Киир

Киир

Хой

хой

Үлэ, үөрэх чааһыгар алтыһарга, көннөрү айанныырга да бэртээхэй нэдиэлэ үүннэ. Туохха ылыстыгыт, тугу саҕалаатыгыт да, ситиһии сиэтиллэн кэлэр кэмэ. Бэйэ кыаҕын олоччу буолбакка, хонтуруоллаан, кэмнээн-кэрдиистээн туттар сатабылга үөрэниэххит. Кэнэҕэскини умнуллубат баҕайыта. Бэс ыйын 21-тэн саҕалаан ый бүтүөр да диэри атын дьон кыһалҕатын быһаарар наадата тирииһи. Онно үп да, моральнай күүс да эрэйиллэрэ эрэбил.

Оҕус

о5ус

Олоххутугар тутаах суолталаах түһүмэх саҕаланар. Онон, бу өттүгэр ураты болҕомтоҕун туһаай. Сөпкө гынабын дуу, сыыһабын дуу диэн, үчүгэйдик толкуйдан. Ол быыһыгар сулустар эйиэхэ сэмэй буоларга уонна дьылҕа кыра да бэлэҕэр махтана үөрэнэргэ сүбэлииллэр. Бэс ыйын 15-30 күннэригэр – үп-харчы кыһалҕатын быһаарарга уонна туһалаах кэпсэтиилэри ыытарга тоҕоостоох кэм. Кытаат!

Игирэлэр

игирэ

Нэдиэлэ саҕаланыыта үп боппуруоһунан ыкса дьарыктаныҥ, ол хаһааҥҥытааҕар да суолталанан турар. Иккиһинэн, бэйэ кыаҕын туһана, көрдөрө сатаа. Ылсыбытыҥ барыта ыпсан иһиэҕэр, үтүө түмүктээх буолуоҕар халлаан сулустара эрэнэллэр. Кимтэн да, туохтан да тутулуга суох буоларга дьулус. Бэс ыйын 23 күнүттэн саҕалаан ый бүтүөр диэри барыта этэҥҥэ буолан, тапталга уонна үчүгэй сынньалаҥҥа тардыһыаҥ.

Араак

араак

Араактар соҕотохсуйбат үгэстээхтэр, онон, куһаҕан, баттыыр санаа киирдэҕинэ да, киэр илгэн кэбис! Таптыыр дьоҥҥун кытта этиһиини, мөккүөрү, туох да табыллыбат буолуутун бэйэҕэр тардыбат гына мөкү санааҕа баһыйтарыма. Кими эрэ сүтэриэм диэн куттанар түгэҥҥэр, төттөрүтүн, холкутуй, дьиҥ “бэйэҥ киһиҥ” син биир эйигинниин буолуоҕа. Үлэ өттүгэр саҥа саҕахтар, былааннар көстөллөр, ыһыктыныма, эппиэтинэстээх буол.

Хахай

хахай

Туһата суох дьонтон, олус уйуһуйууттан тэйэриҥ ордук кэмиҥ. Бигэ тирэхтээх буоларга, бэйэ күүһүгэр эрэнэ үөрэн. Ити барытыгар сыһыаннаах. Ис туругу күүһүрдэргэ онно туһааннаах кинигэтэ аах, лиэксийэлэргэ сырыт. Уопуттаах дьон эн салгыы хайдах сайдыахтаах суолгун арыйарга көмөлөһүөхтэрэ. Олус сылайыы, тыҥаан сылдьыы ыарыы төрүөтүгэр кубулуйуон сөп. Онон, сынньан, уоппускаҕа да барыаххын сөп этэ.

Кыыс Куо

кыыс

Тус олоххор болҕой. Саҥардыы саҕаламмыт да, уруккуттан да баар сыһыан тургутукка түбэһэр кыаҕа улааппыт. Онон, сыһыаны тупсарар туһугар анараа аҥааргар соһуччу үөрт, күүппэтэх бэлэҕин бэлэхтээ, сэргэх айаҥҥа, сибидээнньэҕэ ыҥыр. Ыксалынан дьаһаныы сыыһаҕа тиэрдэр кутталлаах. Бэйэни албыннаныма, дьиҥ балаһыанньаны сөптөөхтүк сыаналыыр ордук.

Ыйааһыннар

ыйааьын

Бу иннинэ оҥорбуккар барытыгар эппиэттиир кэмиҥ кэллэ. Буруйу эбэтэр эппиэтинэһи атын киһиэхэ көлбөрүтүмэ. Ити барыта – эн дьайыыҥ, үлэҥ түмүгэ. Тулуурдаах буоларга үөрэн. Чугас киһигиттэн сиэри таһынан болҕомтону эрэйэн эрэйдээмэ. Бэрт сотору орун-оннугар буолуо. Үлэҕэр, ылбыт эбэһээтэлистибэҕэр тугу эрэ наадалааҕы умнубат, көтүппэт гына, болҕомтоҕун күүһүрдэн биэр. Ол түмүгүттэн элбэх тутулуктаах.

Скорпион

скорпион

Арамаантыкалыы сыһыан эйигин иилии эрийэн ылыыһы. Санааҕар, олох “ураты”, уруккуттан көрдөөбүт киһибин көрүстүм эбэтэр күүскэ таптаатым да диир гына, сонун билсиһии баар буолуох курдук. Ол гынан баран олус халлаанынан халаарбатыҥ ордук. Бастакы сыанабыл арыт сыыһа буолааччы. Иннинээҕи үлэҥ түмүгүттэн кынаттанан, күүскэр күүс эбиллибит. Бу кэмҥэ былааннаммыт кэпсэтии, бырайыак ситиһиилэнэр кыахтаах.

Охчут

охчут

Идэҥ эйгэтигэр үтүө уларыйыы көстөр. Урукку үлэҕин хаттаан туһанар түгэн тосхойууһу. Бу өрөбүлгэ арамаантыкалаах билсиһиигэ бэлэмнэн. Иккис өттүттэн, үлэҕэ-хамнаска тулуурдаах буолуу, бэйэни туттунар сатабыл, эбэһээтэлистибэни кэмигэр уонна чопчу толоруу ирдэнэр. Ону кыамматаххына, уһун кэмнээх иирсээҥҥэ, өйдөспөт түгэҥҥэ түбэһиэххин сөп. Дьыалабыай айан-сырыы, түргэнник ситиһиллэр дьыала табыллыыһы.

Чубуку

чубуку

Көҥүлүҥ улаатар, талааныҥ сөпкө сыаналанар кэмэ. Уһук кэмнээх былааны торумнаа, өйүүр дьону көрдөө. Бу нэдиэлэ уустуга арай дьиэ кэргэн сыһыаныгар буолуон сөп. Эрэммиккин толорбокко эбэтэр эппиэтинэһэ суохтарын көрдөрөн хомотуохтарын сөп. Хамсаабат хапытаалга, оҕону иитиигэ, төрөппүтү кытта сыһыаҥҥа кыра иирсээн тахсыан сөп. Балаһыанньаны сытыырхатыма, хаҕыс сыһыаны сымнатарга дьулус. Чугас дьонуҥ буоллахтара.

Күрүлгэн

курулгэн

Бэйэҕэ эрэл күннэтэ улаатар. Үнүр табыллыбатах дьыалаҕын сөргүтэн, этэргэ дылы, “оҕуһу муоһуттан” ыллаххына, сыыһыаҥ суоҕа. Бэс ыйын 21-30 күннэригэр партнердардыын сыһыаны бөҕөргөтөргө үлэлэс. Сулустар дьайыылара араас, онтон эн санааҥ сытар, туруккун бөҕөргөт үөрдэр түгэннэргэ болҕой. Бэс ыйын 25-30 күннэригэр суолталаах көрсүһүү, айан, ону кытта кэнэҕэһин эйиэхэ көмөлөһүөх дьоннуун билсиһиэҥ.

Балыктар

балыктар

Улахаҥҥа киирсэр гына сиппитиҥ-хоппутуҥ ырааппыт. Сулустар үпкэ ситиһиини мэктиэлииллэр. Буола турары билигин атыннык сыаналыыр туруктааххын. Таптал чааһыгар олоххо баай уопуттаах дьон сэҥээрдэллэр. Бэс ыйын 21-30 күннэригэр дьиэ кэргэҥҥин кытта бииргэ сынньанар туһунан толкуйдаа. 26-тан саҕалаан, үп туругун бөҕөргөтүнэргэ үлэлэс. Бэлэми күүтэн, олорунан хаалыма.

Тарҕат:

Санааҕын суруй