Мария, Руслан Васильевтар
-
-
Чурапчы нэһилиэгэ
1. Чурапчы улууһун Чурапчы нэһилиэгэр олорор Мария, Руслан Васильевтар диэн буолабыт. Былырыын, 2017 сылга, икки этээстээх мас толору хааччыллыылаах дьиэ туттан киирбиппит. Россельхозбаантан кирэдьиит ылан туттубуппут, онон баан үлэһиттэригэр махталбытын тириэрдэбит. Дьиэбитин бэйэбит бырайыактаан, дизайнаан хас биирдии хоһун хапытаалынай истиэнэ оӊорбуппут.
2. Дьиэбит толору иэнэ 154,2 кв.м. Ленточнай акылаакка оӊоһуллубута, онон куукунабыт, остолобуойбут, туалет хоспут муостатын плитка гыммыппыт. Эһиги иннигитигэр, остолобуойбут.
3. Дьиэбит мас буолан салгына ыраас, сибиэһэй мас сытынан дыргыйар. Истиэнэбитин тугунан да соппотохпут, үрдүн, иккис этээс муостатын лаахтаабыппыт. Онтон саалабыт муостатын сырдык, сиэдэрэй линолеумунан тэлгэппиппит сааланы өссө кэӊэтэн, тупсаран биэрэр. Эһиги иннигитигэр, ыалдьыттары көрсөр саалабыт.
4. Аҕыс ыйдаах аам-даам тымныы дойдуга олорор сахалар барахсаттар үйэбит тухары таһырдьа сылдьан кэллэхпит. Үйэ сайдан, билигин тыа сиригэр дьиэни тупсаран, ситэрэн оӊоруу үлэтэ күргүөмнээхтик бара турар. Эһиги иннигитигэр, туалет хоһо.
5. Кэргэним доҕорун көмөтүнэн бэйэтэ иилээн-саҕалаан ититии систематын тардыбыта. Кыһынын мууһу уулларан, сайынын ыраас ууну туттабыт. Емкоспыт баанньыкпытыгар турар. Бу кыраантан итии, тымныы уу сүүрэрэ, хаһаайкаҕа, астык!
6. Кэккэ сылларга чурапчылар сүрүн үөрүүбүтүнэн, күөх төлөн уота кэлбитэ буолар. Күн бүгүн, былааннаах үлэ ыытыллан, Чурапчы нэһилиэгэ кыралаан гааска холбонон иһэр. Биһиги дьиэбитин тутта сырыттахпытына гаас утаҕа кэлэн, тута холбоммуппут. Гааска буспут ас минньигэс буолар дииллэрэ, кырдьык эбит.
7. Дьиэ хаххата – күрүөтэ. Күрүөбүтүгэр-хаһаабытыгар улахан болҕомто уураммыт туспа бырайыактанан, толкуйданан оӊоһуллубута. Дьиэбит аттытыгар баанньыкпыт турар. Баанньыкпытыгар гааспыт оһоҕо, ититиибит системата тирэхтэнэн турар. Көрөргүт курдук, дьиэбит ситэриллэрэ-хоторуллара элбэх, таһырдьа сылыйда даҕаны, күүстээх үлэҕэ түһүнүөхтээхпит. Балкоммутун түннүктээн, дьиэ тас өттүтүгэр декоративнай үлэтэ ситэриллиэхтээх.
Барыгытыгар үтүөнү!
Сэҥээриилэр