Киир

Киир

Хой

хой

Элбэх барыы-кэлии, сүпсүлгэн баар. Саҥа доҕоттор элбииллэр. Биир сыллааҕы улуу былааҥҥын оҥостон кэбиһиэххин сөп. Арааһа, ол барыта туолуон сөп быһыылаах. Биир сыл иһигэр. Бу нэдиэлэҕэ электроннай тиэхиньикэни атыылаһыма. Үлэҕэр ирдэбил улааппыт. Ыыргын кэҥэтэ сатыыгын. Мээнэ сүүрэкэлээмэ.

Оҕус

о5ус

Харчыҥ элбэх. Ыраах айаҥҥа путевка атыылаһыаххын сөп. Арыгыны олус элбэҕи иһимэ. Нэдиэлэ иккис аҥаарыгар айантан туттуна сатаа. Суол-иис туруга эн тускар мөлтөһүөр. Ааккын-суолгун харыстаа. Оҕо. Дьиэ. Үлэ. Атах таҥаһа. Ити барыта түмүллэн, сиэтиллэн эн сүрүн дьарыккын быһаарыа.

Игирэлэр

игирэ

Таҥараҕа чугаһыыр, ыраастанар туһунан санаа күүһүрдэр күүһүрэр. Бэргэһэлэнэргэ, атын да сырдык, ыраас тэрээһиннэргэ сылдьарга саамай тоҕоостоох күннэр. Кирэдьиит ыларга ыксаама. Атыы-тутуу бу күннэргэ табыллыа суоҕа. Ыраахтан куттал суоһуурга дылы. Эн тугу да билбэккэ, истибэккэ сылдьарыҥ быдан ордук буолууһу.

Араак

араак

Биллибэти, кистэлэҥи билэ-көрө сатыыр баҕаҥ улаатыа. Онно-манна киирэн-тахсан, умньанан ылыаҥ. Олус тыастаах-уустаах, элбэх киһилээх көргө-нарга бара сатаама. Бу күннэргэ дьону кытта кэпсэтэриҥ уустук буолуон сөп. Ырааҕынан урууҥ күөрэс гыныа. Атын сиргэ баран олохсуйар баҕа уһуктуо.

Хахай

хахай

Бириэмэҕин көрдөөхтүк атаарарга үөрэн. Эйигин бары сөбүлүүллэр, астыналлар. Эн ону бэйэҥ да билинэр курдуккун. Нэдиэлэ иккис аҥаарыгар доруобуйаҥ доҕолоҥнуон сөп. Олус элбэҕи аһаама. Арыгыны иһимэ. Туох эрэ улахан суолталаах дьарык, үлэ наадатын, бириэмэтэ кэлбитиҥ дьэ өйдүөҥ.

Кыыс

кыыс

Виза, прописка кыһалҕатынан дьарыктаныаҥ. Дьону туохха эрэ көҕүлүү сатыаҥ, элэ-была тылыҥ бараныа. Бырааһынньыктартан сылайыаҥ, аһааҕырыаҥ. Чэппиэргэ аралдьыйа таарыйа айылҕа диэки талаһыаҥ. Сыалгын-соруккун чопчулаа уонна түһүнэн кэбис!

Ыйааһын

ыйааьын

Бириэмэҕин айымньылаахтык атаар. Оҕолоргун көччүт. Хоһоонно суруй. Тапталла бэлэхтээ. Улахан харчыны сүүйдэххинэ, олус үлүһүйүмэ. Тохтуу түс. Туттан барыма. Атын дьон харчыга кыһалҕатыйбытыгар түбүгүрэн сүүрүөҥ-көтүөҥ. Эргэни-урбаны уларытан-тэлэритэн, көтүрэн саҥаны айарга саамай үчүгэй кэм.

Скорпион

скорпион

Дьиэ кэргэн иһигэр бырааһынньык, үөрүү-көтүү элбиэ. Ол үчүгэй. Атын дьон харчытынан эн тупсан кэлиэҥ. Айан баар. Үөрэнэргэ соччо табыгаһа суох кэм. Ыал скорпионнар тыҥааһыннаах балаһыанньаҕа киириэхтэрэ. Барытын хонтуруолга тут. Нэдиэлэ иккис аҥаарыгар дьону-сэргэни кытта алтыһар эйгэҕин хааччахтыахтара.

Охчут

охчут

Кими баҕарар кытта биир тылы булаҕын. Бу күннэр үөрүүгэ-көтүүгэ, дуоһуйууга анаммыттарын умнума. Эрэстэрээннэртэн, элбэх дьонноох сиргэ барартан батыныма. Ол түмүгэр үбүҥ кэмчитийиэ. Иэс ылыма. Суоппардар, учууталлар, эрэкэлээмэ үлэһиттэрэ ордук табыллыахтара, эбии харчылаһыахтара. Сылайбыккын кистии сатыыгын.

Чубуку

чубуку

Кыһыл көмүһү, атын да киэргэли-симэҕи атыылаһыма – албыннатыаҥ. Кэллиэксийэһиттэр олус табыллыахтара. Астаа, өрөмүөннээ – барыта сатаныа. Ыал дьоҥҥо сыһыан быстах кэмҥэ тымныйан ылыа. Уопсастыбаннай үлэнэн элбэхтик дьарыктаныаҥ. Аан ситиминэн билсиһии баар. Йоганан дьарыгырар кэм кэлбит.

Күрүлгэн

курулгэн

Дьолуо кутуругун ыксары тутан кэбис. Бу күннэргэ табыллаҕын. Барытыгар. Үҥкүү-битии, көр-нар барыта баар. Үлэҕэр сөбүлүүллэр. Тас көрүҥүҥ тупсубут. Ыҥырыкка сылдьаҕын. Доруобуйаҕын сүтэримэ, умнума. Олус элбэҕи аһаама. Минньигэстэн туттуна сатаа.

Балыктар

балыктар

Дьадаҥы дьоҥҥо амарах буол, куруук көмөлөһө сырыт. Хаһан да көрбөтөх киһигин кытта ыкса билсэ сатаама. Туохтан эрэ саһа, куота сатыыгын. Эн саһар сириҥ – дьиэ кэргэниҥ. Улахан уорааннаах ууга умсуоҥ. Айдаан күөдьүйдэҕинэ, хайдах да балаһыанньаҕа кэргэниҥ диэки буолуохтааххын. Куту-сүрү бөҕөргөтөр дьарык наада.

Тарҕат:

Санааҕын суруй