Киир

Киир

хой

Хой

Бу нэдиэлэ хойдорго туох да бэрдэ суох ааһар чинчилээх. Кинилэр бу күннэргэ туруоруммут сыалларыгар чугаһыахтааҕар, төттөрү баран, тэйэн иһиэхтэрэ. “Тоҕо туох да сатамматый?” дии-дии онно утарылаһан, өсөһөн туһа суох. Балаһыанньаны өссө буортулуохха эрэ сөп. Сулустар оннук дьаһайбыттар. Онон, хойдор нэдиэлэ иккис аҥаарыгар тохтоон, уоскуйан, ырааҕы-киэҥи анаараллара, толкуйдууллара наада.

ОҔУС

Оҕус

Нэдиэлэ бастакы аҥаарыгар доруобуйаҕар улахан болҕомтону уур – аһара сылайбыккын. Сэниэ, күүс-күдэх мунньунар туһугар, сынньана сатаа: утуй, тэлэбиисэри-интэриниэти көр, олор, сыт. Дьыала туһунан толкуйдаама. Нэдиэлэ бүтүүтүн диэки дьэ “тиллэн” барыаҕыҥ. Өрөбүллэргэ билэр дьоҥҥун, доҕотторгун мунньан ханна эрэ баран үчүгэй аҕайдык сынньан. Көрүлээ-нарылаа. Ол эйиэхэ аһара туһалаах буолуо.

ИГИРЭ

Игирэлэр

Дьиэ кэргэннээх игирэлэр бу нэдиэлэҕэ оҕолоруттан сылтаан долгуйуохтара. “Оҕом тылбын истибэт, миигин интэриэһиргээбэт буолла дуу, тугуй?” диэн санаалар киириэхтэрэ. Онтон аһара долгуйума, туох да буолуо суоҕа. Ыал буола илик игирэлэр таптал, билсии-көрсүү боппуруоһугар эмиэ кэккэ уустуктары көрсүөхтэрэ. Ол эрээри, нэдиэлэ иккис аҥаарыгар олоххут тосту уларыйыа. Туох барыта чэпчэкитик кыаллан, табыллан, сатанан барыа.

АРААК

Араак

Дьиэ кэргэн иһигэр быстах өйдөһүспэт түгэннэр үөскүөхтэрин сөп. Бу күннэргэ ыалдьыттары ыҥырар да, ыалдьыттыы барар да табыгаһа суох. Уопсайынан, элбэх дьонноох-сэргэлээх сиргэ сылдьыма. Онно тиийэн сөбүлээбэт дьоҥҥун, өстөөхтөргүн көрсүөххүн, ордук хос иирсээни булан ылыаххын сөп. Нэдиэлэ иккис аҥаарыгар, өрөбүллэргэ ханна эрэ (түүҥҥү кулуупка, дискотекаҕа уо.д.а. буолбатах) баран сынньанан, чэбдигирэн кэл.

ХАХАЙ

Хахай

Туох барыта былаан хоту барбат чинчилээх. Доруобуйаҕын көрүн, иммунитетыҥ аһара мөлтөөбүт, араас ыарыыга хаптарыаххын сөп. Ичигэстик таҥнан сырыт. Сонуну-нуомаһы билиигэ, информацияны ылыыга ыарахаттары көрсүөҥ. Нэдиэлэ иккис аҥаарыгар дьиэ кэргэҥҥэр эбэтэр үлэҕэр өйдөһүспэт түгэн, кыыһырсыа үөскүө. Ол өйдөспөтөх киһиҥ балаһыанньатыгар бэйэҕин туруоран көр уонна кинини өйдүү сатаа. Оччоҕо барыта этэҥҥэ буолуо.

КЫЫС

Кыыс

Бу иннинээҕи сыраҥ-хараҥ, кыһамньыҥ үтүө түмүктэрин дьэ көрөн-билэн барыаҕыҥ. Харчыны матайдыырга барсыбат кэм. Бу кэмҥэ маҕаһыынтан атыылаһар малыҥ-салыҥ хобдох буолан хомотуо. Кыыс бу нэдиэлэҕэ кэргэнин кытта матырыйаалынай боппуруостары быһаарсыбата ордук – ол кыыһырсыыны эрэ үөскэтиэ. Уопсайынан, бу нэдиэлэҕэ сулустар Кыыска “харчы боппуруоһугар болҕомтолоох буол!” диэн сүбэлииллэр.

ЫЙААҺЫН

Ыйааһын

Барыта – этэҥҥэ, долгуйарга туох да төрүөт суох. Хантан эрэ ыраахтан үтүө сонуну истиэҥ, баҕар, ыраах аймахтаргар ыалдьыттыы барар тоҕоос көстүө. Оннук этии киирдэ да – батыныма. Ол баран хаһан да умнуллубат үтүө өйдөбүллэри көрсүөҥ. Дьиэҕэр-уоккар улахан генеральнай убуорканы ыытарыҥ уолдьаспыт. Баҕа санаа баар буоллаҕына, өрөбүллэргэ баран ыты дуу, куосканы дуу атыылаһыаххын сөп.

скорпионша

Скорпион

Быар куустан олордоххуна туох да кыаллыбат: ыра санааны олоххо киллэрэр туһугар элбэхтик үлэлиэххин наада. Нэдиэлэ бастакы аҥаарыгар дьону кытта алтыһыыга уустуктары көрсүөҥ. Бэйэҥ тускунан бөрүкүтэ суох сураҕы-садьыгы истэн соһуйуоххун сөп. Улахан суолталаах дьыалабыай кэпсэтиилэри нэдиэлэ иккис аҥаарыгар көһөрөн биэр. Бу нэдиэлэҕэ кими эрэ иэйэ-куойа, таптыы көрдүҥ да – түһүнэн кэбис. Ол үтүө түмүктээх буолуо.

ОХЧУТ

Охчут

Бэнидиэнньиктэн чэппиэргэ диэри бырааһынньыктыыртан тардын – харчыҥ син биир тиийиэ суоҕа. Бу күннэргэ кимтэн да харчыны иэс ылыма да, биэримэ да. Бу кэмҥэ эн бигэтик өйдүөҥ: харчыта суох киһи көҥүлэ улаханнык күөмчүлэнэрин. Балаһыанньа нэдиэлэ бүтүүтүгэр эрэ уларыйыа: чугас дьоҥҥуттан, аймахтаргыттан көмө кэлиэ. Өрөбүллэр -- ыалдьыттары көрсөргө, дьиэни-уоту өрө тардарга, сааһылыырга табыгастаах кэм.

ЧУБУКУ

Чубуку

Бэрт тэтимнээх, сэргэх нэдиэлэ күүтэр. Биллэн турар, барыта аһара бэрт буолуо суоҕа эрээри, туох да куһаҕан буолбата мэктиэлэнэр. Дьыалабыай кэпсэтиилэри, тэрээһиннэри ыытарга аһара табыгастаах кэм. Интэриэһинэй этиилэргэ сөбүлэһэриҥ ордук. Нэдиэлэ иккис аҥаарыгар ханна эрэ айаннаа, дьону кытта алтыс. Дьон барыта эйигин аһара сөбүлүүр, ылынар. Бу кэмҥэ эн (сулумах буоллаххына) олоҕуҥ аргыһын көрсүөххүн сөп.

КҮРҮЛГЭН

Күрүлгэн

Былааннаабыт дьыалаларыҥ бары олоххо киирэн иһиэхтэрэ. Эйэҕэс-сайаҕас, дьэллэм буолаҥҥын, дьону кытта уопсай тылы судургутук булаҕын, сыалгын-соруккун холкутук ситиһэҕин. Онон ылсыбыт дьыалаҕын тиһэҕэр тиэрдэн ис. Доруобуйаҥ аһааҕыран, мөлтөөн ылыаххын сөп. Суут-сокуон үлэһиттэриттэн дьалты сылдьа сатаа, суол быраабылатын тутус. Ол дьон буулууллара туох да үтүөнэн түмүктэммэт. Өрөбүллэргэ элбэх харчы көстөр.

БАЛЫК

Балыктар

Интэриэһинэй нэдиэлэ. Бастаан утаа бу нэдиэлэттэн туох да үчүгэйи күүтүөххүт суоҕа эрээри – сыыһаҕыт. Бэртээхэй күн-дьыл. Ханнык эрэ үтүө киһи көрсөн бу нэдиэлэҕин улаханнык киэргэтиэ, тупсарыа. Быстах оһолтон сэрэнэн сырыт. Нэдиэлэ иккис аҥаара бэркэ ааһыа. Тас дьүһүҥҥүн кубулут, тупсара сатаа, имиджкин уларыт. Ону көрөн тулалыыр дьон сөҕүөхтэрэ-махтайыахтара. Үп-харчы чааһа – этэҥҥэ.

Тарҕат:

Санааҕын суруй