Хой
Хойдорго бу нэдиэлэ бастакы аҥаара туох да соһуччу сонуна суох ааһыа. Долгуйарга туох да төрүөт суох, ханнык баҕарар уустук сорук барыта кыайтарар кыахтаах. Нэдиэлэ иккис аҥаара өссө үчүгэй буолуо. Чэппиэргэ-бээтинсэҕэ олоххун барытын үчүгэй өттүгэр уларытар сонуну истиэҥ эбэтэр кими эрэ көрсүөҥ. Өрөбүллэр – атыылаһарга үчүгэй күннэр. Сулустар “харчы кэлиэ” дииллэр. Табыллар күннэр – 28, 29.
Оҕус
Оҕустары бэртээхэй, эргиччи табыллыы аргыстаах нэдиэлэ күүтэр. Ону кинилэр туһанан хаалыахтарын наада. Нэдиэлэ бастакы аҥаарыгар доҕоттор көмөлөрө ирдэниэ, ол көмө баар буолуо... Нэдиэлэ ортотугар тугу баҕарар былаанныаххытын сөп. Ыҥырыллан ыалдьыттыы барыаххыт эбэтэр ыалдьыттары көрсүөххүт. Өрөбүллэргэ наһаа бэһиэлэй, үчүгэй сюрпризтаах сынньалаҥ күүтэр. Табыллар күннэр – 25, 26, 27, 30, 1.
Игирэлэр
Нэдиэлэ үс бастакы күнүгэр үлэҕэ, биисинэскэ уустуктар күүтэллэр. Кэллиэгэлэрдиин, салалталыын иирсээн, докумуон-харчы сүтүүтэ, суукка кыайтарыы тахсыан сөп. Чэппиэртэн саҕалаан арыый “бэтэрээ” кэлэн барыаххыт. Онно доҕотторуҥ, аймахтарыҥ көмөлөһүөхтэрэ. Өрөбүллэргэ үчүгэйдик сынньан, арыгылаама. Табыллар күннэр – 28, 29.
Араак
Үөрүөххүн сөп: бу нэдиэлэҕэ үчүгэй күн куһаҕаны лаппа куоһарар. Нэдиэлэ саҕаланыыта үлэҕэ-хамнаска, биисинэскэ, үпкэ-харчыга ситиһии доҕуһуолланыа. Туохха барытыгар ылсан иһиэххэ эрэ наада. Чэппиэргэ-бээтинсэҕэ харчыгын сүтэриэххин сөп. Бэйэҕин кытта элбэх сууманы илдьэ сылдьыма, тугу да атыылаһыма.
Табыллар күннэр – 25, 26, 27, 30, 1.
Хахай
Туох да бэрдэ суох нэдиэлэ күүтэр. Киҥиҥ-наарыҥ холлон, ньиэрбинэйдээн эрэйдэниэҥ. Ол иһин дьонноох-сэргэлээх сиргэ сылдьа сатаама. Ордук-хос иирсээни булан ылыаҥ. Настарыанньаҥ бээтинсэҕэ-субуотаҕа эрэ тупсуо. Ити кэмҥэ эн төһө баҕарар уустук соругу толорор кыахтааххын. Өрөбүллэргэ ороскуокка тэбиллибэт туһугар, маҕаһыыҥҥа сылдьыма.
Табыллар күннэр – 28, 29.
Кыыс
Нэдиэлэ бастакы аҥаара араас күүтүллүбэтэх кыһалҕа, мэһэй-тэһэй, тордуох-күрүчүөк аҥаардаах ааһыа. Ону өссө дириҥэппэт туһугар, кыыс ураты болҕомтолоох буолуохтаах. Бу кэмҥэ кини дьиэтигэр олорбута ордук буолуо. Чэппиэртэн саҕалаан кыыс дьэ кута-сүрэ уоскуйан, налыйан барыа. Үчүгэй настарыанньа өрөбүл күннэргэ эрэ эргийэн кэлиэ.
Табыллар күннэр – 30, 1.
Ыйааһын
Бу нэдиэлэҕэ ыйааһыннар, туруоруммут соруктарын ситиһэр туһугар, элбэх ыарахаттары көрсүөхтэрэ. Нэдиэлэ бастакы аҥаара олоҕурбут бэрэээдэгинэн ааһыа. Араас дьээбэ-хообо, эрэй-буруй нэдиэлэ ортотуттан саҕаланыан сөп. Онон, ыйааһыннар үлэлэригэр аһара ноҕуруускаламматтара, доруобуйаларын көрүнэллэрэ ордук. Өрөбүллэргэ да толору сынньаныы-уоскуйуу кыайтарбат чинчилээх.
Скорпион
Сулумах скорпионнар тус олохторугар үтүө уларыйыы киирэрин туһугар, эйэҕэс-сайаҕас буолуохтарын наада. Бу нэдиэлэҕэ кинилэри бэрт интэриэһинэй көрсүһүү күүтэр. Ити курдук, кинилэр нэдиэлэни быһа үөрэ-көтө, кыайа-хото сылдьыахтара. Ол эрээри былаан тохтуута, араас уустук-моһол кинилэри өрөбүллэргэ күүтүөн сөп. Оннук буолбатын туһугар, дьиэҕэ олорбут ордук. Табыллар күннэр – 25, 26, 27.
Охчут
Бу нэдэлэҕэ кыайыы уонна кыайтарыы аргыстаһа сылдьаллар. Нэдиэлэ бастакы аҥаарыгар чугас киһилии кыыһырсыы, күнүүлэһии күүтэр. Сулумах да дьоҥҥо туох да ситиһии кэлбэт күнэ-дьыла. Бээтинсэ – тус олоҕу сааһылыырга үчүгэй кэм. Үөрүү-көтүү төннөн кэлиэ. Өрөбүллэргэ тиэрэ түһэ сытан үчүгэйдик сынньаныахха наада.
Табыллар күннэр – 28, 29.
Чубуку
Бу нэдиэлэҕэ чубукулар сэмэйгитин, саатаргытын-кыбыстаргытын барытын умнан, хамсаммахтаан хаалыаххытын наада. Үлэҕэ да, тус олоххо да... Дьыалабыай боппуруоһу нэдиэлэ бастакы аҥаарыгар ситэрэн-хоторон кэбиһиҥ. Кыайыы – мэктиэлэнэр. Аймахтаргын кытта кыыһырсыма. Өрөбүллэри саҥа билсиигэ-көрсүүгэ аныыр ордук. Табыллар күннэр – 25, 26, 27, 30, 1.
Күрүлгэн
Нэдиэлэ саҕаланыыта харчы боппуруоһугар, карьераҕа үчүгэй сонуну аҕалыа. Сытыы-хотуу күрүлгэннэри дуоһунас үрдээһинэ, туһалаах билсиһии күүтэр. Олорон эрэ хаалымыахха наада. Бээтинсэҕэ туох эрэ тэрээһиҥҥэ баран интэриэһинэй дьону кытта билсиҥ. Өрөбүллэргэ чугас дьоҥҥун, кэллиэгэлэргин кытта иирсээҥҥэ киирэн биэримэ, бириинсиптэһимэ. Табыллар күннэр – 28, 29.
Балыктар
Туох да кыһалҕата суох дьоллоох күн-дьыл турар. Нэдиэлэ бастакы аҥаарыгар олох бары эйгэтигэр үтүө эрэ уларыйыылар күүтэллэр. Нэдиэлэ иккис аҥаарыгар, аны үпкэ-харчыга табыллыы кэлиэ. Өрөбүллэргэ ханна эрэ баран, холобур айылҕаҕа, көхтөөхтүк сынньан, бырааһынньыктаа, көрүлээ-нарылаа.
Табыллар күннэр – 25, 26, 27, 30, 1.
