Киир

Киир

Хой

Элбэх киириилээх-тахсыылаах нэдиэлэ күүтэр. Үлэ да үгүөрү буолсу. Ол да буоллар, күөрэйэн тахса турар түбүгү төһө да сылайдаргын, түмүгэр бэркэ быһаарыаҥ. Саҥа билсиһии баар курдук. Субуотаҕа сынньана сатаа, ыалдьыттыы да барыаххын, бэйэҥ да ыҥыртыаххын сөп. Доруобуйа – этэҥҥэ.

ОҔУС

Сүрүн дьыалаларгыттан хайатын бастаан быһаараргын былааннаа. Күүс-кыах дэлэччи буолбут. Сүрүнэ, чугас дьонуҥ бырааптарын күөмчүлээбэт гына дьаһан. Ыгым, көтүмэх буолуу, быһымахтык дьаһаныы наадата суох, таах дьону хомотор куттал улахан. Бэйэҥ күүскэр эрэн. Таҥнарбыт дьону өйдүү, мөрөйдүү сатаабакка, судургутук сибээһи тохтоппутуҥ көнө.

ИГИРЭЛЭР

Барыта былааннаммытыҥ, санаабытыҥ курдук тахсан испэт да түгэнигэр сүөм түһүмэ. Үтүөнэн эрэ салайтар. Чугас дьоҥҥун алҕас хомоттоххуна, хайаан да алы гынаргын умнума. Эппиэтинэстэн чаҕыйыма. Быһаарылла илик кыһалҕаны туоратар гына, ыксаабакка толкуйдаа. Ол табылыннаҕына, карьера да тупсара ыраахтан буолбат. Тус олоххор да олус сэргэх нэдиэлэ үүннэ. Өрөбүллэргэ айан табыллыа.

АРААК

Көмө харчы эбэтэр үп эйгэтигэр сыһыаннаах бэртээхэй этии киириэх курдук. Тус олоххут да көнөн барыа, кыралаан уларыйыы баар. Дьыалабыай кыттыгас бырайыактарга үлэ үгүс бириэмэҕитин ылыаҕа. Иирсэ сылдьыбыт дьоҥҥутунуун уопсай тылы булуоххут. Эрэл күүһүрэр. Ол эрээри улаатымсыйарга, киһиргииргэ тиэтэйимэ. Ким эмэ көмө көрдөөтөҕүнэ, аккаастанан хомотума.

ХАХАЙ

Саҥа саҕалааһыннарга, дьэ, табыллар нэдиэлэҕит. Сэргэх көрсүһүү, эриэккэс этии киирдэҕинэ да көҥүл. Бэйэҥ кырдьыккын дакаастыыртан туттунума, тылгар киллэрэриҥ кэбэҕэстик кыаллыа. Арай дьиэ-уот үлэтэ тахсан быстыа суоҕун, санаабыккыттан уһун кэми ылыан сөп. Аһыыр аскар болҕой. Буортуйбуту, өр буолбуту тута бырах.

Өрөбүллэргин чугас дьоҥҥор аныырыҥ ордук.

КЫЫС КУО

Тус олоҕун туһунан кэпсии-ипсии, ыһа-тоҕо сылдьыма. Биир алҕас тылынан туох баар кистэлэҥҥин арыйар куттал баар. Айылҕаттан бэриллибит өтө көрөр дьоҕургун, ис кыаххын туһаныаҥ этэ. Тус олоххутугар быһаарыылаах түгэн баар курдук. Сулумахтар, ыал да дьон таптал уота сүрэххитигэр билигин да тыыннааҕын  билиэххит. Төһөнөн үлэлиигин да, манньата-түмүгэ да биир оччо буолуо. Ыра санааҕыт олоххо киирэр кыаҕа улааппыт.

ЫЙАА¤ЫННАР

Өйгүт ууһа хаһааҥҥытааҕар да тупсубут нэдиэлэтэ. Эһиги сөпкө этэргитин, бэл, бу иннинэ улаханнык утарсар да киһигит билинэр кыаҕа улахан. Күүһүрбүт кыаххытын-уоххутун туһалаахха туһаайыҥ. Ол да буоллар олус инникини былаанныыртан туттунар ордук. Туора дьон сүбэтэ бу күннэргэ олус сөптөөх буолуоҕа диир уустук.

Олоҕу уларытар-тэлэритэр санаа киириэн сөп, олус үлүһүйбэккэ, үчүгэйдик толкуйдан.

СКОРПИОН

Иһинээҕи абааһыларгыт өрө туран, уу холкугутун тохтотор чинчилээхтэр. Баһыйтарымаҥ, бастаан бэйэҕит алҕастаргытын ырытан көрүҥ. Көрдөххө эрэ дуона суох курдукка болҕойдоххутуна, үтүө туруккут эргиллиэ. Кыраттан дуоһуйа, көтөҕүллэ үөрэниҥ.

Былаанныырга табыгастаах күн-дьыл турар. Чугас дьоҥҥутуттан үтүө түгэн (сюрприз) тосхойор кыаҕа улааппыт. Бээтинсэ – табыллар күҥҥүт.

ОХЧУТ

Сулустар эһигини араҥаччылыыр кэмнэрэ. Кимҥитигэр эрэ туора киһи кистэлэҥин бэйэҕэ тутар эбэтэр ис иһиттэн кыйыттан кэлиини тохтото сатыыр турук үөскүөн сөп. Киһи эрэ алҕаһыыр баҕайыта. Сүрүнэ, ону хатылаабакка, иннин диэки баран иһиэххэ. Эһиги үтүө сүбэһиккит, учууталгыт адьас аттыгытыгар сылдьар. Туох эмэ кыаллыбат түгэнигэр, атын өттүттэн киирсэн көр. Уопутуруоххут.

ЧУБУКУ

Бу нэдиэлэ тутаах режиссёрдара – эһиги. Кыралаан бутуллуу баар буолуо эрээри, хараабылы хайа диэки хайыһыннараҕыт да, ол диэки буолуохтара.

Эһигиттэн элбэх тутулуктаах. Бэйэ күүһүгэр эрэниҥ. Интэриэһинэй этии киириэн сөп. Тулуурдаах буолуу эмиэ ирдэнэр. Үлэни уларыппыт киһи диэн санаа киирдэҕинэ, тиэтэйбэккэ быһаарыныҥ.

КҮРҮЛГЭН

Уйулҕа өттүнэн холку уонна бэйэ күүһүгэр эрэллээх буолуу ирдэнэр. Хайаҕыт эрэ тапталыгар табыллыыһы. Сорох Күрүлгэҥҥэ карьера үрдүүр сибикитэ биллэр. Сүүрүк хоту устар, ээл-дээл буолар баҕаҕытын хам баттааҥ. Өрөбүллэргэ үчүгэйдик сынньанан, күүс-үөх мунньунаргыт мэһэйдиэ суоҕа.

БАЛЫКТАР

Санаа охсуһуута баар курдук. Доҕор сүбэтэ сөптөөх быһаарыныыны ылынаргар көмөлөһүө. Үчүгэй сонун өр күүттэрбэт чинчилээх. Бээтинсэҕэ интэриэһинэй дьыалабыай этии киирдэҕинэ, тута батыныма, кэнэҕэһин карьераҕар туһалыан син.  Санааҕытыгар, күн-дьыл баран быстыбат курдук да, туох да уустугу сулустар көрбөттөр.  Эрдэ илии таһынан аһаран испит дьыалаҕын билигин сөргүттэргин, үтүө түмүгү ситиһэр кыах лаппа улаха

Тарҕат:

Санааҕын суруй