Ыам ыйын 20 күнүгэр Таатта улууһун хоруона хамсыгын утарар суһал ыстаабын иһитиннэриитэ кэллэ. Онно суһал ыстаап маннык иһитиннэриини оҥордо:
“Күндү биир дойдулаахтарбыт! Эрдэ иһитиннэрбиппит курдук, ыам ыйын 10-11 күннэригэр куораттан “контактаах” киһи кэлэн Тааттаҕа үлэлээбитин түмүгэр, кинини кытары быһаччы алтыспыт 41 киһи анаалыстара ылыллан куоракка барбыта. Бэҕэһээ 20 киһи анаалыһа “отрицательнай” диэн биллибитэ. Бүгүн 2 киһи анаалыһа “положительнай”, атыттара “отрицательнай” буолбута билиннэ. Үөскээбит балаһыанньаҕа олоҕуран улуус хоруона хамсыгын утарар суһал ыстааба иһитиннэрэр: бу күнтэн саҕалаан ас маҕаһыыныттан ураты бары маҕаһыыннар сабыллаллар, аптекаларга, бородуукта маҕаһыыннарыгар маасканы кэтии эрэсиимэ киирэр, бэрчээккэ ирдэниллэр, кэлии-барыы тохтотуллар. Санэпид ирдэбилин хас биирдии киһи тутуһара булгуччу ирдэнэр. Ыарыыны бопсуу хас биирдиибититтэн тутулуктааҕын умнумуоҕуҥ”.
“Таатта” хаһыат, ulus.media/
Сэҥээриилэр
önemlidir. Genellikle etkili CV yazmak için kullanacağınız yazı tipi.
Stop by my blog post: Eczanem Blink'i kabul ediyor mu?: http://bimini-bay.com/__media__/js/netsoltrademark.php?d=flonase4pro.top%2Fcl%2Fukpqf2cevd