Киир

Киир

Хой

хой

Кэлии-барыы сүпсүлгэнигэр сылдьаҕын. Чугас дьонуҥ үгүс болҕомтону эрэйэллэр. Кыралаан ньиэрбинэйдээн, кыйаханан ылар түгэннэр баар буолуохтара. Үп-харчы өттүгэр кыралаан эбии киирии баар. Сотору, өссө табылыннаҕына, эбии дохуоттанарга быыс-хайаҕас көстүөҕэ. Эдэр дьон сыһыаннарыгар сыыһа-халты туттуу тахсар чинчилээх. Өскөтүн, суолталаах быһаарыныыны ылыммыт буоллаххына, сыалгын тиһэҕэр диэри тиэрдиэххин наада.

Оҕус

о5ус

Үлэ үөһүгэр сылдьаҕын. Бииртэн биир саҥа саҕаҕы, ураты дьоҕуру арыйаҕын. Кэлиҥҥи кэмҥэ хайдах эрэ бэйэҕэ таптал аһара күүһүрбүт курдук. Бэйэҕиттэн астынар, дуоһуйар буолбуккун. Кэрэ аҥаардар хаартыскаҕа түһүүнэн күүскэ үлүһүйэллэрэ биллэр. Дьиэлээхтэргин кытта сыһыан үчүгэй. Ол эрээри кыра мөккүөр ханна барыай. Онно баһылыыр-көһүлүүр оруолу ыллаххына, барыта үчүгэй буолуо.

Игирэлэр

игирэ

Саҥа малы-салы атыылаһарга болҕомтолоох буоларыҥ эрэйиллэр. Харчыгын халлааҥҥа тэбиир кутталлааххын. Инники олоххор бииртэн биир саҥа уларыйыы буолуоҕа. Ол төһө сөбүн олох көрдөрөн иһиэҕэ. Өрөбүллэри дьиэ сууйан, ас астаан дьиэлээхтэргин кытта атаарар ордук буолуоҕа. Үгүс эр дьон айылҕаҕа, уһун айаҥҥа турунарга бэлэмнэнэллэр. Сотору кэминэн айылҕалыын алтыһыы дэлэй буолуоҕа.

Араак

араак

Бииргэ үлэлиир дьонуҥ эйигин улаханнык кириитикэлиэхтэрэ. Ону эйиэхэ аһаҕастык биллэриэхтэрэ. Бу түгэҥҥэ бэйэҕин киэҥ-холку майгылаах киһи быһыытынан көрдөрүөххүн наада. Наһаа ньиэрбинэйдээбэккэ, ыһыллыбакка, ыгылыйбакка. Туохтан да толлубакка, санааны түһэрбэккэ инниҥ хоту айаннаан истэххинэ, элбэҕи ситиһиэҥ. Бэйэҥ баҕаҕынан иллэҥ бириэмэҕин атаар, дууһаҥ, өйүҥ-санааҥ хайдах сытарынан.

Хахай

хахай

Барар-кэлэр, айанныыр баҕаҥ улаатан аҕай сылдьар. Биир сиргэ тулуйан-тэһийэн олорбот буолбуккун. Бу кэлэр сайын элбэхтик айанныаҥ, барыаҥ-кэлиэҥ. Өрөбүллэргэ аймахтары кытта көрсүһүү, чугас дьоҥҥун кытта алтыһыы элбэх буолуо. Аҕа саастаах Хахайдар өр көрсүбэккэ сылдьыбыт доҕотторун кытта булсуохтара. Үлэҕэ эппиэтинэс үрдүк, ситиһии да элбэх. Таптал сыһыанын харыстаа, туора дьоҥҥо мээнэ аһаҕастык кэпсээмэ.

Кыыс

кыыс

Эт-хаан ыарыыта бэргиэн сөп. Онон күннээҕи таҥаскын-сапкын хонтуруоллан. Бу нэдиэлэ сынньалаҥ соҕустук ааһыаҕа. Кытаатан харчыгын наһаа ороскуоттаама. Өрөбүллэргэ күүлэйи батыһан, син балачча ороскуокка тэбиллиэххин сөп. Онно чугас доҕоруҥ илиитин утары уунан сүрдээҕин абырыаҕа. Ыаллар сыһыаннарыгар бэйэни истиһии тиийбэт курдук. Итинтэн сылтаан иһэ истээх соҕус иирсээн тахсыан сөп. Кытаатан айдаарсымаҥ.

Ыйааһын

ыйааьын

Нэдиэлэ үчүгэй сонунтан саҕаланыаҕа. Дьиэ кэргэни үөрүү-дьол иэйиитэ кууһуоҕа. Бу күннэргэ дьиэ ис-тас үлэтин кыайыаххыт. Оҕолору үлэҕэ сыһыарарга бэртээхэй бириэмэ. Эдэр оҕолор үөрэххэ кытаатыахтарын наада. Сотору күүстээх эксээмэннэр, хонтуруолунай үлэлэр саҕаланыахтара. Бу күннэргэ сулустар бэлиэтииллэринэн, олоххо-дьаһахха туох да мэһэй суох. Арай, доруобуйа туруга халбаҥныан сөп. Онон ис туруккутун үчүгэйдик кэтэнэ сылдьаргыт наада.

Скорпион

скорпион

Чэпчэки соҕус күннэр үүнүөхтэрэ. Хайдах эрэ барыта сэмээр табыллан иһиэҕэ. Карьеристар улахан ситиһиилэниэхтэрэ, сайдарга өссө саҥа суоллар аһыллыахтара. Эн тускунан хобу-сиби тарҕатааччылар бааллар. Кинилэри кытта аахса, көннөрө сатыыр наадата суох. Уопсайынан, дьон санаатыттан наһаа хааччахтаныма, бэйэҕэ эрэллээх буол. Тус олоххо ситиһиилэр, уларыйыылар бааллар. Тапталлааххыт соһуччу үөрүүнү бэлэхтиир түгэнэ элбэх. Сулумахтарга интэриэс баар да баар.

Охчут

охчут

Туох эрэ суолталаах дьарыктаах буолуоххун наада. Сүрүн үлэни таһынан өссө дууһа сытар дьарыга баар буоллаҕына табыллыа. Иллэҥ бириэмэҕин олус чуҥкуктук атаарар буолбуккун. Элбэхтик соҕотох сылдьыаххын баҕараҕын. Арааһа, өйгүн-санааҕын туох эрэ биир санааҕа сирдиигин быһыылаах. Тус кыаххын, сатабылгын, инники олоххун үөрэтэн көрөргөр туһалаах күннэр. Ордук, суоппардар, суолга-иискэ сэрэхтээх буолуҥ. Оҕолонуоххутун сөп. Тапталлааххын кытта мөккүһүмэ.

Чубуку

чубуку

Дьиэ-уот түбүгэ элбэх. Тапталлааххын кытта дьиэ өрөмүөнүн саҕалаабыккыт, ночоокко да тэбиэн сөп курдук. Үп-харчы чааһыгар олох харыстабыллаах буолуоххун наада. Кэнэҕэс атыылаһар малыҥ-салыҥ элбээн иһиэҕэ. Таптал сыһыаныгар эттэххэ, ыаллар сыһыаннара олус бигэ. Кэлин наһаа өйдөһөр-өйөһөр буолбуккут. Оттон эдэрдэр, өссө да ыал буола илик ыччаттар сыһыаҥҥа эппиэтинэстэрэ намыһах. Санаалара олус халбаҥныыр, уларыйа сылдьар.

Күрүлгэн

курулгэн

Эти-хааны эрчийэргэ, успуордунан дьарыктанарга, массааска сылдьарга саамай туһалаах күннэр. Онон быһыы-таһаа чааһыгар болҕомтолоох буолуохха. Күннээҕи аһылыккын хонтуруоллан уонна бурдук аһыгар үлүһүйбэт ордук. Оҕолор көмпүүтэргэ хам хатаналлара элбээбит, кинилэргэ атын дьарык булуохха наада. Өрөбүллэргэ үөйбэтэх өттүттэн соһуччу көрсүһүү буолуоҕа. Бу көрсүһүү тус олоххор элбэх уларыйыыны түстүөҕэ диэн сулустар сэгэтэн көрөллөр...

Балыктар

балыктар

Айылҕалыын алтыһан, санаалыын-оноолуун чэпчээн сылдьаҕын. Таһырдьа мээнэ чараастык сылдьыма, сааскы салгын албынын өйдөө. Нэдиэлэ ортото доруобуйа биллэрдик халбаҥныыр чинчилээх. Төрөппүттэр оҕолоругар сыһыаннара хаһааҥҥытааҕар да истиҥ, сылаас, ураты. Онон дьиэнэн түмсүү түгэннэрэ үрдүк үөрүүнү аҕалыахтара. Бу күннэргэ дьонтон ылбыт иэскин төннөр уонна иэс кимиэхэ да биэримэ. Дьиэ кэргэн бүддьүөтүн булгуччу хонтуруоллуохха наада.

Тарҕат:

Санааҕын суруй