Хой
Хойдору бу нэдиэлэҕэ олох бары эйгэтигэр ситиһии күүтэр. Ордук – нэдиэлэ иккис аҥаарыгар. Нэдиэлэ бастакы аҥаарыгар доҕоттору кытта көрсүһүү, кинилэр көмөлөрүн туһаныы баар буолуон сөп. Бу кэмҥэ аймахтарга ыалдьыттыыр эмиэ үчүгэй өрүттэниэ. Нэдиэлэ иккис аҥаарыгар хойдор элбэх дьонноох сиргэ сылдьан бэйэлэригэр эрэллэрэ улаатыа, балаһыанньаларын тупсарыахтара. Табыллар күннэр – 28, 31, 1, 2.
Оҕус
Оҕустар бэнидиэнньиккэ үлэлэригэр уустуктары көрсүөхтэрэ, кэллиэгэлэри кытта иирсээн күөрэйэн кэлиэн сөп. Нэдиэлэ ортотугар кинилэр доҕотторун кытта көрсөн уоскуйаллара, холкутуйаллара ордук.Саамай табыгастаах күн – баскыһыанньа. Бу – ыра санааны олоххо киллэрэргэ саамай үтүө күн. Настарыанньа ааттаах, кэрэ, күүстээх аҥаар өттүттэн болҕомто бөҕө, туох барыта санаа хоту табыллан иһэр. Табыллар күннэр – 29, 30, 3.
Игирэлэр
Үлэҕэр болҕомтолоох буол, ыһыктынан кэбиһимэ. Бэнидиэнньиккэ бэйэҕэр наһаа эрэнэн кэбиһэн, улахан алҕаһы таһаарар кутталлааххын. Нэдиэлэ ортотугар ол алҕаһыҥ мөкү содулун толору амсайыаҥ. Ол эрээри, чэппиэртэн саҕалаан настарыанньаҥ көнөн барыа. Дьону кытта элбэхтик алтыс, уопсай бырааһынньыктарга сырыт. Өрөбүлгэ сытан эрэн “ыбылы” сынньан. Табыллар күннэр – 28, 31, 1, 2.
Араак
Туох да сонуна суох чуумпу нэдиэлэ күүтэр. Нэдиэлэ саҕаланыытыгар кыра ситиһиилэр, дьоҕус дохуот баар буолуохтара эрээри, чэппиэргэ-бээтинсэҕэ харчыны сүүйтэрии, үлэҕэ иирсээн күүтэр. Онон, ити кэмҥэ урбаанньыт араактар ханнык да дьыалабыай боппуруоһу быһаара сатаабаттара ордук. Өрөбүллэргэ дьиэ-уот бытархай боппуруоһунан дьарыктанан уоскуйа сатаа.
Табыллар күннэр – 29, 30, 3.
Хахай
Сүнньүнэн, “үчүгэй орто” нэдиэлэ. Бэнидиэнньиккэ араас бытархай түгэннэр ньиэрбэҕин алдьатыахтара. Ол эрээри, санааҥ алдьаммыта түргэнник ааһыа. Онтон ыла араас үөрүүлээх түгэннэр, бэһиэлэй киэһэлэр, көхтөөх сынньалаҥ олоххун сырдатан, киэргэтэн барыахтара. Бу күннэргэ дьиэ кэргэҥҥин, аймахтаргын ыҥыран ирэ-хоро кэпсэтэриҥ туһалаах буолуо.
Табыллар күннэр – 31, 1, 2.
Кыыс
Нэдиэлэ бастакы аҥаарын үлэлиир дьоҕуруҥ намтаан, сылайан, кыра аайы киҥиҥ-наарыҥ холлон, тугуҥ да сатаммакка бэрт хобдохтук атаарыаҥ. Ол эрээри нэдиэлэ иккис аҥаарыгар куһаҕан барыта умнуллан, бэйэҥ күннээҕи олоҕуҥ нуорматыгар киирэн барыаҥ. Үлэҕэ да, дьиэ кэргэҥҥэ да туох да уларыйыы, түһүү-тахсыы суох. Биир эрэ күн табыллыы күүтэр – муус устар 3 күнүгэр.
Ыйааһын
Сулумах ыйааһыннар бэнидиэнньиккэ сүрэхтэрин аҥаарын булуохтарын сөп. Кимтэн да кыбыстыбакка, толлубакка, кими эрэ сөбүлүү көрдүлэр да, тиийэн билсэ сатыахтаахтар. Ситиһии – 100 % мэктиэлэнэр. Нэдиэлэ иккис аҥаарыгар кинилэр туох да суолталаах, улахан дьыаланы былааннаабаттара ордук. Син биир туох да табыллыа суоҕа. Ол кэриэтин сытан сынньаммыттара, доруобуйаларын көрүммүттэрэ быдан ордук. Табыллар күн – 28.
Скорпион
Бэнидиэнньиккэ скорпиону бэрт кыраттан сылтаан чугас киһитин кытта иирсээн күүтэр. Бу күн кинилэр бэйэлэрин кыатана тутталлара наада, ону гымматахтарына, аан дойду дьонун барытын кытта кыыһырсыахтара. Ол эрээри 29, 30 чыыһылаларга олох оннун булуо, уоскуйуо. Саҥа билсиһиилэр, көрсүһүүлэр, көрдөөх тэрээһиннэр күүтэллэр. Өрөбүлгэ сэрэхтээх буол: ыалдьыаххын, оһолго түбэһиэххин сөп. Табыллар күннэр – 29, 30.
Охчут
Нэдиэлэ бастакы аҥаарыгар үөрэ-көтө сылдьан үлэ-хамнас бөҕөтүн оҥоруоҥ, саҥа соруктарга ылсыаҥ. Үп-харчы балаһыанньата эмиэ тупсуо. Чугас киһини кытта кыра иирсээн баар буолуон сөп. Нэдиэлэ иккис аҥаара тус олоххор ситиһии доҕуһуолланыа, сулумах охчуттар сүрэхтэрин аҥаарын булуохтара.
Табыллар күннэр – 28, 31, 1, 2.
Чубуку
Нэдиэлэ үс бастакы күнүгэр чубукулар, эрчимнэрэ-сэниэлэрэ бэрт буолан, үлэлэригэр бэрт үрдүк ситиһиилэри дабайыахтара. Уопсайынан, кинилэр саҥа дьыаланы саҕалыылларыгар, саҥа үлэни булалларыгар, харчыны хотороллоругар саамай тоҕоостоох кэм. Туһалаах уонна наадалаах дьону кытта билсэргэ үчүгэй нэдиэлэ. Бээтинсэҕэ ханнык да “романтикалаах” тэрээһини былааннаама – бэйэҥ кэһэйиэҥ. Табыллар күннэр – 29, 30, 3.
Күрүлгэн
Күрүлгэннэри ситиһиилээх, таһаарыылаах күннэр күүтэллэр. Кинилэр бэйэлэрин кыахтарыгар бүк эрэллээхтэр, күүс-кыах бөҕөлөр. Бэнидиэнньиккэ ылсыбыт соруктарын толоруохтара. Нэдиэлэ ортотун диэки сиэптэрин диэки харчы бөҕө “айанныыр” чинчилээх. Ити курдук, олох бары туһаайыытыгар ситиһии нэдиэлэни быһа аргыстаһыа. Арай өрөбүлгэ аймахтардыын кыыһырсыы баар буолуон сөп. Табыллар күннэр – 28, 31, 1, 2.
Балыктар
Бу нэдиэлэҕэ балыктар тугу былааннаабыттара барыта туолан иһиэ. Нэдиэлэ устата быыкаа да мөкү түгэн көстүбэт, барыта ситиһии, кыайыы-хотуу эрэ күүтэр. Ол иһин балыктар тугу гыныахтарын баҕаралларын барытын эрдэ испииһэктээн кэбиһиэхтэрин сөп. Дьиэ кэргэн, үлэ кэлэктиибин, чугас дьон икки ардыгар сыһыан барыта – ааттаах! Бу – балыктар дьоллоох нэдиэлэлэрэ... Күн барыта табыллыа эрээри, “саамай табыллар” күннэр – 29, 30, 3.
