Хой
Нэдиэлэ бастакы аҥаара бэрт интэриэһинэйдик ааһыа. Бу кэмҥэ сулумах хойдор болҕомтолоох буолуохтарын наада: сүрэхтэрин аҥаарын булан ылыахтарын сөп. Сэрэдэҕэ үлэҕит миэстэтин, дьиэҕитин сууйан-сотон, ыраастаан кэбиһиҥ. Бөҕү кытта араас көстүбэт моһоллортон-мэһэйдэртэн босхолонуоххут. Нэдиэлэ иккис аҥаарыгар улахан суолталаах тугу да былааннаамаҥ, иирсээҥҥэ киирэн биэримэҥ. Табыллар күҥҥүт – 9.
Оҕус
Нэдиэлэ 3 бастакы күнүгэр олоххутугар суолталаах араас түгэннэр көстөн ааһыахтара. Ол иһигэр, чугас дьоҥҥун кытта кыра кыыһырсыы, “романтикалаах” көрсүһүү, тапталга билинии... Онно холоотоххо, нэдиэлэ иккис аҥаара хобдох-курус соҕустук ааһыа. Өрөбүл күннэри тугу да гыммакка дьиэҕэр атаарбытыҥ бэйэҕэр ордук буолуо.
Табыллар күннэр – 10, 11.
Игирэлэр
Бу нэдиэлэҕэ тус олоххо сыһыаннаах элбэх түһүү-тахсыы күүтэр. Ол курдук, нэдиэлэ бастакы аҥаарыгар аймахтаргар, чугас дьоҥҥор тулуурдаахтык сыһыаннас, кыыһырсыма. Доҕотторгун кытта эмиэ элбэх өйдөспөт түгэн көстүө. Чэппиэртэн саҕалаан кыайыы-хотуу, ил-эйэ, саҥа билсиһии, “эрийсии”, кистэлэҥ иэйиилээх көрсүһүү күүтэр. Өрөбүл күннэргин сөбүлүүр дьарыккар туһаай.
Табыллар күннэр – 9, 12, 13.
Араак
Нэдиэлэ үс бастакы күнүгэр үпкэ-харчыга сыһыаннаах боппуруостары быһаара сатаа. Бу – саҥа дохуоту, сонун үлэни буларга, туһалаахтык билсэргэ бэртээхэй кэм. Чэппиэргэ-бээтинсэҕэ тапталга сыһыаннаах боппуруостарынан букатын дьарыктаныма. Ыал дьон эмиэ бу кэмҥэ тугу эрэ быһаарса, “кырдьыгы көрдүү” сатыыллара наадата суох, ол иирсээнинэн эрэ түмүктэниэ. Субуота — сонун билсии күнэ. Табыллар күннэр – 10, 11, 14, 15.
Хахай
Араас ыра санааны, идиэйэни олоххо киллэрэргэ бэрт кэм. Хахай күүһэ-кыаҕа, дьоҕура онно толору дьүөрэлэһэр. Үлэҕэ, тус сыһыаҥҥа барытыгар ситиһии эрэ аргыстаһыа. Нэдиэлэ ортото – “дохуот саҥа ыстатыйатын” тобуларга үчүгэй кэм. Өрөбүллэргэ чугас дьонуҥ онон-манан киирэн кыыһырда сатыахтара, онно киирэн биэримэ, туттуна сатаа.
Табыллар күннэр – 9, 12, 13.
Кыыс
Туохха да кыһаллыма, долгуйума, тугуҥ барыта табыллан иһиэ. Араас үөрүүлээх сюрприз бөҕө күүтэр, ол иһигэр, үтүө санаалаах дьону кытта элбэх алтыһыы. Ыал буоларга, кэскиллээх билсиини тэринэргэ, олоҕу уларытарга табыгастаах кэм. Үп-харчы боппуруоһа эмиэ кыайыы-хотуу көтөллөөх ааһыа. Өрөбүллэргэ доҕотторгун, чугас дьоҥҥун кытта “ньиргиэрдээх соҕустук” сынньан.
Табыллар күннэр – 10, 11, 14, 15.
Ыйааһын
Бу нэдиэлэҕэ ыйааһыннар бэйэлэрин эрэ буолбакка, тулалыыр дьоннорун олоҕор эмиэ үтүөнэн дьайыахтара, элбэх дьонноох-сэргэлээх сирдэргэ сылдьан чугас, интэриэһинэй доҕоттору булуохтара. Нэдиэлэ иккис аҥаарыгар өрдөөҕүттэн иитиэхтээбит ыра санааҕыт олоххо киириэн сөп. Өрөбүллэргэ маҕаһыыннарга сылдьан ону-маны атыылас. Ол матайдаабыт харчыҥ уон оччо буолан бэйэҕэр төннүөҕэ. Табыллар күннэр – 9, 12, 13.
Скорпион
Бэнидиэнньиккэ аһара ыһыллаҕас, дьалбаа-дьалаҕай буолан эрэйи көрүөҥ. Онон, суолталаах докумуону, харчыны сүтэрбэт курдук тэрин-дьаһан. Ол да гыннар, бука, тугу эрэ сүтэрэриҥ буолуо. Санаа баттыгар түспүккүн доҕотторуҥ, чугас дьонуҥ уоскутуохтара, бэттэх аҕалыахтара. Таарыйа, хантан эбии харчы буларгар сыаналаах сүбэлэри биэриэхтэрэ. Өрөбүллэргэ кыайыы эмиэ төннөн кэлиэ. Табыллар күннэр – 10, 11, 14, 15.
Охчут
Үлэҕэр ситиһии да, кыайтарыы да сиэттиһэ сылдьаллар. Бэнидиэнньиккэ араас инвестиция, саҥа дьыала арыйыытын туһунан толкуйдаабатаҕыҥ да ордук. Ити боппуруостарынан нэдиэлэ ортотугар дьарыктаннаххына – ситиһии аргыстаныаҥ. Нэдиэлэ иккис аҥаарын туохха да долгуйбакка холкутук атаар, туох да сонун син биир суох буолуо.
Табыллар күннэр – 9, 12, 13.
Чубуку
Үлэҥ боппуруостарыгар ылсарыҥ уолдьаспыт. Нэдиэлэ саҕаланыытыгар дьыалабыай актыыбынаһыҥ барыта үтүө түмүктэниэ. Арай, 12-с чыыһылаҕа үпкэ-харчыга сыһыаннаах тугу да гыныма. Бу – эн табыллыбат күнүҥ. Бу нэдиэлэҕэ саамай табыллар кэмиҥ – өрөбүллэр. Бу кэмҥэ эн тото сынньаныаҥ, күүс-күдэх ылыаҥ, интэриэһинэй көрсүһүүлэргэ сылдьыаҥ.
Табыллар күннэриҥ – 10, 11, 14, 15.
Күрүлгэн
Бэнидиэнньиккэ харчыны дуу, наадалаах докумуону дуу сүтэрэн кэбиһэр, кэллиэгэлэргин кытта иирсэр куттал баар. Дьиэҕитигэр да балаһыанньа онтон ордуга суох. Чугас дьонуҥ ньиэрбэҕэр дэлби оонньуур, “сыаналаах сүбэлэри” биэрбитэ буолан кыынньыыр чинчилээхтэр. Нэдиэлэ ортотун ол ылбыт истириэскиттэн босхолонууга аныаҕыҥ. Нэдиэлэ бүтүүтэ иирсээн, кыыһырсыы эмиэ “төннөн” кэлиэхтэрэ. Табыллар күннэр – 12, 13.
Балыктар
Нэдиэлэ бастакы аҥаара бэрт хобдохтук ааһыа. Бу күннэргэ туох да улахан суолталаах дьыаланы былааннаама. Ол кэриэтин, доруобуйаҕын көрүн. Наһаа үлэһит дьон эмиэ уоскуйа, тохтуу түһэллэрэ наада. Төһө да “дьоруойдуу” үлэлээбиттэрин иһин, ол туһата-көдьүүһэ кыра буолуо. Сыыйа, олох оннун булан барыа. Өрөбүл күннэргэ үлэҕэр туох эрэ саҥа көстүүнү киллэр.
Табыллар күннэр – 14, 15.
