүстэр тус олохторугар саҥа сүүрээн үөскээбит. Сулумахтар кэнэҕэс бииргэ буолар киһилэрин көрсөр кыахтаахтар. Эр дьон туох эрэ тыҥааһыннаах киирсиигэ бэлэмнэнэллэр. Кинилэри барыы-кэлии, айылҕалыын алтыһыы, доҕоттордуун көрсүһүү күүтэр.

Охчут

Эһигини саҥа дьыалабыай кэпсэтии күүтэр. Карьеристар үрдүк дуоһунаска тахсыахтара. Үлэҕитигэр болҕомто киинигэр сылдьыаххыт. Биллэн турар, ордук санааччылар, үтэн-анньан көрөөччүлэр баар буолуохтара. Онно бэриммэккэ, инниҥ хоту баран иһиэххин наада. Таптал эмиэ “оргуйан” олорор. Сүрэххит аҥаара сытыы-хотуу, кэлиилээх-барыылаах киһи. Кини салайыытынан өрөбүллэри олус сэргэхтик атаарыаҥ. Кыратык мөккүөр баар буолуо. Санааҕын искэр туппакка, аһаҕас буоларыҥ ордук.

Чубуку

Атыыга-эргиэҥҥэ олус табыгастаах күннэр. Эрдэттэн былааннаммыт малгын-салгын атыылаһан, санааҥ чэпчиэ. Бу сырыыга ороскуоккун олус ааҕымматыҥ ордук. Харчыгын туһалаахха ыыттаҕыҥ. Үлэҕэ саҥа хайысхалары баһылаан, бииртэн биир интэриэһинэй бырайыагы олоххо киллэрэҕин. Тус бэйэҥ да буолбатар, өҥөҥ эмиэ баар. Тапталга бэриниилээх буол. Эппиккин толор. Эдэрдэри мантан саас төлөннөөх таптал күүтэр...

Күрүлгэн

Бу күннэргэ наҕыл соҕустук сылдьыаҥ уонна күүс-уох эбинэн, кэлиҥҥи ыйдарга дьоһуннаахтык үлэлиэҥ. Маны таһынан, үп-харчы боппуруоһун быһааран, санааҥ чэпчиэ. Успуордунан дьарыктанарга саамай туһалаах күннэр. Ыра сатааччылар, күннээҕи аһылыккытын хонтуруолланыҥ. Таптал чааһыгар суолталаах хамсааһын суох. Сулумахтар сөбүлүүр киһилэрин кытта алтыһа сатыыллар да, бакаа табыллар сибики биллибэт. Онон билсэргэ-көрсөргө атын ньыманы тобулуохха наада.

Балыктар

Нэдиэлэ бытааннык уонна уһуннук саҕаланыаҕа. Онтон эмискэ барыы-кэлии бөҕөтө буолуоҥ. Кэллиэгэлэргин кытта кыра иирсээн, мөккүһүү тахсыан сөп. Онтон санааҥ түһэн, дьиэлээхтэргэр куһаҕан настарыанньалаах тиийиэххин сөп. Дьиҥэр, үлэ кыһалҕатын соһор сыыһа. Онон чугас дьоҥҥор кыыһырыма. Чэ, бу түгэн кылгас буолуоҕа, барыларын кытта түргэнник уопсай тылы булуоҥ. Нэдиэлэ сүрүн үөрүүтэ – тас көстүүгэр туох эрэ биллэр уларыйыыны киллэриэҥ.